#MyMadeUpBF Chapter 2 - The Unexpected Meet Up

Chapter 2 The Unexpected Meet Up

Disclaimer: This is my first fiction story as a writer. Any events, names, scenarios or similarities to any written works are purely coincidental. This story is for mature audience and this story may contain gay sex. If you find this offensive please do not proceed on reading. Please leave a comment, negative or positive feedbacks are well appreciated. Do not copy this story without my permission.

Authors Note: Sorry at natagalan, talagang nahirapan ako dito sa pinasok ko. HAHA pero sino ba ako para bitinin kayo, try ko siya gawin ng slowly para hindi magmukhang pinilit lng yung story. Sa mga nagbabasa, salamat po and sana mag comment naman kayo okay? HAHA

“Ops! Hanggang diyan ka nalang. Oo wala siya dito, ano pinupunto mo? Umayos ka nga uupakan kita!” Galit na sambit ko kay Joshua.

“Natakot naman ako sa sapak mo! HAHA. Wala siya dito physically so it means walang pipigil sa akin.”

“Pipigil saan?” takang tanong ko. 

“Dito!” Unti unti niyang nilapit ang mukha niya sa mukha ko.

Hahalikan sana niya ako pero buti nalang at naiiwas ko ang lips ko. Kahit nasa gilid kami at wala ng tao, baka may makakita sa amin. 

“Pakipot boy! Since ayaw mo naman magpahatid, bahala ka. Alam ko naman hindi kita mapipilit. See you around Daryll at sabihan mo yang BF mo mababawi kita.” Nakakainis talaga! In fairness, kinilig ako, pero hindi! May sinet akong rule na once ex ko na hindi na pwede balikan! Nasa ganun akong pag iisip ng tumawag ulit si Chelsea. 

“Hello Baby” pagsasalita niya ng mababa ang boses. Natawa naman ako ng bahagya bago ako nagsalita.

“Wala na gaga!” tawa ko sa kanya. 

“Ayy Akala ko kasama mo pa, kasi naman naputol yung tawag kanina. Todo modulate pa ako ng boses, anong nangyari?” paguusisa niya sa akin.

“Nangungulit pa din and he kissed me sa cheeks!” naiirita kong balita kay Chelsea.

“Waaa? Talaga? Kinilig ka?” tila naiingit niyang pagtatanong.

“Ofcourse not!” defensive kong sambit. 

“Bakit parang labas sa ilong?” nangiintrigang sambit sa akin ni Chelsea.

“Tigilan mo ako. Pero mukhang nag work yung plano natin, kasi sabi niya babawiin daw niya ako kay KJ. So it means, naniniwala siya.”

“Sinong KJ?”

“Kristoff James tanga!” natatawa kong sambit.

“Gawa gawa ka naman kasi ng pangalan, anyways kakauwi ko lang. Kita nalang tayo sa school bukas?”

“Sige, see you Chels.” Pinatay ko na yung cellphone ko. Naglakad naman ako papuntang mall dahil kailangan ko bumili ng isa pang notebook.

Nasa mall na ako at naglalakad ako papuntang National Book Store ng may makita akong cute, hindi ko alam, hindi naman ako usually easily attracted pero iba siya. Sinundan ko siya, stalker lang ang peg ko. Pumasok siya sa department store kaya naman sinundan ko siya at ng lumiko ay huminto ito sa isang brand ng damit. Papalapit na ako ng nag alarm yung phone ko. 

“Shit, malapit na mag 7, uuwi na si daddy, patay nanaman ako!” sambit ko habang pinapatay yung phone ko. Nang iangat ko ang tingin ko ay wala na yung cute na guy. Lumingon lingon naman ako pero wala na talaga siya.

“Sayang!” nanghihinayang kong isip at dumiretso na ako sa National Book Store. 

Nang makauwi na ako sa bahay ay sakto naman na 7:20 PM palang at wala pa si daddy. Usually kasi 7:30 uwi niya. Nadatnan ko naman yung kuya ko sa terrace at nagweweights nanaman. Everytime na nakikita ko tong si kuya kung hindi nag weweights eh nagcucurl ups. Hindi ba to napapagod? 

“Buhat ka ng buhat liliit yang junior mo!” Biro ko sa kanya. 

“Gago, bakit ngayon ka lang? Kanina ka pa hinahanap ni daddy lagot ka!” pananakot nito sa akin.

