#MyMadeUpBF Chapter 9 - Kit's POV.2 Back to Back to Back

Chapter 9

Disclaimer: This is my first fiction story as a writer. Any events, names, scenarios or similarities to any written works are purely coincidental. This story is for mature audience and this story may contain gay sex. If you find this offensive please do not proceed on reading. Please leave a comment, negative or positive feedbacks are well appreciated. Do not copy this story without my permission.

Authors Note: Hi Guys, namiss ko kayo at mag update. Well, nakapag relax naman na ako sa SG and Malaysia at dahil doon, alam ko na yung next story ko after #MyMadeUpBF. Salamat sa pagsupport at pagbabasa. Sana magcomment din kayo mga silent readers. Sa mga madalas magcomment na sina Alfred; m@sg; Anon101; -hardname-; macky; 969; Tiungoo; EurArch at -b-. Yung hindi ko nabanggit, sabihan mo ako. Sorry :D  SALAMAT sa inyo. Anyways, here is a back to back to back Chapter. ENJOY.

KRISTOFF JAMES ARGUELLES POV Continuation

“Chelsea, asan ka?” rinig kong pagtatanong nito sa kausap sa cellphone. Nakikinig lang ako sa kanya at ng matapos siya makipag usap ay nakita ako nito sa likod niya.

“Yes?” sarcastic niyang tanong. 

“Mukhang wala ka kasabay mag recess?” nahihiya kong sambit.

“Obviously!?”

“Ang sungit mo talaga, look, wala din ako kasabay, I dunno anyone else here except you though hindi ko alam first name mo. Pwede ba makisabay sa iyo?” 

Hindi naman ito sumagot at tinignan lang ako. Dumaan lang ito sa harap ko at lumabas ng room. Napahiya ako doon ah. 

“Kung ayaw niya eh di huwag!” naiinis kong sambit at lumabas na ng kwarto. 

Pumunta naman ako sa isang restaurant sa labas ng school na nakita ko kanina. Naiinis pa din ako sa masungit na yun, kanina I want to befriend him ngayon parang ayaw ko na. Tinawagan naman ako ni papa habang kumakain ako.

“Pa?” sagot ko sa tawag niya.

“Kamusta first day?” tanong nito sa akin.

“Ayos naman maliban sa isang masungit na classmate ko.” Naiinis kong sambit. 

“Oh, chill ka lang anak. Tandaan mo, kung gusto mo makabalik sa atin agad, ayusin mo ang studies mo at pakikitungo mo sa mga tao diyan.” Pagpapaalala niya sa akin. 

“Opo pa. Kita nalang po tayo mamaya.” Binaba ko na yung phone ko at kumain ulit.

Natapos ang lunch break pero hindi pa din bumabalik ang masungit na yun nagtaka naman ako at maging ang mga estudyante at teacher namin. Habang nag didiscuss ang isang teacher namin ay may isang tao na pumasok sa room namin. 

“Excuse me ma’am. Ms. Chelsea Andres is being called at the clinic.” Sambit nung taong pumasok sa room namin. 

“Bakit po?” tanong nung Chelsea.

“Yung kaibigan niyo po kasi na si Daryll Villaflor nabugbog. He’s unconscious, can you accompany him and contact his family? Wala kisi sumasagot sa home phone nila. You might have his father’s personal number?”

Nakita ko naman ang pagkabigla ng classmates ni Mr. Sungit. Daryll pala ang first name niya. Nabugbog? Eh kanina lang nakita ko pa siya tapos mukha naman siyang matapang. Dali daling tumakbo naman si Chelsea palabas ng room. Rinig ko naman ang usapan ng mga classmate ko. 

“Halla, anong nangayari? Ang bait na nga ni Daryll, napagtripan pa. Feeling ko yung mga bully yun eh.”

“Akala ko ba tinigilan na siya nung mga yun?”

