#MyMadeUpBF Chapter 5 - Bitter Sweet Memories

Chapter 5 Bitter Sweet Memories

Disclaimer: This is my first fiction story as a writer. Any events, names, scenarios or similarities to any written works are purely coincidental. This story is for mature audience and this story may contain gay sex. If you find this offensive please do not proceed on reading. Please leave a comment, negative or positive feedbacks are well appreciated. Do not copy this story without my permission.

Authors Note: Yown, sorry sa mga nabitin sa last chapter. Yun talaga intention ko and it worked. Ahaha SALAMAT sa mga patuloy na sumusuporta sa story. Here is Chapter 5 Enjoy!

“Ano ba problema mo ha?” sambit ni Kit ng maitulak niya si Joshua palayo. 

“Ikaw! Ikaw ang problema ko!” 

“Bakit? Ano ginawa ko sa iyo? Gago ka pala eh!”

“Dahil inagaw mo ang taong mahal ko!” kinabahan naman ako sa sinabi ni Joshua. 

“Anong pinagsasabi mo? Sinong mahal mo na inagaw ko?” takang tanong ni Kit dito. 

“Inagaw mo si Daryll!” Sigaw nito. Parang nasabugan naman ako ng dinamita. Paano ko ieexplain kay Kit na hindi ako straight at gumawa gawa ako ng kunwaring boyfriend na nagkataong kapangalan niya. Im so DEAD! 

Kita ko ang pagtingin ni Kit sa akin na nagtataka at ng lingunin ko naman si Joshua ay para itong nahimasmasan sa ginawa niya. Nasilayan ko naman ang patakbong si Andrea sa direction namin.

“OMG! Sabi ko doon ka lang eh, nag CR lang ako nakipagbugbugan ka na, are you okay?” pagtatanong nito kay Joshua habang hinihimas ang pisngi niya.

“Sorry ha? Naku, iuuwi ko na tong si Joshua.” Sambit nito sa amin ni Kit at hinila nito si Joshua pero nakalingon pa din ito sa akin na may malungkot na mukha. Binalik ko naman ang tingin ko kay Kit na ngayon ay nakatingin sa akin. Hindi ko alam kung aamin ba ako pero wala eh, naisiwalat na ni Joshua. 

“Daryll, ano yun?” naguguluhang tanong ni Kit sa akin. Umiwas naman ako ng tingin at dumiretso sa isang bench. Naramdaman kong sumunod siya at umupo sa tabi ko. Napabuntong hininga naman ako. 

“Here goes nothing.” Bulong ko bago nagsimulang magpaliwanag.

“Kit, can you be open minded?” tumango siya bilang pagtugon. 

“I am Bisexual Kit, si Joshua siya yung ex ko and si Andrea, yung babae kanina siya yung dahilan ng break up namin.” Wala naman akong narinig na reaction kay Kit kaya naglakas loob akong tingnan siya. Kita ko naman na parang wala itong reaction at nakatingin lang sa akin. 

“Bakit nasabi niya na inagaw daw kita?” Huminga muna ako ng malalim bago ko siya sinagot. 

“Even if me and Joshua broke up, persistent pa din siya na balikan ko siya kaya I made the stupidest decision to make an imaginary boyfriend. Me and Chelsea came up with an idea na papalabasin namin na may bago na ako para iwasan na ako ni Joshua and nagkataon na kapangalan mo yung imaginary BF ko. Kaya gulat na gulat ako ng makilala kita dahil Kristoff James Arguelles ang made up BF ko.” Kita ko ang pagkabigla sa mata ni Kit. 

“Sana huwag mo nalang ipagsabi ito kahit kanino. Kayo lang ni Chelsea ang nakakaalam ng tunay na ako. Natatakot kasi ako kay daddy. Hindi ko alam ang magiging reaction niya at ng kuya ko.” Yumuko ako bilang hiya sa kanya. 

“Ano ka ba, if you’re thinking na iiwasan kita dahil sa sexual preference mo, hindi no! And don’t worry, your secret is safe.” Rinig kong sambit nito kaya iniangat ko ang paningin ko. Nasilayan kong nakangiti siya na ikinangiti ko na din. 