“Andyan na ba? Bakit hindi mo man lang ako tinext kuya? Bakit ang aga niya?” Inis kong sambit. Lagot nanaman ako kay daddy kasi late ako umuwi. 

“Aba, bibigyan mo ako ng panload?” nangiiis niyang sambit.

“Pilosopo!” susuntukin ko sana siya sa braso pero tinawag na ako ni daddy.

“UTOY!!!” sigaw ni daddy. Ayan nanaman si daddy, utoy nanaman ang tawag sa akin, ang panget panget. 

“Dy!” sigaw ko pabalik sa kanya at tumakbo dahil batok nanaman aabutin ko sa kanya. 

“Bakit ngayon ka lang!” Batok niya sa akin, sabi na nga eh. Buti nalang matalino ako dahil kung hindi, naubos na IQ ko dahil alog na alog na. 

“Dy naman! May dinaanan lang po.”

“Nambabae ka nanaman! Hindi ba sabi ko sa iyo tigilan mo yang pambabae mo! Manang man aka diyan sa kuya mong manyakis.” Sermon sa akin ni papa. Gusto ko sana sabihin na nananlalake ako pero baka hindi lang batok gawin nito sa akin. 

“Dy, nalate lang nambabae na agad? Hindi ba pwedeng may binili lang?”

“Pilosopo! Andito na yung bestfriend ko nung high school, yung nabanggit ko sa iyo nung isang araw. Dito na kasi mag aaral yung anak niya gawa ng loko loko sa probinsya. Gusto ko kaibiganin mo, kasing edad mo lang yun at sa school mo mag aaral. Huwag mo turuan ng kartarantaduhan mo” Mahabang explanation ni daddy. Napakamot naman ako sa ulo.

“Aba gagawin pa akong yaya?” bulong ko pero may sa paniki talaga tong tatay ko dahil narinig pa niya. 

“Ano binubulong bulong mo diyan?” naniningkit niyang tanong.

“Wala ho. Akyat na po ako.” Tintamad kong sambit sa kaniya at tumakbo na ako sa kwarto ko. Wala ako sa mood makipagkwentuhan kay daddy dahil panay sermon nanaman ito sa akin.

After namin kumain ng hapunan ay ginawa ko na yung assignment ko kay Ms. Enriquez. Yung teacher kong iyon discuss agad, assignment agad. Nakakainis pero wala naman ako magagawa dahil nakadepende sa grades ko yung scholarship ko. Isang taon na lang papalya pa ba ako?

Naalala ko naman yung sinabi ni daddy sa akin. Sino kayang kaibigan yun? Mabait kaya? Sana naman hindi niya pahirapan ang buhay ko. After ko magawa ang assignment ko ay matutulog na sana ako ng nagtext si Joshua. Every day, every night hindi siya nagmimintis mag text. Sana ganito siya ka sweet nung kami pa, baka natuwa pa ako pero ngayon pagkairita ang nararamdaman ko.

“Good night Daryll. See you in my dreams J” text niya. Hindi ko nalang ito nireplyan dahil tiyak ko pag nag reply ako ay lalo lang ito mangungulit. Pinatay ko nalang ang cellphone ko ay baka tumawag nanaman ito gaya ng ginagawa niya kapag hindi ako nag rereply sa text niya. Nakatulog na ako ng hindi ko namamalayan.

“Hoy!” tawag ko sa lalaking nakatalikod na naglalakad. Hinabol ko ito, ang gwapo ng likod, ito na kaya siya. 

“Wait lang!” pilit kong habol sa kanya pero hindi siya huminto kaya tumakbo ako para mahabol ko siya. Ng malapit na ako ay hinila ko ang kamay niya. 

Ito na, ito na! Makikita ko na din sa wakas ang mukha ng tao sa panaghinip ko. Hindi ako magkandamayaw sa pagiisip ng itsura niya habang slow motion na lumilingon yung lalake. Ayan na!

“UTOY!!!! Gumising ka na, late ka nanaman!” sigaw ng tatay ko sa baba na ikinalaglag ko naman sa kama. Ano ba yan, bakit sa tuwing makikita ko na or mahahalikan ko na siya laging may istorbo. 

“Hindi ka ba gigising diyang bata ka ha?!” nagbabanta niyang sigaw sa akin. 

“Andyan na ho!” nayayamot kong sigaw. Dumiretso na ako at naligo bago bumaba sa kusina. Nakita ko naman si kuyang nag uunat pagkalabas ko ng kwarto ko.

“Hoy, late ka nanaman!” batok niya sa akin.