“Kawawa naman siya…”

So mabait na tao pala yung masungit na yun? Madami ang nagaalala sa kaniya at tila nagkagulo pa sila sa nangyari sa kanya. Hindi ko na muna inintindi yun at binalik ang attention ko sa blackboard. Nang matapos ang classes ko ng hapon na yun ay dumiretso na ako agad sa bahay. Sabi kasi ni papa ay ngayon ang pagbisita namin sa bestfriend niya. Nadatnan ko naman si papa sa loob ng apartment ko na busy sa pagbabasa ng mga documents niya tungkol sa business.

“Pa, andito na po ako.” Pagmano ko sa papa ko pagdating ko. 

“Good thing your early. Sige magpahinga ka na muna, in a few aalis na tayo.”

“Sige po papa.”

Umakyat na ako sa kwarto ko at nagbihis. Humiga naman ako at nagbukas ng facebook. Gusto ko I check yung account ni Nathalie kasi namimiss ko na siya. Nang bubuksan ko na ang profile ni Nathalie ay blocked na ako. Nainis naman ako dahil yung epal na Philip na yun ang may gawa. Tinawagan ko naman si Vince para makibalita. 

“Tol, musta?” bati ko dito ng sagutin niya ang tawag ko.

“Ayos naman, ikaw musta?”

“Okay naman, si Nathalie?”

“Okay naman, lagi nakabuntot yung si Philip eh, hindi kami makalapit.”

“Ganun ba? Salamat sa pagbantay kay Nathalie ha?”

“Wala yun tol.”

“Babalikan ko siya, gagawin ko ang lahat.” Natapos ang tawag at binaba ko na ito, sakto naman na tinawag ako ni papa at aalis na daw kami.

“Ano ba ginagawa mo Kit? Halika na.”

“Opo pa!” sigaw ko dito habang nag sasalamin.

“Ang tagal mo talaga kahit kalian. Kaibiganin mo si Daryll ha?” Banggit ni papa sa akin. 

“Daryll?” sambit ko dahil parang may katunog yung pangalan na yun na parang hindi ko lang maalala.

“Oo, yun ang pangalang ng bunsong anak ni Dennis. Bakit?” nagtatakang tanong ni papa sa akin.

“Ah, wala pa. Tara na?”

Umalis na kami at nakadating na kami sa bahay ni ninong Dennis. Maganda naman ang bahay nila pero hindi ito magrabo gaya ng bahay namin sa Zambales. Sinalubong kami ng isang lalake na kasing edad ni papa at isang lalake na nasa early 20’s. Marahil anak ito ni ninong Dennis. 

“Dennis, anak ng! Ang taba natin ah!” tawa ni papa at binatukan siya ni ninong Dennis na ikingiti ko. Hindi ko akalain na may mangangahas kay papa na batukan siya. Mag bestfriends nga sila. 

“Ulol! Pasok kayo, ito na ba yung anak mo?” masayang tanong ni ninong kay papa. 

“Oo, halika dito Kit. Mag bless ka sa ninong mo.” Lumapit naman ako at ng magkaharap kami ni ninong ay ngumiti ako at nagmano. 

“Musta po ninong?” pakikipagusap ko dito. 

“Ayos naman, ABA! Gwapo kang bata, buti nagmana ka sa mama mo at hindi dito sa papa mo!” biro ni ninong sa akin. 

“Ako ang kamukha niyan! Oh ito na ba yung panganay mo?” tanong ni papa sa lalaking kasama ni ninong. 

“Oo, malaki na hindi ba?”

“Oo nga. Musta ka na?” tanong ni ninong sa lalake. 

“Okay naman po.” Magalang na pagsagot nito. 

“Asan si Daryll?” nililibot nito ang paningin sa bahay bago ito tinanong ni papa si ninong. 

“Natutulog, pinagpahinga ko muna. Teka. Manang, pakigising nga si Daryll.”

“Sige po sir!” rinig kong sagot ng kasambahay nila. 

