#MyMadeUpBF Chapter 1 - Say Hello To Daryll

Chapter 1 Say Hello To Daryll

Disclaimer: This is my first fiction story as a writer. Any events, names, scenarios or similarities to any written works are purely coincidental. This story is for mature audience and this story may contain gay sex. If you find this offensive please do not proceed on reading. Please leave a comment, negative or positive feedbacks are well appreciated. Do not copy this story without my permission.

Authors Note: Hi guys, nagpapasalamat po ako sa mga nagbasa ng For What It’s Worth Book 1 and 2. Now I am giving you a totally different story and I wish you will support this like how you supported my first two entries. Comment comment din kapag may time. Haha!

Sabi ng daddy ko when I was a kid, wala daw true love. Huwag daw ako magpapadala sa sinasabi ng puso ko dahil ikakapahamak ko lang daw iyon. Ewan ko ba, hindi ko inabsorb ang mga pangaral sa akin ng daddy. Kahit anong gawin niyang isiksik sa utak ko na walang tunay na pag-ibig eh umaasa pa din ako na mahanap ko yung para sa akin. I always imagine kalian kaya siya darating at sana kung dumating na siya ay SIYA na talaga at hindi error gaya ng mga naging ex ko. Feeling ko kasi lahat ng taong nagugustuhan ko at nagkakagusto sa akin ay THE ONE ko na kaya madalas akong nganga!

 “Mahal na mahal kita Daryll.” Sambit ng taong nasa likod ko. Kinilig naman ako kaya humarap ako pero hindi ko maaninag ng mabuti ang mukha niya, gayunpaman hindi ako makapaniwala na may taong magmamahal sa akin ulit ng ganito. Siya na kaya yun?

“Mahal na mahal din kita.” Sambit ko. niyakap niya ako ng sobrang higpit.

Ang sarap sa pakiramdam ng ganitong may nagmamahal sa iyo. Sa wakas, kasama ko na siya, kasama ko na ang taong para sa akin. Unti unting lumalapit ang labi niya sa labi ko, inilapit ko na din ang labi ko para halikan siya. Hinawakan niya ang pisingi ko, konti na lang, konting konti nalang mahahalikan ko na ang mapupula niyang labi.

“Mr. Villaflor!” binagsak ng teacher ko ang mga libro sa mesa ko sanhi ng pagkagising ko.

“I love you!!!!” Sigaw ko sa biglang pagkagising sa akin ni Ms. Enriquez. 

Rinig ko ang tawa ng mga classmates ko, inilibot ko ang tingin ko at nasa classroom pala ako, panaghinip nanaman. Para tuloy akong nag blush on sa sobrang pula ng mga pisngi ko. 

“What are you doing Mr. Villalor, I am discussing here and tinutulugan mo lang ako?” Galit na sermon sa akin ng teacher ko.

Kasi naman, first day palang nagdidiscuss na siya, Physics pa yung subject sinong hindi mababato? Yung ibang teacher kanina nag hi/hello lang at pinagpasa kami ng ¼  with our names tapos itong isang to, discuss agad? Basag trip lang?

“I am sorry Miss.” Paghingi ko ng paumanhin.

“Miss, nananaghinip yan na may kahalikan, nakanguso oh!” sigaw ng isang classmate ko, tinignan ko naman siya ng masama. Dinilaan naman ako nito para lalong mangasar at nagtagumpay siya! BWISIT.

“Lagot ka sa akin mamaya!” pagbigkas ko sa kanya ng walang boses kasabay ng pagsuntok ko sa palad ko.

“Mr. Villaflor! Stop that! I can’t believe this, hala! Tumayo ka at sagutin mo ang itatanong ko.” Tumayo naman ako bilang pagsang ayon sa utos ng teacher ko. Kita ko ang pagtawa ng ibang classmates ko kaya napakamot nalang ako ng ulo. First day palang napagalitan na ako. Badtrip!

“Explain to me Classical Physics!” mataray na sambit niya sa akin. Hindi yun tanong kundi utos. Nginitian ko naman siya bago ako sumagot.