“Bwisit ka talaga kuya! Ambaho mo, maligo ka!” tinutulak ko siya palayo.

“Ulol, mabango yan!” pilit pinaamoy sa akin yung kilikili niya kaya tumakbo na ako pababa. Ganyan kababoy ang kuya ko.

“Utoy, kumain ka na dito. Anong oras na.”

“Sige po pa.” Umupo na ako mesa at nagsimulang kumain. Ito nanaman si daddy sa mga sermon at pangaral niya. Every morning nalang, mas saulo ko pa ata yung sinasabi niya sa akin kesa sa Panunumpa sa Saligang Batas.

“Opo pa, saulo ko na yan eh!” sambit ko sa kaniya dahilan para batukan niya ako ulit. 

“Sumasagot ka pa, basta ha? Yung anak ng kaibigan ko kaibiganin mo. Parehas kayo ng year level hindi ko lang alam kung classmate mo siya. Probinsyano yun kaya igala mo na din mamayang hapon. Hindi kita papagalitan kung gabi ka na uuwi.” Sambit niya habang nagbabasa ng dyaryo.

“Oo na po. Alis na ako daddy.” Nagmano ako sa kanya at tumakbo na. 

“Teka UTOY!” Sigaw niya pero dirediretso na ako dahil malalate na ako. 

“Yung pangalan niya…!” Yun ang huling nasambit niya na narinig ko pagkalabas ko ng gate.

Nasa may kanto na ako at naghihintay ng jeep nang may nakasabay akong bago sa paningin ko. Halos lahat kasi ng nakakasabay ko kakilala ko pero hindi ko ata kilala ang isang to. Ang unang napansin ko sa kanya ang gwapo niyang mukha at mestizo pa siya. Napatulala na pala ako ng hindi ko namamalayan.

“Parang namumukhaan ko siya.” Pagiisip ko hanggang sa may bumangga sa akin. 

“Sorry kuya!” paumanhin ng isang babae. May jeep napala, pumila na ako para makasakay ng mapansin kong nasa likod ko yung gwapong lalake. Nakaramdam naman ako na may nagtext kya ninunot ko naman ito at baka importante pero si Joshua lang lang pala. 

“Good Morning Daryll. See you mamaya!” sabi sa text. 

“Feeler!” bulong ko sa sarili ko habang binubura yung text.

“Excuse, hindi ka ba sasakay?” sambit ng isang lalake at nakita kong yung gwapo pala ang kumakausap sa akin. Ang gandang boses.

“Ha?” parang sira kong sabi. Grabe, nakakamesmirize naman ang mukha niya. Kahit oras oras ko lang siya titigan okay lang! 

“Kung hindi ka sasakay, mauna na ako ha?” Sumakay na siya sa jeep at inunahan ako. Bumalik naman ako sa ulirat ko nung mapansin kong papaalis na yung jeep. 

“Teka lang po manong! TEKA!!!” Sigaw ko pero hindi ito huminto. Kita ko naman yung lalaking inunahan ako sa jeep na ngumisi siya at sinuksok yung earphones niya.

“Teka, siya yung sa mall kahapon!” sambit ko at napansin kong nagtinginan yung mga ibang nandoon na naghihintay ng jeep. Nahiya naman ako dahil sa pagsasalita ko ng magisa.

“Bastos na yun. Gwapo nga wala namang modo!” Inis na pagiisip ko. Halla, malalate na ako. Kung minamalas nga naman. Kasalanan to ni Joshua eh, patext text pa kasi. Isa pa yung feeler na inunahan ako sa jeep. 

“Magagantihan ko din siya kahit pa na crush ko siya. HUH? Crush ko siya? Sino ba hindi? NOOOOOO! Bwisit siya.” Pilit kong pakikipagtalo sa sarili ko. Baliw na ata ako.

Buti nalang at may jeep na agad dumating kaya nakasakay na ako. Lakad takbo naman ako ng makababa na ako ng jeep kaya mukha akong nakipag marathon sa itusra ko. Sakto lang ang dating ko kasi 10 minutes pa before flag ceremony.

“Oh, para kang na rape?” natatawang sambit ni Chelsea sa akin ng makapasok ako sa room. 

“Long story!” maiksi kong sambit. 

“Sabi mo eh, mag ayos ka muna ng itsura tapos baba na tayo for flag ceremony?” sambit niya habang nagsusuklay. Ewan ko ba dito kay Chelsea, kailangan nagaayos bago umattend ng falg ceremony.

