For What It's Worth Book 2 (15)

Chapter 15 

Authors Note: This story is based from my own experience. Names were changed for the privacy of people involved. Some scenarios are changed to make the story more appealing to readers and there are scenes that were added to make it more exciting. Any events or scenarios that resemble are pure coincidence. I am new in writing stories so bear with my lapses. Please leave your comments, bad or good comments are appreciated. Thank you.

P.S. Thank you talaga kasi dumadami na readers ko. ahaha, this is amazing :) Sana po sa silent readers, comment naman kayo. Here is Chapter 15, enjoy :D

 

Jeff’s POV

Papunta ako sa bahay nila JD ngayon, gusto ko siya isurprise kasi sabi ko may gagawin ako at hindi ko siya masasamahan. Habang nagdadrive ako papasok ng kanto papuntang apartment niya ay nakita ko si Giselle, yung bestfriend ni JD.

“Giselle?” Lumingon naman  ito at ngumiti sa akin. 

“Jeff? Hi! Papunta ako kila JD, pupunta ka din?”

“Oo, pero bibili muna ako ng lunch niya. Samahan mo nalang muna ako tapos sabay na tayo.”

“Sige.”

Pumunta muna kami sa isang fast food chain malapit at bumili na kami ng lunch naming tatlo. First time ko makausap in person si Giselle, pinapakita lang kasi ni JD sa akin picture niya kaya surprised din ako na kilala niya ako. This girl is actually very nice kaya natutuwa ako na nakilala ko siya. 

Naglalakad na kami papasok ng apartment ni JD ng parang may nagsisigawan sa loob ng apartment ni JD. Hindi namin masyado maintindihan kaya tumakbo kami ni Giselle papasok. 

“Ayaw ko na Chris, napapagod na ako sa mga panloloko natin kay G and naguiguilty na ako kapag nakikita ko si Jeff! Tigilan na natin ito Chris!” Rinig na rinig kong sambit ni JD. 

“But I love you JD” Sa puntong iyon ay naluha na ako. May relasyon si JD at Chris? 

Nalaglag ko ang bote ng coke na binili namin ni G sanhi nang paglingon ng dalawa sa amin. Grabe ang iyak ni Giselle habang ako ay lumuluhang nakatingin lang kay JD. Hindi kinaya ang emosyon ko, I need to get out of here. Tumakbo ako papuntang kotse ko at sumandal sandali. Pinipilit kong huminga para mahimasmasan ako pero ang sakit naman ng ginawa ni JD. Sasakay na sana ako ng kotse ng sumigaw si JD. 

“Jeff! Wait lang please!” hinila niya ang kamay ko kaya lumingon ako. Hindi ko pinunasan ang luha ko, gusto kong makita niya ang sakit na dinaranas ko. 

“Bakit JD? Saan ako nagkulang? Lahat naman ginawa ko para sumaya ka di ba?”

“Jeff, naipit ako sa sitwasyon, maniwala ka na mahal na mahal kita. Natakot akong masaktan ka kaya tinago ko.” Hindi ko na siya pintapos sa sinasabi niya, Ayaw akong saktan pero ano tong ginagawa niya sa akin?

“Mahal? Hindi mo alam ang ibig sabihin nun JD! Siguro tama nga sila, kahit gaano mo kamahal ang isang tao ay mapapagod at mapapagod ka din!” Sumakay na ako sa kotse ko at pinaandar ang sasakyan ko. Narinig ko pang sumisigaw si JD pero hindi ko na siya inintindi, masyado akong nasasaktan. 

“I need to get away from here.” Sambit ko sa sarili ko, umuwi ako para kumuha sana ng damit pero nakita ako ni kuya Jonathan na umiiyak. 

“Are you okay Jeff?”

“Kuya, sinaktan niya ako? Hindi ko maintindihan, lahat naman ginawa ko ah?” Pagsusumbong ko kay kuya Jonathan. 

“Pinagpaliwanag mo ba siya?”

“Kuya sapat na ang narinig ko, I don’t think explanation would make me feel better.”

