For What It's Worth Book 2 (16)

Chapter 16

Authors Note: This story is based from my own experience. Names were changed for the privacy of people involved. Some scenarios are changed to make the story more appealing to readers and there are scenes that were added to make it more exciting. Any events or scenarios that resemble are pure coincidence. I am new in writing stories so bear with my lapses. Please leave your comments, bad or good comments are appreciated. Thank you.

P.S. This is for all na nag aabang. hehe! Kakatuwa naman sa positive feedbacks sa story. Konti nalang, tapos na tayo sa book 2. Maraming salamat sa mga nag tatake ng time na mag comment. Here is chapter 16, enjoy reading :)

Back to JD’s POV

“Hindi ba sabi ko tutulungan kita kay Jeff?”

“Oo, ano naman kinalaman ng pagsasayaw natin?”

“Look, 3:00 O’clock” Tumingin naman ako sa direction na sinasabi ni PJ at nakita ko si Jeff na masamang nakatingin sa amin! 

“He’s looking at us!” Sabi ko kay PJ nang inalis ko ang tingin ko kay Jeff. 

“Does he look angry?” pagtatanong niya sa akin.

“Oo, para niya tayong papatayin!” nagaalala kong sambit.

“Then our plan is working. Just go with the flow okay” ngiti niya sa akin na ikinangiti ko na din sa huli.

Nagulat nalang ako ng yakapin ako ni PJ ng sobrang higpit habang sumasayaw kami sa dance floor. Siguro nagtataka na yung mga nakakakita sa amin kasi party song yung pinapatugtog ng DJ pero mukha kaming nag susweetdance, dalawang lalake pa. 

“Sigurado ka bang plano pa din to and you’re not taking advantage of me?” biro ko sa kanya. 

“Asa ka!” Pagtawa niya sa akin na ikinatawa ko na din. Nagulat nalang ako ng may humila sa akin at sinapak si PJ. 

“Gago ka!” inis na sambit ni Jeff kay PJ at sinapak ito sanhi para mapatras si PJ. Gumanti naman si PJ ng suntok, pilit ko silang inaawat pero parehas silang mas matangkad sa akin kaya nahirapan akong paghiwalayin sila. Buti nalang huminto sila at naawat ni Kiko at Nicko.

“Woaw, easy there!” Hila ni Kiko at Nicko kay Jeff na nagngingitngit pa din sa galit.  

“PJ, tama na!” Awat ko kay PJ na akmang susugod ulit kay Jeff. 

“Yan ang sabihan mo nananapak na lang bigla!” 

“Eh binabastos mo na si JD eh!” init ulong sambit ni Jeff. Nangiti naman ako dahil nag work yung plano ni PJ. Pinilit ko naman mag poker face. 

“Tama na Jeff, wala naman kaming ginagawang masama!” pag awat ko kay Jeff.

“Walang ginagawang masama eh naglalampungan na kayo diyan?!”

“Magkaibigan kami Jeff, at ano ba masama kung maglampungan kami?” panghahamon kong tanong sa kaniya. 

“Dahil ako ang boyfriend mo!” sigaw nito sa akin.

“Talaga? The last time I checked iniwan mo ako!”

“Dahil niloko mo ako!”

“Dahil hindi mo ako pinagpaliwanag!”

“Woaw! Teka, chill lang guys!” Pag awat ni Nicko sa amin ni Jeff. Bigla namang may lumapit na bouncer.

“May problema ba tayo mga boss? Nakakabulahaw po tayo sa mga customer eh!”

“Pasensya na sir, nagkainitan lang pero okay na.” pakikipagusap ni PJ. 

“Tssss!” Pasaring ni Jeff kay PJ habang nakikipag usap sa bouncer na ikinainis ko kay Jeff. Parang bata!

“PJ, halika na nga!” hila ko kay PJ palayo kay Jeff.

“At sasama ka diyan sa ex mo?” 

“Ano naman ngayon?” 

“Bahala ka nga JD! Ang manhid mo! Nakakainis ka!” Nakita kong lumabas si Jeff ng bar at tinignan ko si PJ. 

“Yan na yung time na hinihintay mo.” Ngiti nito sa akin.

“Paano kung lalo lang siya magalit sa akin dahil sa ginawa natin?” pagaalala kong tanong.