Bumaba na kami para pumunta sa quadrangle para makapag flag ceremony ng makita ko si Joshua. Naalala ko naman na siya ang may dahilan kung bakit muntikan ako malate kaya lalo ako nabadtrip.

“Oh, nakasimangot ka?” tanong nito ng madaan ako kung nasaan siya at mga kaibigan niya. 

“Wala ka na don!” naasar kong balik sa tanong niya.

“Woaw!! Wala ka pala kay Daryll Joshua eh!” Asar ng mga kaibigan niya pero imbis na asarin ako lalo ay umiling lang ito kaya dumiretso na kami sa pila. Hindi nito magawa yung nagagawa niya kapag andiyan mg aka team niya sa basketball team dahil ayaw niyang mabuko siya na hindi siya straight. Mabuti na din yun at baka mabara ko lang siya kapag kinausap pa niya ako. 

“Bakit ba ang init ng ulo mo?” 

“Kasi yung lalake kanina na nakasabay ko, walang modo. Inunahan ako sa jeep kaya ako muntik na akong late.”

“Gwapo ba?” tanong niya habang nag seselfie.

“At talagang yan ang tanong mo?” inagaw ko yung cellphone niya para tignan niya ako.

“JOKE lang naman, hindi ka kasi mag chill!”

“Ewan ko sa iyo.” Binalik ko na yung phone niya at sumandal muna ako sa pader.

Nasa quadrangle kami ng may mapansin kaming pinagkakaguluhan yung ibang girls sa other side. Nagtaka naman ako kung anong meron.

“May artista ba?” tanong ko kay Chelsea.

“Baka si Joshua lang yun” kibit balikat niya sagot sa akin.

“Ayun si Josh eh” turo ko kay Joshua na nakikipagkulitan sa basketball team sa other side ng quadrangle.

“Teka, lalapitan ko” sambit ni Chelsea, hinayaan ko naman siya dahil talagang chismosa tong kaibigan ko na ito. 

“Friend!!!” Sigaw nito na tumatakbo palapit sa akin. 

“Oh, ano meron dun?”

“Gwapo!” ngiti niya sa akin.

“Alam ko ng gwapo ako pero ano nga meron dun?”

“Sira! Hindi ikaw! May gwapo dun.”

“Parang yun lang pinagkakaguluhan na nila? Cheap.”

“Bakit, ayaw mo ma sight?”nagbibiro niyang tanong.

“Ayaw ko nga, aanhin ko naman yun? Salamin lang makakakita na ako ng Gwapo!” ngiti ko kay Chelsea.

“Kadiri ka Daryll! Malay mo siya na si THE ONE?”

“Bahala ka nga diyan. Baka the one mo!”

“Oo nga no, wait lang babalik ako dun.” 

Iniwan naman ako ni Chelsea at bumalik dun sa pwesto nung sinasabi niyang gwapo, parang ewan lang ganoon ba talaga kagwapo yun? Napailing nalang ako dahil ubod ng landi nitong mga classmate ko. Nagcheck nalang ako ng twitter at instagram ko habang naghihintay mag start yung flag ceremony. 

“Oh, akala ko ba doon ka muna?” takang tanong ko kay Chelsea ng bumalik siya kung saan kami nakapwesto kanina. 

“Andaming maharot, di makasingit beauty ko!” inis niyang sabi na ikinatawa ko. 

“Lalayo ka pa kasi, ito na nga ako oh, GWAPO!” pagpopogi sign ko sa harap niya. 

“Kilabutan ka Daryll!”

“Ang yabang mo naman! If I know..”

“If I know ano? Nako kahit ikaw nalang natitirang lalaki magpapaka virgin nalang ako sa buong buhay ko no!”

“It’s your lost not mine” biro ko sa kanya. 

“Yuck!” kunyaring nandidiri niyang sambit. 

Nakarinig naman ako ng sigawan na papalapit sa amin, napatingin naman ako sa direksyon nung sumisigaw at nakita ko yung taong sinasabi nilang gwapo. Oo nga, gwapo, ang puti, may dimples na kahinaan ko. Teka, tumayo naman ako at medyo lumapit para makita ko siya. 

“Si walang modo sa jeep kanina!” bulalas ng isip ko. Naramdaman ko naman ang mahinang tulak sa akin ni Chelasea.

“Oh, hindi ba’t sabi ko sa iyo gwapo, natulala ka na oh!”

“Chealsea, siya yung bwisit kanina sa jeep!” inis kong sambit. 