“Jeff, I really dunno what to say pero sundin mo kung ano ang sinasabi ng puso mo.”

“Kuya, aalis muna ako.”

“Saan ka naman pupunta?”

“Maganda nang walang makakaalam muna. Babalik ako kuya kapag okay na ako.”

“Ikaw ang bahala Jeff”

Umalis na ako sa bahay, andaming tawag ni JD sa akin na hindi ko sinasagot. Hindi ko naman siya isinusuko, I just need space and I think kailangan naming dalawa yun. I decided to go sa La Union sa resort ng kaibigan nila papa. Close kami nung si tito kaya dun muna ako ng ilang araw. 

“Iho, ano ginagawa mo dito?” pagtatanong sa akin ng kaibigan ni papa.

“Tito, I am here to stay po muna sana? Okay lang ba?”

“Oo naman, ikaw pa! Wala ka bang pasok?”

“Tapos na po exams ko tito. Okay na po na hindi na ako pumasok.”

“Okay sige, punta ka nalang sa front desk, sabihin mo bisita kita para mabigyan ka ng complimentary room” 

“Salamat po tito.”

Nag stay ako dun ng ilang araw, masaya naman kahit nasasaktan ako at namimiss ko si JD at the same time. Namimiss ko ang halik at yakap niya pero kailangan ko tong gawin para sa aming dalawa. 

“Hindi ko siya isusuko, mag cocool off muna ako.” Yan ang lagi ko inaalala kapag gusto ko nang bumalik ng Baguio at kausapin na si JD.

Nagtetext sa akin sila Nicko at iba pang kaibigan ko pero hindi ko sinasabi sa kanila kung nasaan ako. Habang nasa may beach area ako ay may nakita akong  parang nalulunod na babae kaya agad ko itong  sinaklolohan.

“What the hell are you doing?” Galit na sambit ng babae na sana ay tutulungan ko. 

“Sorry, akala ko nalulunod ka.”

“Sa susunod, wag ka puro akala okay?”

“Sorry”

Umalis na ako at umahon pero nagulat akong ng sinundan pala ako ng babae. 

“Wait”  Napalingon naman ako sa kanya. Maganda pala yung babae, sexy pa pero bratinella. Kung hindi ko lang mahal si JD may possibility na magustuhan ko din ito. 

“Yes?”

“Look, I am sorry for what I did. Just having a bad day, my BF has been cheating on me.” Naalala ko naman yung ginawa ni JD. Nakakarelate ako. 

“I understand, I feel the same way.”

“Niloko ka din ng GF mo?”

“Yap, niloko ako ng BF ko.” Pagbibigay emphasis sa BF.

“BF? You mean half half ka?” Gulat na tanong niya na ikinatawa ko. Ilang araw ko na din itong hindi nagagawa. 

“Oo!” Nakita ko naman na nakabawi na siya sa pagkagulat niya. 

“Alam mo sayang ka! Anyways, I am Nancy and you are?”

“Jeff, nice meeting you Nancy.”

Nagkwentuhan pa kami ni Nancy and mabait naman pala ito. Taga La Union siya pero sa Baguio din siya nag aaral. Sa UP Baguio siya nagtatake ng Mss Com. Ang liit talaga ng mundo. 

“Ano bang nagyari sa inyo ng BF mo?” pagtatanong ko, feeling ko naman okay lang na tanungin yun since base sa naobserbahan ko sa kanya ay open book siyang tao. 

“Nahuli ko na may iba. Hayop na yun! Pero hindi ko siya isusuko, magkamatayan na!” Parehas pala kami. 

“Alam mo ako din, may iba yung BF ko pero wala ako balak isuko siya. Nagpapalamig lang ako pero ang sakit no?”

“Cheers tayong mga sawi!” Naginuman kami sa isang bar sa beach front at natutuwa akong may napaglalabasan ako ng sama ng loob. Mas maganda pa din maglabas ng sama ng loob sa taong hindi mo naman lubos na kilala.

“Ayyy!” Sigaw ni Nancy na ikinagulat ko. 