“Salamat Kit.” Inakbayan naman ako nito, sa una ay naiilang ako pero ang sarap ng feeling ng akbay niya. Parang sinasabi niyang don’t worry, I am here. 

“Nag aassume nanaman ako, Hay!” sambit ng utak ko.

“So babes, saan na tayo?” tinignan ko naman siya.

“Babes ka diyan?!” kunwaring naiinis kong sambit.

“Eh hindi ba ako ang made up BF mo? Dapat may endearment, gusto ko babes.”

“Ha-ha?” naguguluhan kong tanog sa kaniya. 

“Payag ako na maging kunwaring boyfriend mo hanggang layuan ka ni Joshua, sa isang kundisyon.” Seryoso nitong sambit sa akin.

“A-ano naman iyon?”

“Tutulungan mo ako hanggang makabalik ako sa amin.”

“Paano naman kita tutulungan?” 

“Sabi ng dad ko kahit first grading lang kung lahat ng grades ko ay nasa 95 pataas ibabalik na niya ako sa amin.” Nalungkot naman ako dahil kung tutulungan ko si Kit ay aalis na ito. Kung hindi naman niya ako tutulungan ay kukulitin pa din ako ni Joshua. Oo, namiss ko si Joshua kanina pero ng makita ko siyang kasama ni Andrea ay sure akong gusto ko ng tigilan na niya ako. He’s still the same CHEATER and I won’t let him make me look like a fool again.

“Hoy, ano na?” pag alog niya sa akin.

“Okay sige, payag ako!” Bahala na.

“Deal!” nakipagkamay ito sa akin na inabot ko naman. Hindi naman nito binitawan agad yung kamay ko na iknakunot ng noo ko. 

“You can let go of my hand now.” Sambit ko dito pero hinila ako nito patayo. 

“HHWW?” tanong nito. 

“Ano? Ano yun?”

“Holding Hands While Walking tayo?” Ngisi nito sa akin. Hinugot ko naman bigla ang kamay ko. Hindi dahil ayaw ko kung hindi ayaw kong mahulog ng tuluyan sa kaniya. Alam ko na walang patutunguhan itong nararamdaman ko sa kaniya so I need to stop this as early as now. 

“BALIW! Magiging sweet lang tayo kapag nandito si Joshua.”

“Itext mo pala si Joshua.” Nagtaka naman ako sa sinabi niya.

“Ha? Bakit ko naman gagawin yun?”

“Para sweet tayo kasi andito siya.” Taas babang kilay niyang sambit sa akin.

“Gago, umayos ka uupakan kita.” 

“Sige hahalikan kita.” Biro nito. 

“Kung ako okay lang na mahalikan mo, eh ikaw?!” balik biro ko sa kanya. Kita ko namang sumeryoso ang mukha niya at inilapit niya ang muha niya sa akin. Pumikit naman ako, kung hahalikan niya ako. GO!

“Hoy, papikit pikit ka pa diyan, tara ice cream tayo!!!” hinila niya ako at tumakbo kami sa ice cream parlor malapit sa park. Assuming talaga ako, nakakahiya, papikit pikit pa ako!

“Ano gusto mo?” excited na tanong niya. Para siyang bata kaya ikinangiti ko ito ng husto. Ito ang pagkakaiba nila ni Joshua, kapag lumalabas kasi kami noon ay super tamed siya sa kilos niya na sobrang ikinaboboring ko. Teka, hindi ko pala totoong BF si Kit, erase erase!

“Hoy Daryll!” pagtawag niya ulit sa akin. 

“Kahit ano, ano ba masarap diyan?” sambit ko habang tinitignan yung choices sa menu.

“Chocolate!” parang bata niyang suggestion.

“Cute” bulong ko.

“Ha?” tanong nito habang nakangiti sa akin.

“Sabi ko, parang masarap nga. Upo na ako dun, antayin nalang kita. TREAT mo yan ah, ikaw nagyaya dito.”

“Oo treat ko.” Kindat nito na ikinailing ko. Nagiging hobby na niya and mag pa cute! 