“Halika Dennis, may ipapakita ako sa iyo. Anak, samahan mo muna dito si Kit. Magpahangin muna kayo at tatawagin nalang namin kayo pag okay na ang pagkain.”

“Sige pa…” 

Naiwan naman kami ni Kuya sa terrace ng bahay nila. Nakakatuwa naman kasi mabait ito at kwela, kasing ugali kaya niya yung kapatid niya? SANA dahil ito ang ineexpect ni papa na makakasama ko habang nandito ako sa Manila. Habang nagtatawanan kami ni kuya ay may naramdaman akong presensya sa likod namin, siya na marahil ang kapatid ni kuya na si Daryll. Lumingon naman ako ng nakangiti pero nabigla ako kung sino ang nasa harap ko ngayon.

“IKAW?!” sabay naming sambit ni SUNGIT sa isa’t isa.

“Magkakilala kayo?” tanong sa amin ni kuya na tila nahihilo na sa paglilipat lipat ng tingin niya sa amin.

“Siya yung bwisit sa school!” rinig kong sambit niya. Kaya sumagot ako muli.

“At ikaw yung masungit?!” 

“Teka teka, easy lang!” 

“Ano nangyayari dito?” bigla namang dumating si ninong kasama ni papa na tila naguguluhan din sa ganap namin ni Mr. Sungit.

“Eh ito eh, magkakilala na pala sila dy. Nagkainitan ata sa school.”

“Ano ba nangyari?” pagtatanong ni papa sa akin.

“Siya po kasi ninong, walang modo!” epal na sagot ni kay papa dahilan para tignan ako ng masama ni papa.

“Pa, yan kasi naknakan ng sungit!”

“Ops, teka! Hindi ako natutuwa na magkaaway kayo. Nasa iisang school lang kayo and mag best friend kami ng ninong mo. Magbati kayo diyan.” Utos ni Ninong Dennis dahilan para mapatingin ako sa nakatingin din sa aking si Mr. Sungit.

“Tama, James, ayusin mo yan. Sila ang magbabantay sa iyo while nandito ka sa Manila kaya ayusin mo ang pakikisama. Tandaan mo, kapag hindi ka tumino matatagalan bago kita ibalik sa atin.” Ayan na si papa, alam ko naman na hindi ako makakhindi sa kanya. Nagbuntong hininga nalang ako bilang pagsuko.

Lumipas ang ilang minute pero hindi pa din kami nag uusap. Hinihintay ko siyang mag open ng usapan namin, ano ba sasabihin ko? Napakama PRIDE naman nitong taong to, nagugutom na ako! BAHALA na, I am really hungry!

“Look Daryll, I am really sorry sa nangyari this morning. I was a douche, there I said it! Can we just start over again? Our dad’s are bestfriends for pete’s sake.” Frustrated kong sambit, nakita ko naman na nakangiti ito. Ang weird talaga ng taong to, bipolar ata to eh?

“What’s funny?” nagtatakang tanong ko dito.

“Wala, ang bilis mo kasing sumuko dahil sa gutom. FINE! Sorry din sa pagsusungit ko, ikaw naman kasi eh.”

“I was just having a bad morning noong nagkita tayo. Siguro naman naikwento na ng daddy mo na dinala ako dito out of my will right?” pageexplain ko sa kanya.

“Yep, my dad also asked me na maging tour guide mo dito pero something happened kanina kaya hindi kita nahanap. Kung alam ko lang na ikaw pala yun I should’ve atleast treated you nicer.”

“Balita nga sa school yung nangyari sa iyo. Are you okay?” tanong ko dito.

“Close lang tayo? But thanks though. Okay lang ako, napagtulungan lang ng mga bullies.” Loko to ah! Pero sige, pagbigyan.

“Nakaya mo mag isa?” 

“May tumulong sa akin pero hindi ko naaninag yung mukha eh. Alam mo laki ng pasasalamat ko dun sa taong yun dahil mukhang balak akong patayin nung mga bwisit na yun.”