“Ano ba?!” inis kong sambit sa kanya dahil nabuhos ang beer na iniinom ko.

“I have a brilliant idea. You want your BF back and I want mine right? Why don’t we make a deal?”

“Ano namang deal?” taking tanong ko sa kanya habang nagbubuhos ng beer sa baso.

“Let’s pretend to be lovers!” napatingin naman ako sa kanya and she looks serious.

“Hmmm, may point ka.”

“Deal?”

“Okay deal!”

Pumayag ako sa gusto ni Nancy, bukas makalawa ay babalik na ako sa Baguio at napagdesisyunan naming sabay na kami. Tinawagan ko naman si Nicko para sa plano namin. 

“Hello?”

“Kuya Jeff? Sa wakas naman at tumawag ka! Asan ka ba? You know madami ka dapat malaman!”

“Wait, chill! Pabalik na ako sa Baguio bukas.”

 

“Kuya Jeff, dapat hindi mo iniwan si JD ng ganun nalang alam mo…”

“Teka! Wala ako pakialam sa ginawa niya, wala naman ako balak isuko siya, nag palamig lang ako.”

“Ayy sayang naman!”

“Anong sayang?”

“Aagawin ko na sana si kuya JD my loves..” Pagbibiro niya. 

“Subukan mo, pupugutan kita ng ulo sa ibaba.”

“Grabe ka talaga, oh ano kailangan mo?”

“I have a plan.”

“Shoot!”

Sinabi ko ang plan okay Nicko at pumayag naman siya. Inutusan ko siyang makipagkita kay JD at hindi dapat malaman ni JD na alam na Nicko. Pagseselosin muna namin siya ni Nancy at the same time ganoon din sa BF ni Nancy para hitting two birds at once. 

Nang makabalik kami sa Baguio ay sinimulan namin ni Nancy ang plano, since mamaya pa naman namin balak pagselosin si JD after enrollment ay inuna namin yung kay Nancy. Habang papunta kami sa location kung nasaan yung BF ni Nancy ay nakita naman ako ni JD. Buti nalang at nakapag tago ako agad kundi buko na kami. 

“Ano ba ginagawa mo?”

“Si JD! Doon tayo, baka makita ako.”

“Saan?” Tinuro ko naman si JD sa kanya. 

“Kaya naman pala patay na patay ka sa lalakeng yan, gwapo as in GWAPO!”

“Madami nga ako kaagaw diyan.”

“At ikaw ang pinili?”

“Oo?”

“Hayy, bakit kaya ang mga gwapo sa gwapo na din na fafall? What si happening?”

“Sira! Halika na.”

Nakadating kami sa Otto Han building, engineering pala ang boyfriend niya sa school namin at siya sa UP. Nang makita namin yung BF niya ay wala akong masabi. Bakit nagkagusto siya doon? Tinignan ko naman si Nancy ng hindi ako makapaniwala na yung ang boyfriend niya.

“What? True love yan no!”

“Seryoso ka!”

“Hoy! Kahit panget yang BF ko mabait yan.” Napabuntong hininga naman ako. 

“Fine, let’s do this!”

Lumapit kami sa pwesto ng BF niya and ng mga kaibigan niya. Pinulupot naman ni Nancy yung kamay niya sa akin at naglakad kami sa harap nila. Nakita kong napalitan ng galit ang masayang mukha ng BF niya kanina. 

“Mukhang nagseselos na!” Bulong ko kay Nancy. 

“Oo nga” Balik bulong niya at nagtawanan kami.

Nagulat nalang ako ng tinulak ako ng BF ni Nancy, it worked!

“Gago ka ah! GF ko yang nilalandi mo!” 

“Chill!” taas kamay ko sa kanya indication na suko ako sa kanya.

“Aba’t gago ka ah!” Susuntukin sana ako nito ng sinangga ko ito at agad naman pumagitna si Nancy. 

“Teka teka! Bakit ba nagagalit ka? Matapos mo akong ipagpalit sa ulikbang babae na yun?!”

“Babe, hindi mo naman kasi ako pinagpaliwanag eh.”