Umupo na ako sa bandang dulo para wala masyado tao. Napaisip naman ako sa paga-out ko kay Kit, tama ba yung ginawa ko? Tapos si Joshua at si Andrea magkasama? Hindi man lang inisip ni Joshua na yung babaeng yun ang dahilan ng break up namin tapos yun ang idadate niya ngayon? Mas tanggap ko kung ibang babae o lalake eh. Hay, andami ko iniisip, ang bata bata ko pa stressful na ang environment ko! What if tumanda pa ako? Life nga naman.

“Oh!” abot sa akin ni Kit ng isang 3 scoop chocolate ice cream.

“Salamat”

“You’re welcome babes!”

“Tumigil ka nga.”

“Pakipot ka naman babes”

“Whatever.” Ngiti ko dito.

Nagkwentuhan naman kami ni Kit ng mga bagay bagay, mga kwentong lasing kahit hindi naman kami lasing. Hanggang sa matanong niya yung nangyari sa amin ni Joshua.

“Ano ba nangyari sa inyo ni Joshua?” Natahimik naman ako sa tanong ni Kit. Matagal na since nangyari yun pero kapag inaalala ko eh nasasaktan pa din ako. After all he was my first heartbreak.

“Hey, it’s okay if you don’t wanna talk about it.” Umiling naman ako dito.

“No, it’s okay. Where do you want me to start?”

“Ikaw!” tipid na ngiti nito sa akin. 

Inalala ko naman yung nakaraan, it is as if kahapon lang nangyari ang lahat.

________________________________________________________________________________

Flashback…

“Mr. Villaflor…” pagtawag sa akin ng teacher ko sa chemistry class. Lumapit naman ako sa table niya. 

“Yes Miss?” 

“Can you go to the faculty room after our class? I just need to dicuss something with you.”

“Sure po Miss.”

After ng class ay nagpaalam muna ako sa chemistry teacher ko para mag CR bago ako pumunta ng faculty room. Nagtataka naman ako kung anong pwedeng sabihin ng teacher ko. Wala naman ako maisip na maling ginawa ko. After ko mag-ayos sa salamin ay dumiretso na ako. Kumatok muna ako bago ako pumasok.

“Pasok…” rinig kong sambit ng isang teacher.

“Good morning po ma’am, I am here to see Ms. Basa.”

“Okay, just go inside, she’s there.” Ngiti sa akin ng isang faculty sa loob. 

Nang makapasok ako ay kita ko agad si Ms. Basa sa table niya. Nagtaka naman ako kung bakit andito yung mayabang na si Joshua. Siya yung star player ng basketball team na feeling gwapo. 

“Oh, he’s here. Mr. Villaflor, please take a sit.” Umupo naman ako sa bakanteng upuan kaharap si Joshua. 

“I asked you to be here to ask a favor.” Sambit ni Ms. Basa while looking at me.

“Sure po, how can I be of assistance ma’am?”

“I believe you know Mr. Vasquez here?” tumingin naman ako kay Joshua na tahimik pa din nakikinig sa usapan namin ni Ms. Basa. 

“Yes miss, we are not properly introduced but I know him.”

“Good, you see Joshua here is our star player and dahil sa last game nila from other school ay hindi siya nakasama sa isang graded project sa section nila. I want you to help him, bibigyan din kita ng points if you do so.” Mahabang paliwanag sa akin ni Ms. Basa, bakit ako? Wala bang classmate yan? Napatingin naman ako kay Joshua na tila nahihiya. 

“I know naguguluhan ka, you see Joshua requested you. Alam naman nating lahat na you’re the smartest one sa batch niyo and hindi na din ako nag hesitate na pumayag. Out of all the students iilan lang ang halos pumasa sa project na nirequire ko and ikaw lang ang nakakuha ng line of 9 na grade sa project na yun. Since varsity itong si Joshua, we need to get 90+ grade for him to pass my subject.”

“Okay po, wala naman pong issue sa akin. I want to help din po and since magbebenifit din po ako sa pagtulong, wala naman pong magiging problema. Win-win situation naman.” Kita ko naman ang pag ngiti ni Joshua sa kinauupauan niya.

“Then it’s settled, kayo na ang mag usap sa plan niyo for that project. You may go and take your lunch.” 