“It is a physics that does not make use of quantum mechanics or the theory of relativity. Newtonian mechanics, thermodynamics, and Maxwell's theory of electromagnetism are all examples of classical physics. Many theories in classical physics break down when applied to extremely small objects such as atoms or to objects moving near the speed of light. Would you like me to explain the example of Classical Physics that I have mentioned Miss?” Nakita ko naman ang pag tahimik ng teacher ko at ng mga classmates ko. Yung iba literal na nakanganga na nakatingin sa akin na ikinangisi ko naman.

“No need, I am about to explain that. Take your seat, class all eyes here!” mataray na sambit ni Ms. Enriquez bago muling binalik sa akin ang kanyang tingin at umirap. Nginitian ko naman siya ng nang aasar. 

Actually, matalino ako tamad lang ako makinig sa teacher ko kasi alam ko sa sarili kong alam ko ang dinidiscuss niya. Running for valedictorian kaya ako, by the way ako nga pala si Daryll Villaflor. I am a fourth year high school student sa isang private school dito sa Mania. Hindi kami mayaman, sakto lang. Scholar din kasi ako kaya ako nakapasok ako sa isang private institution. Hindi ako yung tipong nerdy looking na obvious na matalino, lahat actually nasusurprise kapag nalalaman nila that I am with honors. Hindi din ako yung tipong nasa sulok lagi at nagbabasa. Kaka-start lang ng school year at talagang tinatamad pa ako mag aral. Nawili kasi ako nung bakasyon na magbasa ng kung ano ano, mapa love story, sci-fi or thriller man iyan. Ito nga ata yung tinatawag nilang vacation sepanx.

Nang makaupo na ako ay naalala ko naman yung dream ko, kainis tong si ma’am eh, hahalikan na ako ng mystery lover ko sa panaghinip. I have been dreaming of that person quite some time now. Siguro nawiweirduhan kayo kasi ganoon yung panaghinip ko ano? Aminado naman ako na hopeless romantic ako. Nagka GF na ako pero yung pinaka recent break up ko is a guy. You read that right, GUY! Bisexual kasi ako, paano ko nalaman? Simple, attracted ako sa lalake at attracted din ako sa babae. Anong tawag dun? Bisexual hindi ba? Ang witty ko talaga! Pero seriously, niresearch ko pa yun kasi nahihiya ako magtanong sa ibang tao.

Noong una, hindi ko tanggap kasi barako ang papa at kuya ko pero ano magagawa ko kung naattract din ako sa lalake? Hindi ako halata, natatakot din kasi akong malaman ng daddy ko, ex-military kasi siya, baka kapag nalaman niya barilin niya ako. Gusto ko magpaka straight noon kaya lang nung nakilala ko yung ex ko nabuhay ulit yung tinatago kong pagkatao. Wala eh, I was young and in love, in simple terms, TANGA pa ako noon.

“Ang galing mo talaga, napanganga kaming lahat eh!” sulpot nung kaibigan kong si Chelsea ng makaalis na yung teacher namin. 

“Ako pa ba? Brainy ata to!” Maangas kong sambit.

“Brainy ka nga, tulo laway ka naman!” binatukan ko naman siya sa sinabi niya. 

“ARAY! Sino ba kasi yung napanaghinipan mo? Si Joshua ba?” Ngisi niya sa akin. 

Alam ni Chelsea ang sexual preference ko at kung sino yung ex-boyfriend ko. Nahuli niya kasi ako nung 3^rd year kami ng mabasa niya ang FLAMES sa notebook ko na ang partner ko ay si Joshua. Wala ako nagawa nun kundi umamin kasi napakakulit niya and eventually, naging bestfriend ko na siya. Noong una boto siya kay Joshua kasi nga star player ng basketball team namin sa school, gwapo, mayaman at popular. Mas tago pa yung si Joshua sa akin dahil takot siyang ma expose at mawala yung career niya. He’s ALMOST perfect but he’s a freakin’ liar.