“Hindi yan, kita mo naman kung paano siya nag selos at in claim niya na boyfriend ka pa niya right?” Tama si PJ, ito na yung time na hinihintay ko and I won’t let Jeff get away this time. 

“Thank you PJ!” masaya kong sambit. 

“Anything for you!” Niyakap ko naman ito ng mahigpit. 

“Nicko, kayo na bahala kay PJ. Kaibigan ko yan!”

“Saan ka punta kuya JD?”

“Hahabulin ko yung happiness ko!”

“Good luck kuya JD!” rinig kong sigaw ni Nicko sa akin. 

Nang makalabas ako sa bar ay hinanap ko si Jeff pero hindi ko siya makita. Nang medyo nakalayo na ako ay may humarang sa akin. Si Andrei! Yung manyak na muntik nang manerape sa akin. Aba’t walang kadala dala ang bwisit! 

“Oy! Talagang pinagtatagpo tayo ah!” nambubwisit niyang sambit sa akin.

“Tigilan mo ako, may hinahanap ako!” hindi ko na siya tinignan dahil busy ako sa paghahanap kay Jeff.

“Ako ba hanap mo?” pagpihit niya sa akin paharap sa kanya. Nabwisit naman ako sa kanya kaya I grabbed his balls at pinisil yun. Kita ko naman ang pamimilipit niya sa sakit.

“Layuan mo ako kung ayaw mong mawalan ng kinabukasan!” Nakita ko naman yung pagtango niya habang namimilipit sa sakit kaya itinulak ko siya palayo. Paglingon ko sa kanan ay nakita ko si Jeff na nakaupo sa isang plant box. 

“Jeff!” Lumingon siya at akmang tatayo ng lapitan ko siya. 

“What do you want?” Asar na tanong niya. 

“Oh? Akala ko ba ako ang boyfriend mo tapos ngayon pinagtatabuyan mo ako?” Ngisi ko sa kanya. 

“Doon ka na sa PJ mo!” pagtataboy nito sa akin na lalo ko ikinangisi.

“Selos ka?”

“Of course not! Tabi nga diyan!” paghawi niya sa akin para makadaan siya.

“Yan ang hirap sa iyo alis ka ng alis!” Pero patuloy siya sa paglalakad palayo sa akin. 

“Hoy Jeff! Pansinin mo naman ako dito!”

“Bahala ka diyan!” Sinusundan ko lang siya. 

Napapalyo na kami ng lakad hanggang makadating kami sa kahabaan ng Miitary Cutt Off. Pumasok naman bigla si Jeff sa isang acoustic bar at umupo sa counter at nag order ng beer. 

“Ano ba? Nakakapagod ka ah! Kakausapin mo ba ako or hindi?” Pero hindi pa din siya umiimik at ininom yung inorder niyang beer. 

“Teka, ayaw mo ha!” Bulong ko sa sarili ko. 

Lumingn lingon ako sa paligid at naghahanap ng pwedeng gawin para kausapin niya ako hanggang makita ko yung banda na nag seset up. May naisip naman ako at sakto kakilala ko yung drummer nila dahil dancer din yun sa RPG. Lumapit ako, first time kong gagawin to! 

“Jimmy!” sigaw ko sa kanya habang inaayos yung drum set niya.

“Ui kuya JD. Ano ginagawa mo dito? Buti makikita mo yung isang talent ko.” Ngiti niya sa akin.

“Uhm Jimmy, pwede ba makahingi ng favor?” nahihiya kong pagtatanong. 

“Ano naman yun kuya?”

“Pwede ba ako kumata, isang song lang? I just need to get the attention of the one I love.”

“Cheesy mo naman kuya! Oo naman, para sa star dancer ng RPG. Teka kausapin ko lang sila.”

“Salamat tol.”

Hinihintay ko silang matapos mag usap, kita ko naman na andun pa din si Jeff at umiinom ng beer na nakayuko. 

“Nakakainis kang panget ka, first time ko kumanta in public ha!” bulong ko sa sarili ko habang nakatingin kay Jeff.

“Kuya JD!” Pagtawag sa akin ni Jimmy kaya lumapit naman ako. 

“Ano? Okay ba?” umaasa akong oo sana. 

“Mag start palang kami kaya pwede ka namin gamitin for testing ng music. Ano ba kakantahin mo?”