Lumabas na kami ni Joshua mula sa faculty room, hindi ko alam kung paano siya iaaproach. Hindi naman talaga kami mag kakilala kaya hindi ko alam kung paano namin sisimulan yung project niya.

“U-uhm…” paguumpisa ni Joshua na ikinalingon ko.

“Look, I just want to say thank you kasi pumayag ka na tulungan ako sa project ko.”

“Wala yun, may plus points din naman ako sa pagtulong ko sa iyo.” Ngiti ko sa kanya.

“How rude, uhm I am Joshua Vasquez.” Pagpapakilala niya na ikinatawa ko. Technically nga hindi kami properly introduced. I’ts better late than never hindi ba?

“I am Daryll Villaflor” pagtanggap ko sa kamya niya habang natatawa.

“Bakit ka natatawa?” takang tanong niya. 

“Wa-wala! So, gusto mo mag lunch muna tayo so that we can talk out the project?”

“Sige, treat na kita for helping me.”

“Sure, thank you.”

Pumunta kami sa canteen at nilibre nga ako ni Joshua. Mabait naman pala siya, siguro nga yung rumors na naririnig ko, rumors lang talaga. Nagpasya kaming every after class ay gagawin namin yung project niya at every time may vacant kami. 

Since limited lang yung time na binigay ni Miss Basa, we need to do the project out of the school premises kaya minsan sa bahay nila namin ginagawa at minsan sa bahay namin. 

“Nakakatuwa naman pala yung daddy at kuya mo.” Sambit nito ng minsang ginawa namin yung project namin sa bahay. 

“Mabait naman talaga sila lalo na sa mga kaibigan ko. Ako lang talaga ang binubully nila.”

“Adik lang. Bukas doon naman tayo sa amin.”

“Sige.” Pagpayag ko sa suhestyon niya.

Kinabukasan ay pumunta kami sa bahay nila, mayaman sila Joshua. Malaki ang bahay nila kumpara sa bahay namin at madami silang kasambahay. Nag iisang anak lang si Joshua kaya nakukuha nito lahat ng luho niya. 

“Saan parents mo?” tanong ko dito na ikinalungkot naman niya.

“Busy yung mga yun sa work. Manang meryenda po palabas dito sa sala.” Hinayaan ko nalang siya dahil kita ko na uneasy siya sa topic na yun. 

Habang ginagawa namin ang project niya ay biglang dumating naman ang mga magulang niya. Maganda at guwapo ang parents ni Joshua pero parang may gap sila sa isa’t isa. Tumayo naman ako at nagmano sa parents ni Joshua bilang pag galang. 

“Good evening po Mr. and Mrs. Vasquez.”

“Ang bait mo namang bata ka. Sana hawaan mo ang anak namin. Classmate ka ba niya?”

“Schoolmate po, we are on the same batch. Tinutulungan ko po siya sa project niya sa Chemistry subject.”

“Salamat, napakabait mo. Magandang influence ka sa anak namin.” Sambit ni Mr. Vasquez sa akin. Tinignan ko naman si Joshua na tila nalungkot sa mga pasaring ng ama. Naawa naman ako sa kanya, hindi talaga lahat ay pwedeng mapunta sa isang tao. 

“Dito ka na mag dinner hijo, papahanda ako kay manang.” Ngiti sa akin ni Mrs. Vasquez.

“Salamat po Mrs. Vasquez.” 

“Ang pormal mo naman hijo. Just call me tito Erick and my wife tita Nancy okay?” ngiti ni tito sa akin. 

“Si-sige po tito.”

“Oh siya, akyat muna kami. Joshua, ikaw na bahala sa bisita mo.” Striktong pakikipagusap niya kay Joshua.

Nalaman ko din kay Joshua na lagi siyang sinasaktan ni tito Erik dahil sa pambubulakbol niya and failing grades. Ewan ko ba dito kay Joshua eh mabait naman mga magulang niya. Lagi akong pumapagitna kapag nag aaway sila ni tito Erik at dahil may tiwala sa akin ang parents niya ay naiiwas ko si Joshua para saktan siya ng tatay niya. Nang minsang nasa kwarto niya kami ay kinausap ko siya hindi lang para sa kaniya kundi para sa pamilya niya.