“Eh ano yun? Ha? Ano!”

“Ganito kasi yun, magkaibigan lang kami ni Grace. Nagpasama siya sa akin at yun yung nakita mo kami. GF ni Bry yun. Bry halika, explain mo nga dito kay Nancy.”

Natatawa naman ako kasi total misunderstanding lang pala yun? Paano kung ganon din kami ni JD tapos ginawa ko itong pag iwas sa kanya at nakahanp siya ng bago? Hindi! Waksi ko sa isip ko. Alam ko mahal ako ni JD. 

“Hindi mo naman kasi sinabi agad!” Naluluhang sambit ni Nancy dun sa boyfriend niya. 

“Oh, sorry na.” Kita ko naman na niyakap siya nung boyfriend niya at nagpalakpakan ang mga tao sa paligid. Bigla naman ako sinamaan ng tingin nito na ikinatakot ko at baka upakan ako nito. 

“Oh ikaw! Bakit mo nilalandi itong GF ko ah! Ano gusto mo?” Paghahamon niya ng away, bago pa ako makapagsalita ay inexplain na ito ni Nancy ng maayos. 

“Ganoon ba? Nako pasensya ka na tol!”

“Wala yun.” Ngiti ko.

“Oh paano ba yan, ayos na problema ko. Yung sayo na lang.”

Pumayag naman ang BF ni Nancy sa plano namin lalo pa’t sinabi namin na BF ang meron ako at hindi GF. Tinext ako ni Nicko na nasa SM daw kami kaya naspasya na kaming sumunod. Malayo pa lang ay tanaw ko na si JD. Parang gusto kong tumakbo at yakapin siya pero pinigilan ko ang sarili ko. Gusto ko makitang siya naman ang gumawa ng paraan na magkaayos kami. 

“Hoy! Ano pagseselosin pa ba natin? Parang gusto mo ng talunin siya ah?”

“Oo, gusto ko makita na siya naman mag effort.”

Dumaan kami sa harap nila at kita ko yung selos sa mata ni JD. Nag work yung plan namin na pagselosin siya pero hindi niya kami hinabol para pigilan man lang ako. 

“Oh, nakasimangot ka diyan? Nagwork naman plano natin. Nagselos siya, obvious naman.”

“Oo nga nag selos siya pero hindi naman niya ako hinabol man lang para kausapin.”

“Arte mo kasi! Kung nilapitan mo na lang sana siya kanina eh di sana nagkausap na kayo.”

“Gusto ko mag effort siya.”

“Ewan ko sa iyo, upo muna tayo. Sakit na ng paa ko!”

Habang nagpapahinga kami ay nag text naman si Nicko sa akin. 

“Kuya, umalis na si kuya JD. Papunta daw siya sa sacred heart para bisitahin yung anak ni Mike at ni Kris.”

“Ganoon ba? Okay sige punta na din kami ni Nancy dun.”

“Okay kuya, goodluck, sana mag kaayos na kayo.” Hindi ko na nireplyan si Nicko at niyaya na si Nancy umalis. 

“Ui, halika na!” hila ko sa kanya habang hinihilot niya yung paa niya. Kasi naman makapag 3 inch na heels wagas.

“Ha? Kakaupo palang natin! Saan nanaman tayo pupunta?”

“Sa Sacred Heart, may binisita daw si JD, yung kaibigan namin.”

“Hayy! Kainis naman to.” Reklamo niya na ikiatawa ko. 

Nang makadating kami sa hospital ay agad akong nagtanong sa reception kung saan ang room ni Kris at agad naman itong itinuro ng nurse. Pagkadating namin doon ay walang tao at si JD lang ang bisita. Nilalaro niya ang anak ni Mike pero nung nakita kami ay parang naglaho yung ngiti sa mga labi niya lalo nang makita niya  ulit si Nancy na kasama ko. 

“Jeff? Kailan ka pa nakabalik? Ang tagal ka na…” panimulang bati ni Kris pero halata kong nahinto ito ng makita din si Nancy kaya agad na akong nagsalita.