“Tumitira ba kayo ng OPM?”

“Oo, acoustic night ngayon eh”

“Sakto, alam niyo ba yung kung akin ang mundo ni Erik Santos?” Tumango naman sila bilang pag kumpirma. 

Ito ang unang beses nakakantahin ko ulit ang kantang ito after namatay si Mike. Talagang mahal ko si Jeff dahil kakantahin ko ito para sa kanya. Ewan ko nalang kung hindi pa niya ako pansinin. Kinakabahan ako, kung sayaw yan kayang kaya ko pa pero kanta ang isa sa pinaka hindi ko talent. 

“Good evening po!” Kita ko ang paglingon ng mga tao at maging si Jeff na muntik nang maibuga yung iniinom niya. Tinignan naman niya ako ng nagtataka.  Nginitian ko lang siya, madaming tao sa bar na yun na nag chichill kaya nakakapressure ito!

“I would like to dedicate this song to my special someone who is mad at me. Nagkaroon kami ng misunderstanding and nung mga panahon na iniwan niya ako napatunayan kong mahal na mahal ko siya. Hanggang ngayon ay hindi pa din kami nag kakaayos at kahit anong gawin ko ay parang ayaw na niya sa akin. Feeling ko mamamatay ako kapag hindi siya babalik sa akin kaya for you, panget ko. Makinig ka!”  Lumunok muna ako at nagbuntong hininga at sinenyasan ang banda na ready na ako.

Nagsimula ang intro at nagpalakpakan ang mga tao at yung iba ay pinapalakas ang loob ko. 

Kung ako ang may-ari ng mundo, 
Ibibigay ang lahat ng gusto mo, 
Araw-araw pasisikatin ang araw, 
Buwan-buwan pabibilugin ko ang buwan 
Para sa'yo, para sa'yo

Kinakabahan man ako ay pinilit kong buuin ang boses ko, ginawa ito ni Jeff sa akin dati at ngayon gusto kong gawin ito sa kanya. Hindi ko inaalis ang tingin ko sa kanya at kita kong unti unting napapalitan ng saya ang mga mata niya. Namiss kong makita ang saya sa mga mata niyang iyon. 

Susungkitin mga bituin, para lang makahiling, 
Na sana'y maging akin, 
Puso mo at damdamin, 
Kung pwede lang, kung kaya lang, 
Kung akin ang mundo, 
Ang lahat ng ito'y iaalay ko sa'yo...

Nang simulan ko ang chorus ng kanta ay madami ang nakikanta and pumalakpak. Gusto ko iparating kay Jeff na kahit anong mangyari ay siya ang gusto kong makasama. Nakita ko na lumuluha na si Jeff, gusto ko na siyang lapitan, yakapin at halikan pero gusto kong tapusin yung kanta. 

Kung ako ang hari ng puso 
Lagi kitang pababantay kay kupido, 
Hindi na luluha ang 'yong mga mata, 
Mananatiling may ngiti sa 'yong labi, 
Para sa'yo, para sa'yo

Pinipilit kong hindi na din maiyak sa nakikita ko. Ang mahal ko, umiiyak sa saya dahil pinapakita ko ang pagmamahal ko sa kanya. Nagiging intense na ang kanta and napapatayo na ang mga tao sa kanilang upuan habang sinasabayan ako sa lyrics ng kinakanta ko. 

Susungkitin mga bituin, para lang makahiling,
Na sana’y maging akin,
Puso mo at damdamin,
Kung pwede lang, kung kaya lang,
Kung akin ang mundo,
Ang lahat ng ito
Ang lahat ng ito
Ang lahat ng ito’y gagawin para sa’yo

Nang matapos ang kanta ay nagpalakpakan ang mga tao, hindi ko ineexpect yun and nakita kong nagpunas ng luha si Jeff at tumayong pumapalakpak. Nagpasalamat naman ako sa mga tao at sa banda sa pagtulong sa akin. 

“Good evening everyone and thank you for making this possible.” Lalo nagpalakpakan ang mga tao at nagsabi ng goodluck sa akin na ikinangiti ko. 

“Jimmy tol! Salamat, salamat mga tol!” pagpapasalamat ko sa banda.

“Wala yun kuya JD!”

“Lupit mo bro, dami nagtayuan at pumalakpak oh!”