“Joshua, umayos ka nga kasi. Mabait naman sila tito, why do you have to be an ass?”

“Daryll, ito lang ang paraan ko para pansinin nila ako.” Nalungkot naman ako sa dahilan niya. Siguro dahil hindi niya magawang maging anak na gusto ng mga magulang niya kaya binabalewala sya. 

“Andyan ka naman Daryll eh, alam mo sa 2 weeks na naging close tayo, daig mo pa yung matagal kong mga kaibigan. Okay ka sa parents ko.” Sambit nito habang titig na titig sa aking mga mata. I felt uneasy kaya nag iba ako ng tingin.

“Dami mong alam, alis na ako. Nagtext na si daddy sa akin.”

“Teka, dito ka na kumain.” Pagpigil niya sa akin.

“Hindi na, see you bukas Joshua. Bye!” pagpapaalam ko at tumakbo na ako palabas ng bahay nila. 

“What the hell was that?!” pakikipagusap ko sa sarili ko habang naglalakad ako palabas ng subdivision nila.

Hindi ko namamalayan na nahuhulog na pala ang loob ko kay Joshua, natakot ako dahil bago sa akin ang ganong pakiramdam. May naging ex akong babae kaya naguguluhan ako sa mga nangyayari. Bakla ba ako?!

“Huy, okay ka lang?” Tanong nito sa akin ng finafinalize namin yung project niya for chemistry.

“Oo, ano ka ba! Okay lang ako.” Pekeng pagngiti ko sa kanya.

“You look so lost. Sure ka ha?” nagaalala nitong sagot sa akin. 

“Sure na sure. Let’s finish you project na. Submission na po bukas.”

“Sana hindi pa.” malungkot na sambit nito. 

“Bakit? Okay naman ah? Chineck ko to don’t worry, makakakuha ka ng mataas na grade. Ako pa ba?” maangas kong sambit. 

“It’s not that…” iling nito.

“Eh ano?” takang tanong ko.

“Hindi na tayo magkikita lagi.”

“DRAMA mo boy!” sambit ko sa kanya at natawa. Pero tama siya, hindi na kami magkikita ng madalas. Okay na din yun para maiwasan ko ang kakaibang nararamdaman ko.

Nang maipasa namin ang project niya kay Ms. Basa ay nakakuha siya ng 98 na grade. Masayang masaya si Joshua dahil hindi na siya babagsak sa Chemistry. Masaya akong makita na masaya siya pero I need to move on. Kailangan ko na siyang iwasan. Minsang nakita ko siyang dumaan sa room namin ay sinubukan kong I flames ang pangalan namin.

FLAMES

Daryll M. Villaflor

Joshua R. Vasquez

Habang ginagawa ko ito ay nagulat akong inagaw ng isang babaeng classmate ko yung notebook ko. Si Chelsea Aquino. Hindi kami close pero naguusap naman kami pa minsan minsan. Kita ko ang gulat sa mata niya ng makita niya ang nasa notebook ko.

“Emergerd! You mean?” pagkumpirma niya. 

“Ano ka ba, akin na nga yan. Pakialamera ka naman.” Agaw ko sa notebook ko na hawak niya.

“Ang sungit, you can trust me. So you are?” nagbuntong hininga ako, wala na ako magawa. Nakita na niya ang nasa notebook ko, baka ikalat pa niya, mabuting umamin na ako at pakiusapan ko nalang siya. Hinila ko siya palabas kung saan walang makakarinig sa amin.

“Teka lang, makahatak ka naman!”

“Akala ko ba gusto mo malaman?”

“Oo!” Ngiti niya sa akin.

“Hindi ko alam naguguluhan ako.”

“Confused?” tumango naman ako.

“Kung ano man yan friend, push lang ng push. I mean kung mahal mo GO!”

“Hindi naman ganun kadali yun Chelsea.”

“Sabagay, tama ka! Ano plano mo?”

“Kalimutan siya para sa ikatatahimik ng lahat?”

“Paano kung the feelings is mutual?”

“Paano kung hindi?”

“Hay pag ibig nga naman, complicated!”