“Anong balak mo sa mga bumugbog sa iyo?”

“Ipapasadiyos ko nalang sila. Basta wag nila ako ulit pagtutulungan dahil isusumbong ko na sila sa guidance.” He is really nice. Kung ako yun, gaganti ako!

“Alam mo okay ka naman pala kapag hindi ka masungit eh.”

“At okay ka din naman pala kapag hindi ka bwisit!” Sa pagkakataong yung ay parehas na kaming natawa. 

“Kristoff James Arguelles ba talaga ang pangalan mo?” Out of nowhere niyang tanong. 

“Oo, since birth, bakit?” biro ko sa kanya.

“Wa-wala lang..” pagsagot niya, ang weird talaga. Parang may gusto siyang sabihin na hindi niya magawa. Pero cute siya pag ganyang pa inosente siya. Teka, did I just said he was cute?

“Okay, sabi mo eh.”  Sambit ko nalang para mawala yung awkwardness sa part ko.

“Anong nangyari diyan?”

“Ah, ano, sumabit.” Sambit ko, nakakahiya naman na sabihin kong sa pambubugbog ng bf ng ex ko nakuha ang peklat sa kamay ko.

“Paano? Friends na tayo ha?” pakikipagkamay ko sa kanya. 

Matagal naman bago niya tinanggap yung kamay na inalok ko. Ng magdikit ang kamay namin ay may iba akong naramdaman, ewan ko pero I felt happy. Agad naman nitong hinugot yung kamay niya.

 “Friends” ngiti niya sa akin na ikinangiti ko din.

“Ayaw mo ba dito sa Manila? Okay naman dito ah?”

“Hindi naman sa ayaw ko, may gusto ako balikan doon.” Naalala ko nanaman si Nathalie, papatunayan ko sa kanyang may isang salita ako. Narinig ko naman na parang may binulong siya.

 “Ano yun?” tanong ko sa kanya.

“Wala, ampanget mo magdrama!” sambit niya. Aba’t loko to ah!

“HAHA! Yabang mo din eh.” 

“Mukhang okay na kayo ah? Tara na kain na tayo.” Bigla naman sumulpot si ninong sa likod namin kasama ni papa..

“Gutom na yan daddy. Walang choice kundi mag sorry sa akin.” Aba’t binuko pa niya ako ah.

“Tama na yan, halina’t kumain na.”

Habag kumakain kami ay nagkukwentuhan naman kami sa mesa. Ang daming kwento nila papa at ninong sa pagkakaibigan nila nung bata pa sila. Nakakatuwa dahil up until now they manage to stay as bestfriends.

“Alam niyo bang lagi kayong magkalaro ni Daryll nung bata pa kayo James?” nagtaka naman ako kasi wala ako maalala.

“Talaga po?” nagtatakang tanong ni Daryll sa kanila.

“Oo nung mga 5 years old palang kayo lagi kasi kami bumubisita dito kaya lang ng lumaki yung lupain namin eh madalang na kami nakakabisita sa inyo.”

Natatatawa nalang ako dahil wala din pala maalala si Daryll na childhood friends kami. Kinwento naman ni daddy, papa at kuya ni Daryll yung kalokohan namin nung bata pa kami. Nagkakatinginan nalang kami ni Daryll pag may magandang alalang naikukwento sa amin nung bata pa kami. Madami pa kami napagkwentuhan ni Daryll nang niyaya niya ako sa labas habang nagkwentuhan sila papa at ninong. Masaya naman ako na nagkakapalagayan na kami ng loob.

“James? Halika na uwi na tayo. Maaga pa pasok mo bukas at maaga pa ako babyahe pabalik ng Zambales.” Rinig kong tawag sa akin ni papa.

“Sige po pa!” sigaw ko at tumayo na.

“Sige Daryll, bukas ha? Gala tayo!” yaya ko dito.