“Salamat salamat. Mauuna na ako ah?” tumango naman sila at iniabot na ang mic sa bokalista nila.

Tumakbo ako palapit kay Jeff, gusto ko man siyang yakapin ay hindi ko magawa dahil kahit papaano ay discreet pa din kaming dalawa. 

“Can we talk now panget ko?” Malambing na sambit ko. Ngumiti naman siya, oh that smile, kung wala lang tao baka nahalikan ko na siya. 

“Tara na sa apartment ko? I want to kiss you badly?”

“Tara!” 

Nagtaxi na kami at kahit sa loob ng taxi ay magkahawak kamay na kami. Wala na kami pakialam kay manong taxi driver basta ito ang gusto kong gawin at isinisigaw ng puso ko. Nagngingitian lang kami ni Jeff, ito na siguro yung sinasabi nilang actions speak louder than words.

Habang nasa taxi kami ay nagtext si PJ. 

“Okay na ba? Hindi ka na bumalik.”

“Okay na PJ, salamat ha? Pauwi na kami sa apartment. Alam mo na?”

“Ganoon ba? I am glad that natupad ko ang mission ko sa pagpunta dito.”

“Mission?” taking tanong ko. 

“Ang maibalik ang saya sa mga mata mo!” natuwa naman ako na mahalaga pa din ako para kay PJ. 

“Thank you PJ ah? Saan ka pala matutulog niyan? Gusto mo ba sa apartment ka na din?”

“Hindi na, I will give you privacy. Nakacheck in ako sa manor, bukas nalang tayo magkita.”

“Are you sure you’ll be okay?”

“Yes, I will be.”

Habang nagtetextan kami ay bigla naman inagaw ni Jeff ang cellphone ko.

“Ui!” gulat nita sa akin.

“Sino ba katext mo panget?”

“Si PJ!”

“Hmmm?”

“Anong hmmmm?”

“Pinagpalit mo na ako?” Nangiti naman ako. 

“Sira! Sa apartment na tayo mag usap.”

Nang makadating kami sa apartment ay agad kong niyakap at hinalikan si Jeff, oh I miss him so much. Gumanti naman siya ng yakap sa akin pero agad niya akong pinigilan. 

“I want us to talk first before you know…”

“Okay sige, let me prepare coffee.”

“Samahan na kita.”

Nagpainit na ako ng tubig at inayos ang tasa with coffee/sugar/milk. Habang hinihintay namin kumulo ang tubig ay binuksan ni Jeff ang topic at nag simula na kaming mag usap. 

“May relasyon ba kayo ni Chris?” Umiling lang ako. 

“Hindi mo kasi ako pinagpaliwanag nung araw na yun.”

“Pero yung narinig ko kasi…”

“Shhh, I understand at kahit ako din yun ang iisipin ko. What me and Chris have is nothing. Oo may nangyayari sa amin behind your back and G dahil binlockmail niya ako. G committed suicide when Chris left her and ang dahilan ay dahil mahal daw ako ni Chris. Hindi ko maiwanan si G sa ganong lagay kaya I decided to talk to Chris pero gusto niya ay ibigay ko ang sarili ko sa kanya kapalit ng pagtulong niya kay G.” Naiiyak kong sambit at agad naman ako niyakap ni Jeff. 

“I am sorry for leaving you without giving you the benefit of the doubt. Pero alam mo ba wala ako balak isuko ka, I was waiting for you to make your move!”

“Akala ko mamamatay na ako nung iwan mo ako.”

“Shhh, I am here na ulit panget ko.” Tinulak ko naman siya. 

“Sino yung Nancy na yun ha!”

“Uii nagseselos siya.”

“Answer my question!” Naniningkit na sabi ko. 

“She is someone I met in La Union.”

“La Union? You mean sa La Union ka lang all this time?”

“Yep!” Ngiti niya sa akin. 

“You haven’t answered me, sino yung Nancy?!”

“Ayun nga, same kami ng problem, we both thought that our love ones cheated on us kaya we made a decision to help each other. We are just using each other to get our partners back.”

“Hmmmm.” Pagdududa ko. 

“Oo nga, you should meet her, I know magkakasundo kayo. Nauna na nagbati sila nung BF niya kaya hindi ko siya kasama kanina. Eh ikaw? Bakit kasama mo si PJ?”