Dumaan ang ilang mga araw na hindi ko kinakausap si Joshua maski sa text at tawag. Kapag nandiyan siya ay umiiwas ako. Masakit sa akin na gawin yun, namimiss ko siya pero para sa amin ang ginagawa ko. Kakausapin ko naman siya kapag wala na ang nararamdaman ko. Isang araw ay hinarang ako nito ng magkasalubong kami hallway.

“May problema ba tayo Daryll?”

“Wa-wala. Sorry, busy lang. I have to go Joshua.”

“Teka lang Daryll. Akala ko ba magkaibigan na tayo? Bakit mo ako iniiwasan? May nagawa ba ako?”

“No Joshua. Walang mali, ako ang mali.”

“Ha? Hindi kita maintindihan?” naguguluhan nitong sambit. I need to get out of here kaya tumalikod na ako.

“Teka lang, sumama ka sa akin.” Pigil nito sa paglayo ko.

“Saan tayo pupunta?”

“Basta, we need to talk.”

Dinala ako ni Joshua sa isang park within the area. First time ko makapunta dito, nadadaanan ko ito pero ni minsan ay hindi ko nagawang lakaran o tambayan ito. Hinila ako nito sa bandang likod kung saan konti lang ang tao at pinaupo sa isang bench doon.

“Dito ako madalas tumambay, ang refreshing kasi ng hangin dito and nakakapag isip akong mabuti kapag may problema ako.”

“What do you want Joshua? Can you just spit it out? Madami pa ako gagawin.”

“Sabihin mo nga sa akin, ano ba ang problema mo?” pinaharap ako nito at kita ko sa mata niya ang kaguluhan. 

“Ang kulit, sabi ng wala!” tinanggal ko ang kamay niya sa braso ko at tumayo. 

“Walang mali sa iyo, nasa akin ang mali. Natatakot ako na lalo ako mahulog sa iyo kaya kita iniiwasan!” bigla kong bulalas. Napatakip ako ng bibig ko sa sinabi ko, I was not expecting na sasabihin ko yun. Dahil na din siguro sa frustration at kakulitan ng kausap ko. Humarap ako sa kanya at kita ko ang pagkabigla sa mukha niya. 

“Natatakot ako at naguguluhan, hindi ko alam kung bakit ko ito nararamdaman pero pinipigilan ko ito para sa katahimikan ng buhay ko. Ayaw ko ng kumplikadong buhay at alam kong kahit kalian ay hindi mo ako mamahalin kaya…” hindi ko pa natatapos ang sasabihin ko ay hinalikan ako nito. Parang huminto ang oras ko, paragng may mga bells na biglang tumunog sa halik ni Joshua sa akin. 

“May sinasabi ka?” ngiti ni Joshua sa akin. 

“A-ah, di-did you just ki-kissed me?” nginig kong sambit. Kinakabahan ako sa nangyari, si Joshua ang first kiss ko na lalake.

“Yes. Hindi mo kasi ako tinatanong eh, I feel the same way Daryll. Tingin mo mabobother ako sa pag iwas mo sa akin?”

“Joshua, hindi ka bakla, hindi tayo bakla!”

“Bakit kasi nilalagyan mo ng label? Hindi ba pwedeng mahal natin ang isa’t isa?” Ang sarap pakinggan ng mga sinabi ni Joshua pero may pagaalinlangan pa din ako. Kita naman ni Joshua ang aalinlangan ko. 

“Alam ko nagaalangan ka, ako din naman. Mas malaki ang mawawala kung ma eexpose ako Daryll, captain ako ng basketball team at alam kong ayaw mong mabahiran ang reputasyon mo sa school.”

“So, ano gagawin natin?”

“Let’s be discreet. Magpapanggap lang tayong tropa sa harap ng mga kaibigan at magulang natin and kapag tayo lang, dun natin ipapakita ang pagiging lovers natin?” ngiti nito sa akin. Alam ko kung gaano kahirap itong papasukin ko, pero mahal ko na si Joshua kaya pumayag ako.

“Sige payag ako.” Ngiti ko sa kanya.

“I love you”

“I love you too.”