“Tigilan mo nga ako Chelsea, yung sa amin ni Josh wala ng pag asa!”

“Bakit naman? Ang gwapo gwapo ni Joshua tapos ikaw ayaw mo? Maganda ka?”

“Hindi ako maganda, gwapo ako! Kung gusto mo si Josh, sayo na!” biro ko sa kanya. 

“Eh wala eh, ikaw yung hinahabol ni josh hindi ba? 6 months ka na kaya niyang hinahabol habol para lang bumalik ka sa kanya. Mahal ka talaga niya friend.”

“Wala eh, iba ata ang charms ko! At tsaka tigilan niya ako sa gusto niya akong bumalik kasi mahal niya ako. Sabihin niya, wala lang siyang taga gawa ng assignment niya at tagapagtanggol kapag inuupakan siya ng tatay niya!”

“Ang harsh mo din eh no? Kung ako yan, pagbibigyan ko siya ulit.” Illusyonadang sambit ni Chelsea. Hindi lingid sa kaalaman kong matagal na niyang crush ang ex ko. Sino ba kasing girl at pa-girl sa campus ang hindi?

“Pwes, not me! Bawasan mo kasi yang kilay mo baka sakaling mapansin ka!” pang aalaska ko sa kaniya.

“Ang bad mo talaga, hindi naman makapal tong kilay ko ah?” kinapa naman niya yung kilay niya at tinignan sa salamin.

“HAHAHA!” pagtawa ko na ikinairap niya sa akin.

“Bakit na nga ba kayo ulit nag break?” tanong ni Chelsea alam ko inaasar lang ako nito dahil sa tuwing tinatanong niya ako ay naaalala ko yung nangyari na ikinakasimangot ko. Hindi naman sa bitter ako pero ayaw ko lang talaga maisip yun.

“Ewan ko sa iyo! Ayaw ko na maalala!” 

“Hayy nako Daryll, tara nalang sa canteen? Nagugutom na ako.” Yaya sa akin ni Chelsea.

“Tara, gusto ko din ng burger, libre mo ako?” diyan kami nagkakasundo ni Chelsea, sa pagkain.

“Sure!” sambit niya. Mayaman kasi ang pamilya nila, may ari sila ng accounting firm sa Ayala.

Umalis na kami sa room at dumiretso na kami sa Canteen. Habang naglalakad kami ay nakita ko naman na makakasalubong namin si Joshua. Aatras sana ako pero nakita na niya ako. Ayaw ko naman isipin niya na umiiwas ako no, baka mag feeling pa yan.

“Hi Chelsea, Hi Daryll!” Ngiti niya sa akin.

“Hi Joshua!” Masayang bati ni Chelsea dito at siniko naman niya ako. Tinignan ko naman siya at umirap nalang.

“What now Josh?” mataray kong tanong. 

“Ganun pa din, bakit kasi hindi mo pa ako patawadin? Alam ko namang mahal mo pa ako” sambit niya na parang hindi man lang nagsisi sa ginawa niya.

“Ulol! Matapos mo ako lokohin tapos tatanungin mo ako kung bakit hindi kita mapatawad? Masaya ka!”

“Uyy Daryll…” Sambit sa akin ni Chelsea.

“Shut up Chels. Let me talk to this asshole ng maliwanagan yang utak niyang naalog.” Singhal ko sa kanya. Alam ko kasing sasabihan nanaman niya akong be nice! 

“Nag sorry naman na ako eh!” 

“Well your sorry is not enough! Labas sa ilong mong malaki”

“Hindi naman malaki ah? Please naman Daryll.” Sabi niya habang kinakapa yung ilong niya.  

“Sabing tigilan mo na ako eh. Gusto mo iexpose kita sa basketball team mo ng mawala yang career mo kuno?” banta ko sa kanya. 

“Alam kong hindi mo gagawin yun dahil kung ieexpose mo ako maeexpose ka din” ngisi niya sa akin. Hayop na to. Nagisip naman ako ng idadahilan.