“Kahapon lang ako nakabalik Kris. Ito pala si Nancy kaibigan ko.” Tinignan ko si JD pero umiwas na ito ng tingin at halatang nagseselos na ikinagiti ko. Sana naman ay gumawa na siya ng move para kausapin ako. 

“Dumaan lang ako dito para kamustahin ka at ang baby niyo ni Mike. Aalis na kami, ihahatid ko pa kasi si Nancy.” 

“Agad agad? Okay sige, ingat kayo.” Bago kami lumabas ay tinignan ko si JD nang blanko at umaasa akong pigilan ako nito pero wala. 

“Oh, halika na. Bakit ka umupo diyan?” Pagtatanong ni Nancy sa akin ng umupo ako sa bench sa labas ng kwarto ni Kris. 

“Bakit ganon Nancy? Ikaw ang bilis naayos nung sa iyo pero bakit ayaw pa din gumawa ng move ni JD? Kita ko naman ang pagseselos sa mata niya eh?”

“Jeff, if I were you kausapin mo na si JD. Kita ko naman na nag seselos na yun kanina palang sa mall. Hindi porket hindi ikaw ang may kasalanan ay hihintayin mo na yung taong may sala na siya ang unang mag approach.”

“Pero Kris…”

“Hayy! Bahala ka nga. Basta ako sinabihan na kita, kapag kailangan mo ulit ng tulong ko sabihan mo lang ako okay? 5 PM na, magkikita pa kami ni BF”

“Okay sige Nancy, salamat ha?”

“No problem, tinulungan mo ako kanina kaya tutulungan kita!”

Lumipas ang mga araw pero talagang hindi ako kinausap na ni JD. Namimiss ko na siya pero bakit hindi ko magawang ako ang unang lumapit? Sa tingin ko pride na itong umiiral sa akin. Lagi nalang kasi ako ang gumagawa ng paraan noon kahit man lang once sana makita ko naman na si JD ang magsasalba ng relasyon namin. Nasa bahay lang ako ng niyaya ako ni Nicko na mag bar daw kami bago mag start ang pasukan sa lunes. 

“Kasama mo ba si JD?” Umaasa ako na oo.

“Hindi kuya, hindi ko ma contact si kuya JD kanina pa eh?”

“Ha? Bakit anong nangyari dun? Baka may nangyari?”

“Ito si kuya Jeff OA ka din eh. Wala naman siguro, sabi sa akin ng katropa ko sa RPG nakita daw kanina dumaan sa mall eh. Baka nalowbat lang.”

“Sinong OA? Sige na, sasama na ako! Kailangan ko din mag unwind.”

“Sige kuya, kita nalang tayo Nevada Square ng mga 11 PM mamaya?”

“Okay sige, sasama ba si Kiko?”

“Oo, Sige kuya, linisan ko lang kotse ni kuya Kiko.”

Natulog na lang muna ako para makapag party kami hanggang umaga nila Nicko. Nagising ako ng 10 PM kaya naligo na ako para mag ready mamaya sa party. Tinext ko si Nancy pero hindi daw ito pwede kaya mag isa nalang ako na pumunta total dun na kami magkikita nila Nicko. Pasado alas onse na ng nakarating ako and its getting wild on the dance floor na. Umorder ako ng beer at umupo sa sulok dahil wala pa sila Nicko. Habang nag titingin tingin ako ng mga taong kakilala ay parang may nakita akong tao na kilala ko. 

“Teka, parang si JD yun ah?” Natuwa ako na makita siya doon pero agad akong napasimangot. 

“Sino yung kasayaw niya?” Takang tanong ko sa sarili ko. Tumayo ako para makalapit at makita ng mabuti kung sino ang kasayaw niya. Nalungkot naman ako at the same time nagalit. 

“Si PJ ba yun? Yung ex ni JD?” Nakita ko naman na lumingon sa akin si JD pero agad din siyang nagbawi ng tignin. 

“Parang nag back fire yung ginagawa ko ah!” Inis kong sambit habang palapit ako sa kanila.

Itutuloy…