Naging maayos naman ang relasyon namin ni Joshua, masaya kami sa piling ng isa’t isa lalo na kung kaming dalawa lang. Doon lang kasi namin naipapakita ang love namin sa isa’t isa. Alam na din ni Chelsea ang tungkol sa amin ni Joshua, naging malapit na din kasi kaming magkaibigan ni Chelsea. Siya pa nga daw ang president ng fans club ng LT namin ni Joshua. Si Joshua din ang nagtatanggol sa akin sa mga nambubully sa akin. 

“Tigilan niyo nga si Daryll, kung hindi ako ang makakalaban niyo!” maangas niyang sambit. Kita ko naman ang pagtango ng mga lalakeng kausap niya bilang pag sang-ayon sa sambit ni Joshua. Nakakatuwa kasi simula nung mga panahong yun ay hindi na ako inaasar ng mga bully sa school.

Naging close na din ako sa mga magulang ni Joshua at natutuwa sila dahil sa malaking pagbabago ng anak nila. Mahirap minsan dahil kahit gaano namin kagustong yakapin ang isa’t isa ay hindi namin magawa. Mahigit anim na buwan na kami ni Joshua at malapit na ang monthsary namin. Wala pang nangyayari sa amin ni Joshua sexually dahil gusto ko kapag naka 6 months na kami ay dun lang namin gagawin yun. Siya kasi ang magiging first time ko kung nagkataon. Pumayag na din siya dahil nga mahal daw niya ako. Pero parang may pagbabago kay Joshua, napansin ko na parang may iba siyang kinikilos this past weeks. Nagdududa man ako ay inaalis ko ito sa isip ko. Malaki ang tiwala ko kay Joshua at pinanghahawakan ko ang sinabi niyang mahal niya ako.

Since monthsary nanamin ay reregaluhan ko siya. Pinagipunan ko yung regalo ko sa kanya, ganyan ko siya kamahal. Habang papalapit ang monthsary namin ay naging busy kami sa mga kanya kanya naming school activity. Siya sa basketball at ako naman sa Science club kaya halos bihira kami magkita. Nang minsang basketball practice nila ay balak ko siyang puntahan at surpresahin dahil maagang natapos ang meeting namin ng club ko. Nang makapasok ako ay kita ko siyang nakaupo sa bleacher sa school gym, grabe namiss ko siya.

“Josh, san ka?” text ko dito.

“Nasa bahay na ako Daryll. Bakit?” parang nagsikip ang dibdib ko sa text niya. May tinatago ba siya?

“Ah, ganun? Akala ko may practice ka pa?”

“Wala na eh, maaga kami umuwi.” Kinakabahan ako ng mga oras na yun. Gusto ko maintindihan kung bakit siya nagsisinungaling sa akin. Habang tinititigan ko ang text niya ay biglang narinig ko ang tawanan ng mga kateam ni Joshua kaya tinignan ko ang direksyon nila. 

“Ayan na siya tol! Sexy ng chika babe mo!” rinig kong sambit ni Randy, isa sa mga ka team niya.

Tinignan ko ang direksyon kung saan sila nakatingin at kita ko si Andrea Villegas. Siya ang captain ng cheerleading squad ng campus. Nakita ko naman na sumenyas si Joshua sa mga kateam niya na mauna na sila umalis. Nang makaalis ang mga kateam niya ay kita ko kung paano niya hinalikan si Andrea sa lips. Ito na ata ang pinakamasakit na tagpo na nakita ko. After kaming layasan ni mama at sumama sa kabit niya, ngayon lang ako nasaktan ng ganito.

“So, where do you wanna go?” Tanong ni Andreakay Joshua. Kita kong bumulong siya kay Andrea sabay halik sa leeg nito at nagtawanan sila. Hindi ko na napigilan ang sarili ko at umiyak. Ngayon ko lang ito ulit nagawa at ang sakit sakit! Kita ko na umalis si Andrea at naiwan si josh sa kinauupuan niya.

“Sinungaling ka. Bakit mo ito nagawa sa akin Josh?” text ko sa kanya. Kita ko naman na binasa niya ang text at nag reply. 

“Ano ba sinasabi mo Daryll?” 

“Tumalikod ka gago!” kita ko ang pagkabigla niya ng makita ako na luhaan sa gilid ng school gym. Umalis na ako mula sa kinatatayuan ko at tumalikod.