“Ano wala ka maisip no? Kahit ano gawin mo Daryll alam ko mahal mo pa din ako at hindi ako titigil hanggang hindi ka bumabalik sa akin..” Lumapit naman siya sa akin na ikinatras ko. 

“Asa ka! Tumabi ka nga diyan.” Hinawakan naman niya yung kamay ko at napatitig ako sa mukha niya. 

Kung hindi lang ako niloko nitong si Joshua baka kami pa. Pero talagang wala na yung love ko sa kanya eh. He cheated on me and may issues ako sa mga manloloko kasi iniwan kami ng mama ko at sumama siya sa lalake niya. Pinangako ko sa sarili ko noon na hinding hindi mangyayari sa akin ang panloloko ni mama kay papa. 

“Wala ka ngang maisip na dahilan kung bakit kita lalayuan eh. Sige na kasi Daryll, alam ko naman na miss mo na ang mga lips ko na ito.” Nguso niya kaya itinapal ko ang palad ko sa mukha niya. 

“Mahalin mo yang mukha mo! Hindi na pwede kasi…”

“Kasi ano? Come on Daryll, just go back to me at tatanggapin naman kita eh.” Hayop na ito, ako pa ang tatanggapin?

“Hindi pwede kasi may bago na akong boyfriend!” bigla kong sambit. Ha? Saan galing yun? 

“What? May bago ka na pala Daryll?” gulat na sambit ni Chelsea sa tabi ko at nakita kong natahimik si Joshua na nakatingin sa akin. Nice, mukhang nag work yung pagsisinungaling ko.

“Kaya hindi na pwede ang gusto mo Mr. Star Player dahil may bago na ako. At seloso siya!” Pinanindigan ko na ang nasabi ko, ayaw ko naman na magmukhang tanga. 

“Talaga lang ha?” Pambawi ni Joshua.

“Talagang talaga!” 

“Well, I wanna meet him.”

“Hindi pwede!” Bigla kong sambit. 

“At bakit hindi pwede?” nanghahamon na sambit sa akin ni Joshua.

“Kasi…” I need to think something, DALI! 

“Kasi wala talaga?” ngiti sa akin ni Joshua.

“Kasi baka sapakin mo lang siya!” yun, buti nakaisip ako agad. 

“Hindi naman ako violent Daryll, alam mo yan pwera nalang sa” kindat niya sa akin. 

“Bastos! Ewan ko sa iyo. Halika na Chelsea!” Hila ko sa kanya.

“Hindi pa din ako naniniwala hanggang wala kang physical evidence!” Sigaw niya sa akin. Ano ba tong naisip ko!

Nakadating na kami sa canteen at hindi ako mapakali. Ayaw kong magpatalo diyan kay Josh, NEVER!

“Hoy Daryll, bakit hindi mo sa akin sinabi na may BF ka na pala na bago?” nagtatampo na sambit ni Chelsea habang inaantay namin yung inorder kong burger.

“Sira, wala no at kalian ba ako naglihim sa iyo.” pag amin ko sa kanya.

“Eh ano yung sinabi mo kay Joshua?” nagtataka niyang sambit.

“Sinabi ko lang yun para layuan ako.” Tila problemado kong sambit. Kinuha ko naman yung burger at umupo na kami sa isang bakanteng table.

“Andami kasi alam eh, paano mo ngayon lulusutan yan?”

“Hindi ko alam!” frustrated kong sambit. 

“Sabihin mo nalang yung totoo kay Joshua.”

“Ayaw ko nga, eh di ako ang talo niyan at alam ko magfefeeling lalo yun.”

“Men with their pride issues” naiinis na sambit ni Chelsea sa akin.

“You wouldn’t know kasi hindi ka naman lalake, mukha ka nga lang lalake!” Biro ko sa kanya. 

“Ewan ko sa iyo. Makaalis na nga!” Inis na sambit niya ng pigilan ko siya. 