“Talaga? Kung ganyan naman kagwapo ang bwisit na yan eh okay lang.” binatukan ko naman siya. 

“Kung masama ang ugali, wag na lang!”

“Aray ko naman Daryll!” reklamo niya. Nakita ko naman na papalapit sa amin yung walang modong lalaki. 

“Daryll, papalapit siya dito, maganda ba ako?” Sambit niya habang nagsasalamin sa press powder niya. 

“Umayos ka nga Chelsea” iritang sambit ko sa kanya. 

“Hey, I know you!” sambit nito sa akin ng makalapit siya. Hindi naman ako lumingon dahil naiinis pa din ako sa kapreskuhan niya.

“Hey daw friend!” bulong sa akin ni Chelasea.

“Hayaan mo siya!”

“Ganyan ba ka hospitable ang mga students dito?”

“Excuse me?” mataray kong sagot. 

“I do know you, ikaw yung naiwan ng jeep!” natatawang sambit niya. 

“Bwisit!” bulong ko.

“May sinasabi ka?”

“Wala, sabi ko kung ganyan din ang tao sa harap ko, I think hindi na dapat maging hospitable.”

“Feisty!” sambit nito na ikinalingon ko. Nakangisi ito at kita ko yung mga malalanding babae na nagbubulungan. 

“What do you need?”

“Para kasing namumukhaan kita kaya kita nilapitan. Just made sure na ikaw nga yung tatanga tangang naiwan ng jeep kanina.” Sambit nito. Sasagot na sana ako ng tumalikod na ito at umalis. 

“See, hindi man lang nag sorry sa ginawa niya, sinabihan pa ako ng tanga?!” sambit ko kay Chelasea pero ng tignan ko siya ay para itong tangang nakatulala.

“Hoy, Chelsea! Ano ba yan!” Paggising ko sa kanya. 

“Ang gwapo pala sa malapitan friend.”

“Masama ugali niya, hindi mo ba nakita yung ginawa niya sa akin?” pero umiling lang ito na ikinairap ko. Tinignan naman ako ni Joshua from afar kaya tumalikod ako sa direksyon niya.  

Nagsimula na ang flag ceremony, wala naman bago, usual stuff lang na ginagawa. Paminsan minsan ay nakikita kong nakatingin pa din sa akin si Joshua pero hindi ko nalang iyon pinapansin. 

Napalingon naman ako kung nasaan yung biwisit na lalake na nakasabay ko sa jeep. Ngayon ko lang siya nakita sa school, baka bago lang. Sabagay may mga hindi ako kilala sa ibang section, hindi kasi ako masyadong friendly. Natapos na ang flag ceremony at bumalik na kami ni Chelsea sa classroom. 

“Paging Kristoff Arguelles, please go to the principals office.” Rinig namin mula sa hallway at nagkatinginan naman kami ni Chelsea. 

“Friend, Kristoff Arguelles daw?” tanong ni Chelsea.

“Oo nga eh, pero wala namang James yung pangalan.”

“Sabagay may point ka.”

Nasa room na kami at hinihintay nalang yung teacher namin, hindi naman mawala sa isip ko yung Kristoff Arguelles, coincidence naman, ano kaya itsura nun? Bigla naman pumasok yung teacher namin sa room. 

“Sorry class I am late, galing pa kasi ako ng pricipals office eh.” Paliwanag ng teacher namin, nakatingin lang ako sa bintana at iniisip ko pa din yung Kristoff Arguelles na narinig namin sa hallway. Is destiny playing with me again? Pero wala namang James yung name eh, coincidence lang talaga siguro. 

“You have a new classmate, come on in hijo.” Hindi pa din ako lumilingon at sa bintana pa din nakatutok yung attention ko.

“Good morning guys, I am Kit and I am from Zambales.” Rinig ko sa nagpapakilala pero wala pa din doon ang attention ko. 

“Ah, hijo, give us your full name, from what school, age and your hobbies.”

“Sorry po Ms., I am Kristoff James Arguelles, I am from Saint Augustine School in Zambales. I am into sports, actually I play basketball. Kasama din ako sa banda and I am the vocalist.” 

Sa pagkakataong yung ay napatangin ako at napatulala. Tama ba lahat ng narinig ko? Napatingin naman ako kay Chelsea at nakanganga itong napatingin sa akin. 

“Totoo si Kristoff James?” bulong ko sa sarili ko habang tinitignan yung lalake.

Itutuloy...