“He just got here kanina. Well sabi niya tutulungan niya ako, yun pala pagseselosin ka namin kanina. Hey it worked! Lumapit ka. HAHA” Pagbibiro ko sa kanya. 

“Ganun kita kamahal” Yakap niya sa akin. 

“Mas mahal kita.”

“Teka, nasaan yang Chris na yan at babangasin ko mukha niyan?!”

“Huwag na, nasapak ko na at nabugbog na siya ni G.”

“Kapag nakita ko talaga yun, nako!”

“Oh tama na! Ubusin na natin ang kape at namiss kita.”

“Mamaya na natin yan ubusin!” 

He kissed me again and this time walang pagmamadali at purong pagmamahal lang ang nararamdaman ko. We headed to my bedroom and we start making love. I miss doing this with Jeff, I love him and I know we will last forever. He is my happy ending. After we made love nakatulog na kami nang magkayap. 

Kinabukasan ay nagpunta kami sa Manor Hotel para bisitahin si PJ. Sinabihan ko si Jeff na naka check in doon si PJ at para maipakilala ko naman sila sa isa’t isa. 

 “Bili kaya muna tayo ng breakfast ni PJ?” Ngiting sambit niya. 

“Naks, anong nakain mo at mabait ka na sa kanya.”

“Nasapak ko kasi kagabi eh tinutulungan ka pala niya para bumalik sa akin Peace offering ko.”

“Naks naman, pakiss!” Hinalikan niya ako at natatawa ako kasi para kaming bagong kasal. 

“Saan tayo bibili?”

“Sa Mcdo nalang, mahilig yun sa pancakes. Sa Session na tayo bumuli.”

After namin maka order ng breakfast for PJ ay dumiretso na kami sa Manor Hotel, natatawa naman kami ni Jeff dahil naalala namin yung time na hinarana niya ako sa picnic grounds. 

“Naalala mo yung kinantahan mo ako?” Ngisi ko sa kanya. 

“Oo, alam ko kinilig ka kasi ganda ng boses ko hindi kagaya mo!” pangaasar niya sa akin. 

“Asa ka naman! Nung kumanta ako dun sa bar madami pumalakpak.”

“Naawa lang sila sa iyo.”

“Ah ganoon?”

“Joke lang, love you panget ko.”

“Love you too!”

“Teka tinext mo ba si PJ kung anong room number siya?”

“Hindi eh.”

“Text mo na!”

“Hindi na, surprise nalang natin siya.”

“Ha? Paano tayo makakaakyat kung hindi natin alam room number?”

“Ako bahala!”

Nang makadating kami sa Manor ay nagtataka naman itong si Jeff kung paano namin mahahanap ang kwarto ni PJ, dumiretso ako sa front desk. 

“Hi Angie!” 

“Ui JD! Kamusta ka na, kalian OJT mo? Dito ka sa amin ah!”

“Next sem pa, last OJT ko na yun. Oo ba basta ikaw boss ko”

“Oo naman, ano pala kailangan mo?”

“Nakacheck in yung friend ko dito. Si PJ Castillo? I surprise ko lang. Ano room number niya? Pa check naman!”

“Sure! Wait lang.” Habang hinihintay ko si Angie ay humarap naman ako kay Jeff. 

“Ayos ba?”

“Ngek, kaya pala lakas ng loob mo kakilala mo!” Tumawa naman ako at tinawag na ako ni Angie.

“JD, it’s room 348”

“Thank Angie.”

Umakyat na kami ni Jeff at panigurado ako masusurprise siya na makita kami. Kumatok na ako, pero hindi ko inaasahang ako ang masusurprise. 

“Sino sila?” takang tanong ng isang guest. Shet mali yung room!

“Ooops, sorry.” Nahihiya kong sambit.

“Tado ka Jeff! Mali yung room!” 

“HAHAHA Sorry na panget, hindi ko napansin, dun pala sa kabila.” Binatukan ko naman ito na lalo nitong ikinatawa. 

“Ito, sure na ako. Ako na kakatok!” sure kong sambit sa kanya.

Pagkabukas ng pinto ay halos malaglag ko yung dala kong pancakes. 

“Nicko?!” gulat kong sambit sa kagigising na pinsan ni Jeff.

Itutuloy…

Kung Akin Ang Mundo- Erik Santos