“Sige KJ, punta ka na, hanap ka na ni papa mo.” Sambit nito, anong KJ?

“KJ?” takang tanong ko sa kanya.

“Kristoff James!”

“Ang panget, Kit nalang ang itawag mo sa akin since friends na tayo.” Sambit ko sa kanya na ikinangiti niya.

“Hehe, wala na ako kasi maisip kanina. Haba kasi ng pangalan mo, sige Kit it is.”  

Nakauwi na kami ni papa sa apartment. Umakyat na si papa sa kabilang kwarto kasi maaga daw ito babalik ng Zambales. Okay na ako na maiwan, may kaibigan naman na ako at si Daryll yun. Ewan ko ba hindi ko naman naiisip masyado si Nathalie dahil kay Daryll, pasalamat nalang ako dahil may kaibigan na ako. Kinaumagahan ay maaga umalis si papa at yung driver namin. Since hindi na ako makatulog ay nagbihis na ako. Pupunta na ako kila ninong para sabay na kami ni Daryll pumasok. 

“Oh, Kit, ang aga mo ah? Tulog pa yung si Daryll!” ngiti ni kuya ng makapasok ako sa bahay nila.

“Maaga po kasi umuwi si papa kaya maaga din po ako nagising.”

“Oh, Kit. Pasok ka, gisingin mo na nga si Daryll at dito ka na mag almusal.”

“Sige po ninong.” Ngiti ko dito at umakyat na sa kwarto ni Daryll. Kumatok ako pero walang sumasagot, ng ipihit ko ang pinto ay kita kong natutulog ito. 

Dahan dahan akong lumapit dito. Lumluhod ako sa kama niya at tinitigan siya. Ang cute niya talaga. Weird siguro for a guy to say this to a guy pero ang cute niya. Ang peaceful niya matulog, kahit titigan ko siya ay hindi nakakasawa. 

“Sana lagi ka nalang tulog para di mo ako sungitan.” Natatawa kong sambit at pinisil ko yung ilong niya. Nagulat naman ako gn gumalaw ito at nagsalita.

“Pero bakit ikaw Kit? Imposible!” Akala ko ay nagising ito kaya agad akong tumayo. Peron g titigan ko siya ay nakapikit pa din ito. Tulog pa siya pero bakit niya binanggit yung pangalan ko? Is it possible that he’s dreaming about me? 

“HOY!!!!!” gising ko sa kanya.

“What?!” Natawa naman ako at kita ko ang gulat sa mukha niya. I just love seeing him like that. 

Nakakawala ng stress HAHA 

“A-aray… Anong ginagawa mo dito?” 

“Sabay na tayo pumasok, pinaakyat na ako ng daddy mo. Gisingin na daw kita kasi tulog mantika ka daw! Okay ka lang ba?” 

“Nak nang, bakit kailangan manggulat?!” naiinis niyang sambit na lalo ko ikinatawa.

“Ikaw kaya yung nagsasalita ng tulog. Sabi mo pa nga Pero bakit ikaw Kit? Imposible!” Panggagaya ko sa boses niya na ikinapula niya.

“Pinagsasabi mo?” 

“Ano ka?! Rinig na rinig ko yun!” nangaasar kong sambit.

“Ewan ko sa iyo. Maliligo na ako!” tumakbo naman siya bigla papasok ng banyo na lalo ko ikinatawa.

 “Hoy!!! Dalian mo diyan!” Katok ko sa banyo ng kwarto niya.

“Oo na!” sambit niya at bumaba na ako. 

Ng makababa ako ay niyaya na ako nila ninong na kumain at sumalo na ako sa kanila. Tawanan naman kami dahil ikinwento nila kung paano si Daryll sa umaga at ang mga ugali niya. Ibinuko pa siya ni kuya na tulo laway daw ito na lalo naming ikinatawang tatlo. Nang makababa naman si Daryll ay sumalo na din ito at umalis na kami pagkatapos naming kumain. 