“Teka lang Daryll.” Hila niya sa akin.

“Bakit? Bakit Josh, ayos naman tayo ah? Bakit!” tulak ko sa kanya. Kita kong lumingin lingon siya at ng masigurong walang tao ay hinarap niya ako.

“Daryll, I am sorry, maniwala ka. Ikaw ang mahal ko! Nakantyawan lang ako ng barkada.”

“Huwag ka ng magsinanguling. Kitang kita ko eh!”

“Daryll…” lumapit siya para yakapin ako pero umiwas ako. 

“Sinungaling ka.” Sambit ko habang umiiyak ako.

“Daryll please, lalayuan ko si Andrea just don’t do this.” Pagmamakaawa niya. 

“Ayaw ko na, pinagmukha mo akong tanga!”

“Daryll!” pero ng humarap ako muli sa kanya ay isang suntok ang binigay ko sa kanya. Kita ko ang sakit na rumehistro sa mukha niya. 

“Masakit ba?” tumango siya bilang sagot. 

“Mas masakit ang ginawa mo sa akin. WE ARE OVER!”

“Daryll please!” kinuha ko yung necklace na binili ko na may DJ pendant at binigay ito sa kanya. Hinugot ko ang D na pendant.

“Here! I am about to give this to you as a present sa monthsary natin. Itago mo para maalala mo yung sakit na binigay mo sa akin.”

Tumakbo na ako paalis ng school gym at umuwi. Pumunta muna ako sa park at doon ko binuhos lahat ng sakit na naramdaman ko. Gusto ko kasi pag uwi ko ay wala nang iiyak. Gusto ko pag uwi ko parang walang nangyari.

“Daryll?” tawag sa akin ng isang babae at nakita kong si Chelsea ito.

“Chelsea, ano ginagawa mo dito?” tanong ko dito habang pinupunasan ang luha ko. 

“O.M.! Why are you crying? Napadaan lang ako tapos nakita kita. Okay ka lang ba?” umiling naman ako at umiyak ulit. 

“He cheated on me.” 

“What? Why?”

“I saw him with another girl Chelsea. Ang sakit, this is by far my first heartache.”

“Sige, iiyak mo lang yan pero dapat pagkatapos nito okay ka na. Ipakita mo kay Joshua na okay ka, na kaya mong wala siya.”

“Hindi ko lang malaman kung saan ako nagkulang Chelsea. Lahat naman ginawa ko.”

“Hindi ba nabanggit mo sa akin nung nakaraan na parang nag iiba na si Joshua, ito na yung sagot. Tama lang ang ginawa mo. Kung jeep nga kapag napupuno umaalis na, TAO pa kaya?”

Tama si Chelsea, tama ang ginawa ko. Niloko ako ni Joshua at kahit kalian hindi ko siya mapapatawad. Alam naman niya ang pinagdaanan ko sa panloloko ng mama ko sa daddy ko pero nagawa pa din niya sa akin yun. Pinunasan ko ang luha ko, TAMA na ang iyak. It’s his lost not mine. Pinunasan ko ang luha ko at umuwi na parang walang nangyari.

End of Flashback

______________________________________________________________________________

Nang matapos kong ikwento kay Joshua yung nangyari ay may isang luha na tumulo sa mga mata ko. Ang sakit alalahanin at naiiyak pa din ako sa tuwing naaalala ko. Siguro dahil pinigilan ko ang sarili ko noon to grieve for our break up kaya ngayon lang lumalabas. Inaayos ko ang sarili ko at tinignan ni Kit. 

“Grabe naman yang si Joshua tapos siya pa yung nagagalit kasi inagaw daw kita.”

“Hayaan mo na siya Kit. Gusto ko nalang talaga siyang kalimutan.”

“Mahal mo pa ba siya?” napaisip naman ako at natahimik. 

“So the answer is yes?” marahang pagtatanong sa akin ni Kit. 

“Gusto ko ng kalimutan at makawala…”

“Tutulungan kita Daryll.” Ipinatong niya yung kamay niya sa kamay ko.

“Salamat Kit at huwag ka mag alala tutulungan din kita hanggang mabalikan mo siya.”

Itutuloy…