“Sandali lang, ito naman hindi na mabiro.” Pagtawa ko na lalo niyang ikinainis.

“Nakakainis ka kasi, ikaw na nga tong tinutulungan ikaw pa tong nangaasar.” Gusto ko sana tumawa ng malakas kaya lang baka magalit siya g tuluyan sa akin. 

“Sorry na Chelsea…” sabi ko at ng ngumiti siya ay tumawa ako ng tumawa ng malakas.

“Ewan ko sa iyo, ano na plano mo?” 

“Hindi ko nga alam eh, HELP?”

“Bakit kasi hindi nalang GF at kailangan BF pa? Bi ka naman hindi ba? Naging kayo nga ni Andrea nung 2^nd year tayo? Pinapahirapan mo sa sarili mo eh!”

“Kasi kung babae, alam ni Joshua na may pag asa pa siya kasi may mga bagay na wala ang babae na meron sa lalake. At gifted siya sa aspect na iyon at alam na alam niyang yung ang pinakagusto ko sa kanya! You know what I mean right?”

“Yuck kadiri ka talaga! Oh ano gagawin natin?”

“Natanong mo na yan kanina! Hindi ko nga alam!”

“Akala ko ba matalino ka? Simple lang yang problem mo, why not find someone to pretend to be your new Boyfriend?” proud na suggestion niya. 

“Okay ka lang, sino naman ang kukunin natin? Alam mo namang discreet ako! Malaman pa yan ng tatay ko eh di pinugutan ako ng ulo nun sa taas at sa baba.” Nguso ko sa aking hinaharap na ikinairap ni Chelsea.

“Baboy mo Daryll! Hoy babae pa din ako no!” natawa naman ako lalo kasi ang sarap asarin ni Chelsea.

“Alam ko” nangaasar kong sabi kay Chelsea.

“Bwisit ka talaga, kung hindi lang kita bestfriend eh. Well, may kilala ako, mapagkakatiwalaan!” 

“Ayaw ko nga, alam ko na yang mga ganyan ganyan. Napanood ko na yan sa sine at nabasa ko na yan sa wattpad. Hahanap ako ng magpapanggap na magiging BF ko tapos ano in the end maiinlove ako tapos masasaktan ako kasi he can’t love me back!? Spare me with the pinoy drama!” mahabang turan ko kay Chelsea. 

“Wow, napaka advance mo naman Daryll!” sarcastic niyang sambit.

“Dahil everything falls in the same ending. It’s called realism!”

“Ikaw na talaga ang brainy, pero in fairness nagbabasa ka pala sa wattpad?” ngisi ni Chelsea sa akin. 

“Oo naman, kapag wala ako ginagawa nung bakasyon si wattpad ang bestfriend ko. Follow mo ako sa wattpad DaryllPogi10 username ko.”

“Sige, ako ChelseaSexy69” masayang sambit niya. 

“Teka TEKA! Nawawala tayo sa usapan eh, ano na?” pagbabalik ko sa pinagusapan namin.

“Ay oo nga, saglit lang!” nagisip naman si Chelsea habang ako ay nagiisip din ng posibleng gawin. HINDI talaga ako magpapatalo kay Joshua the cheater. Magpapaka straight nalang ako kaysa bumalik ako sa kanya.

“DARYLL! May naisip na ako!” Masayang sambit niya. 

“Talaga, ano?” masayang sambit ko. 

“Ayaw mo kumuha ng totoong tao, ayaw mong mainlove dun sa magpapanggap? Eh di gumawa gawa nalang tayo ng kunwaring BF mo!” hindi ko siya nagets. Ano daw?

“Ha? Hindi ko na-gets!” nalilito kong sambit.

“Hayy SLOW! Matalino ka nga sa academics bobo ka naman sa ganito” mataray na sambit niya. 

“Eh ikaw? Sa chismis ka lang magaling bokya ka naman sa academics!” balik pangaasar ko sa kanya.

“Ikaw ba, gusto mo tulungan kita ah?” nagbabanta niyang sambit.