Naghintay kami ng jeep at biniro ko pa itong hindi ko na siya uunahan sa jeep gaya ng ginawa ko sa kanya nung isang araw. Nang makasakay kami ng jeep at siksikan at magkatabi kami sa jeep. Ewan ko ba, kung nung nagdikit palad namin ay may kasiyahan akong naramdaman, mas malakas naman na kabog nang dibdib ang naramdaman ko ng magdikit ang balikat namin. HALLA! Ano ba tong nangyayari sa akin? Nang makadating kami sa school ay nagpaalam muna ako na mag CCR muna ako. 

 “Wow naman Daryll!” rinig kong tanong nung Chelsea kay Daryll ng makalapit kami.

“No seriously, knowing Joshua, hindi niya ako iwan…”  Sambit naman ni Daryll. Sino ba pinaguusapan nila?

“Sinong Joshua?” bigla kong tanong ng makalapit ako sa kanila. Kita ko naman na nag alangan silang sumagot na ikinataka ko.

“Ah, dating BESTfriend ni Daryll.” 

“Talaga? Aong nangyari?” interesado kong sambit.

“Nag away kasi sila, kaya ayan, wala ng guy bestfriend si Daryll.”

“Ganun ba? Eh di ako na lang bestfriend mo!” alok ko kay Daryll at umakbay. Nagkatinginan naman kami. Hindi ko maalis yung tingin ko sa kanya hanggang sa sumingit si Chelsea.

“EHEM!” pag ubo ni Chelsea.

“Anong nangyari? Kahapon lang eh inis na inis kayo sa isa’t isa?” takang tanong ni Chelsea sa akin na ikinatawa ko.

“Long story!” Sabay naming sambit ni Daryll. 

“Ayyy, ano ito?” nang iintriga na pasaring ni Chelsea sa amin.

“Ganito kasi yun Chelsea, our dad are bestfriends. Nagkaayos na kami kagabi.”

“Yep, he’s telling the truth, and childhood friends pala kami though hindi namin naalala pero nararamdamn namin.” 

“May ganoon ha? Anyways, I am Chelsea, we were not properly introduced yesterday. Nice meeting you.” Pakikipagkilala ni Chelsea sa akin.

“Same, nice meeting you.” Sambit ko dito.

Lumipas ang oras at subjects namin at tila mas nakilala ko naman si Daryll how he is as a student. Nakakatuwa na magaan ang lob sa kanya ng mga teachers. Matalino pala ito, hindi naman kasi halata. May naisip naman akong paraan para makuha ko yung grades na kailangan ko para makabalik sa Zambales. Kukuha ako ng magandang timing para humingi ng tulong sa kanya.

Nang matapos ang class namin ng araw na yun yun ay niyaya ko na si Daryll mag mall. Niyaya naman nito si Chelsea pero hindi na sumama sa amin yung bestfriend niya. Mas okay na nga yun para makapag bonding kami ni Daryll. Tawa lang kami ng tawa sa mall, hinihila ko siya sa mga stalls at kita kong natutuwa siya sa mga kalokohan ko at natutuwa naman ako sa mga ngiti niya. Nang mapadpad kami sa food court ay may magandang babae na lumapit at kinausap siya. Nainis naman ako, hindi kay Daryll kundi sa babae. Teka, nag seselos ba ako? 

“Hi!” ngiti ng isang babae kay Daryll. Malandi naman tong babaeng to.

“Hi, what’s up?” bati naman ni Daryll, talagang nagpacute pa!

“Gusto niyo ba sumama sa table namin?”

“Bakit?”

“Wala, hang out lang…” tinignan naman ako ni Daryll at sa tingin na yun may naisip ako. 

“Pasensya na miss, nag dadate kasi kami ng BOYFRIEND ko…” ipinatong ko yung kamay ko sa palad niya na kinagulat niya.

“Ganoon ba? Ah okay sige…” tila dismayadong sambit nung babae.