“JOKE LANG! Ang cute cute mo talaga!” pisil ko sa chubby cheeks niya.

“Ang dami mo pa sinasabi eh, ganito kasi yan. Kunwari may BF ka na pero wala talaga. Physical evidence ang gusto ni Joshua hindi ba? Eh di ako ang magpapanggap na BF mo!”

“Ha? Alam ko mukha kang lalake, pero di uubra talaga Chelsea!”

“Gago! I mean pwede ako ang magpanggap na kunwaring BF mo na magtetext at tatawag sa iyo. Pwede natin itiming yung kapag nangungulit sayo si Joshua. Ano? Ang bright ko hindi ba?” In fairness din naman dito kay Chelsea, hindi siya nga nga. 

“That is a nice idea Chelsea!” sambit ko habang hinihimas ko ang baba ko. 

“Oh di ba?!”

“Pero paano natin gagawin? Anong pangalan? Yung itsura? Malamang tatanungin sa akin ni Joshua yun.”

“Hmmm. Let’s conceptualize sa room. Tara na kasi patapos na yung break?”

Nakadating na kami sa room at nagsimula na kaming magisip ni Chelsea kung paano namin mapapaniwala si Joshua na may boyfriend na nga ako. Kailangan namin pag isipan ito dahil kilala ko si Joshua, siya ang pinakamakulit na taong nakilala ko.

“Ano magandang pangalan?” 

“Dapat lalaking lalaki pakinggan. How about James?” suggestion niya. 

“Too common, dapat yung hindi masyadong naririnig.”

“How about Kristoffer James?” ngiti niya sa akin. 

“Ano bang issue mo sa James na pangalan at gustong gusto mo?”

“Eh kasi nga guwapo si James Reid, yung bida sa My App Boyfie. Di ba nakakagwapo ang James na pangalan.” Ngiti niya sa akin na miya mo kinikilig habang iniimagine si James Reid.

“Sabagay, eh bakit Kristoff?”

“Wala pa kasi ako kilala na Kristoff ang pangalan. May kilala ka ba?”

“Oo nga no, wala din ako kilala na may ganong name, si Kristoff ng Frozen lang. Usually kasi Christopher.”

“Make sense right?” pround na sambit ni Chelsea.

“Okay, maganda nga naman ang Kristoff James. Ano namang surname?”

“Hmmm? Dapat tunog mayaman, what about Dela Vega?”

“Panget, parang runner. I think mas bagay sa name yung Arguelles. Kristoff James Arguelles!”

“Nice! Now we need to think kung taga saan siya, school niya and yung itsura niya.”

Hindi naman pumasok yung next teacher namin kaya halos mabuo nanamin yung description namin kay Kristoff James ko. Panay naman ang tawanan namin kasi kung ano anong kalokohan ang naiisip namin. Hanggang sa matapos namin ang  imaginary boyfriend ko. 

“Oh dali dali, recap. You can’t mess this up para kapani paniwala!” excited na turan ni Chelsea. 

“Ang boyfriend ko is si Kristoff James Arguelles. He is studying in Zambales and his family owns a Mango Orchard. 5’11’’ siya and maputi with hazel brown eyes and perfect set of white teeth. He’s into sports such as Basketball/Volleyball and Lawn Tennis. Member din siya ng isang banda at siya yung vocalist. At ang trade mark niya ay ang cute dimples niya. Nakilala ko siya sa greenbelt at na love at first sight kami. Did I missed anything?” 

“PERFECT! Hash tag #MyMadeUpBF na yan sa twitter!” sambit niya at inilabas niya yung phone niya para mag tweet.

“Hoy Chelsea, wag mo ako idadamay diyan sa tweet mo kundi bubugbugin kita!” biro ko sa kanya. 

“Oo na” ngiti niya sa akin at ipinagpatuloy yung tweet niya.

Natapos na ang class namin sa buong araw. Si Ms. Enriquez lang talaga ang nag discuss dahil yung teachers namin sa afternoon class ay pumasok lang for attendance sake. Naisip ko naman ang made up BF namin ni Chelsea, papanindigan ko na talaga siya. Atleast kapag ganito, walang tao na madadamay, imagination lang ang lahat. Hindi naman malalaman ni Joshua yun.

“Ui, tara na? Baka andun na yung sundo ko sa gate.”

“Sige, tara?” umalis na kami ng sabay sa room. Naglalakad na kami palabas ng makita ko na si Joshua. Alam ko ako ang hinihintay niya. Tinignan ko naman si Chelsea.

“Sige, mauuna na ako. Text mo ako kapag nangungulit nanaman siya tapos tatawagan kita.”

“Sige, thank you Chelsea.” Nauna na ito maglakad at nakita ko namang lumapit na si Joshua sa akin. 

“Uwi ka na ba Daryll? Ihatid na kita…” yaya niya sa akin. Ang kulit talaga, nakakairita na. 

“Joshua, bakit ang kulit mo? Doon ka na nga, kaya ko umuwi mag isa.”

“Ito, ang sungit sungit mo naman, ihahatid lang kita, tipid pa yan sa pamasahe mo.”

“May pera ako!” masungit kong sambit.

“Alam ko, pero matitipid mo yan kung ihahatid kita.” Nainis naman ako sa kakulitan niya kaya tinext ko na si Chelsea.

“Hindi pwede kasi magagalit ang BF ko!” sambit ko kay Joshua habang nagtatype ako sa phone ko.

“Wala ka kayang BF, wag ka na nga magsinungaling Daryll!” Sakto namang tumawag na si Chelsea, buti naman at napalitan ko yung name niya sa phone ko ng Baby.

“Anong wala! Ayan oh tumatawag na!” pinakita ko naman sa kaniya yung screen ng phone ko at nakita niya yung {Baby Calling…}.

“Helloo Baby? Ah oo, pauwi na ako. I miss you din!” kunwaring pakikpagusap ko sa imaginary BF ko. Nagulat nalang ako ng agawin ni Joshua yung phone ko at pinindot ang end call.

“Ano ba problema mo?!” sambit ko at nakita ko yung galit sa mata niya.

“Huwag mo nga ako lolokohin, alam ko at alam mo na wala kang boyfriend!” hindi naman ako makatingin sa kanya ng diretso. Kailangan ko mapanindigan to, kailangan!

“Meron nga, ang kulit!” naiinis ko ng sambit sa kanya.

“Ang cute mo!” pisil niya sa pisngi ko, tumingin naman ako sa paligid at baka may makakita, nasa may malapit pa man din kami sa gate. 

“Relax, wala ng tao. Ang tagal mo kasi, kung pumayag ka na lang kasi na ihatid kita baka nakauwi ka na sa inyo.” Nangaasar na sambit niya. Paano ko ba siya mapapaniwala.

“I have seven words for you Joshua, MERON-NA-NGA-AKO-BF-BAWAL-NA!”

“Sige nga, ano pangalan ng BF mo kunwari?” Aba’t ang kulit!

 

“His name is Kristoff James Arguelles! Mas mayaman pa yun sa inyo.”

“We? Taga saan? Anong school?”pilit niyang paguusisa. Buti nalang naayos nanaman yan ni Chelsea kanina. 

“Taga Zambales siya at may Mango Orchard sila. Wala siya dito sa Manila kasi sa Zambales siya nag aaral pero pag nag college na siya eh same school kami!”

“So, wala pala siya dito.” Lumapit naman siya ng sobrang lapit. Umatras ako pero wrong move, pader na!

“Ops! Hanggang diyan ka nalang. Oo wala siya dito, ano pinupunto mo? Umayos ka nga uupakan kita.” Galit na sambit ko kay Joshua.

“Natakot naman ako sa sapak mo! HAHA. Wala siya dito physically so it means walang pipigil sa akin.”

“Pipigil saan?” takang tanong ko. 

“Dito!” Unti unti niyang nilapit ang mukha niya sa mukha ko.

Itutuloy…