“Saan galing yun?” 

“Wala lang, ako kasama mo tapos gusto mo kasama sila. Wag ganon!” sambit ko sa kanya na ikinailing niya.

“Baliw! Boyfriend ka diyan!” Natawa naman ako sa itsura niya.

“Saan tayo after kumain babe?” patuloy na biro ko dit.

“Baliw ka, napatingin yung pamilya sa kabilang table. UMAYOS ka nga” naiinis niyang sambit.

“OO na! Saan na tayo?”  pagbabago ko ng tono ko habang pinipigilan ko ang matawa.

After namin sa mall ay niyaya ako nito sa isang park. Okay naman yung park at nakakarelax tignan. May nahimigan naman akong nangyari sa past ni Daryll regarding this place. Hindi ko na masyado inusisa yun dahil tila iwas nitong mapagusapan namin iyon.

Nagpaalam si Daryll na mag CCR daw ito kaya naiwan ako sa pwesto namin. Natutuwa naman ako tignan yung mga nagdadate sa paligid at mga barkadang nakatambay sa paligid. Hindi ko namamalayan na hindi ko masyado naiisip si Nathalie pag kasama ko si Daryll, mabuti na din siguro yun para makapag concentrate ako sa studies ko. Lumipas ang ilang minute at wala pa din si Daryll kaya sumunod na ako. Habang papalapit ako ay nakita ko siya na may kausap.

Lumpait ako para makilala ko ang kausap ni Daryll at napag alaman kong Joshua at Andrea pala ang pangalan ng kausap ni Daryll. Masaya naman ako nakipagkilala sa kanila pero iba ang tingin nung Joshua. Teka, Joshua? Siya ba yung bestfriend dati ni Daryll? Hindi ko na natiis ang sama ng tingin niya kaya kinausap ko siya. 

“May problema ka ba tol?” tanong ko dito.

“Wala, ikaw meron ba?!” Aba’t loko to ah. Baka hindi niya kilala ang kinakalaban niya. 

“Let’s go Joshua!” yaya ni Andrea sa kanya. 

“Chill lang Kit, hayaan mo na siya.” Sambit naman ni Daryll sa akin.

“Ano ba problema non?” tanong ko kay Daryll nang makalayo yung dalawa.

“A-ano, ano ka-kasi…” simula ni Daryll pero hindi na natapos ang pagsasalita niya ng may biglang tumulak sa akin. Marahil sa inis ko kanina pa ay sinapak ko siya at nagbuno kaming dalawa.

 “Tama na Kit, Joshua!” rinig kong pag aawat ni Daryll sa amin pero tila hindi ko ito naririnig.

“Ano ba problema mo ha?” tanong ko dito ng naitulak ko siya palayo sa akin.

“Ikaw! Ikaw ang problema ko!” 

“Bakit? Ano ginawa ko sa iyo? Gago ka pala eh!”

“Dahil inagaw mo ang tanong mahal ko!” 

“Anong pinagsasabi mo? Sinong mahal mo na inagaw ko?” takang tanong ko sa kaniya. 

“Inagaw mo si Daryll!” Nagulat naman ako sa narinig ko. Akala ko ba bestfriend lang sila, so siya yung ex na sinasabi ni Daryll sa akin? Ibig sabihin eh? 

Dumating naman si Andrea at inakay ulit si Joshua palayo. Napatingin naman ako kay Daryll na nakatulalang nakatingin sa palayong si Joshua. 

“Daryll, ano yun?”  tanong ko sa kanya.

 “Kit, can you be open minded?” pagsisimula niya na ikinatango ko lang. 

“I am Bisexual Kit, si Joshua siya yung ex ko and si Andrea, yung babae kanina siya yung dahilan ng break up namin.” Aminin ko nagulat ako, hindi kasi halata sa kaniya. Alam kong may kakaiba akong nararamdaman kay Daryll pero ewan ko ba. 

“Bakit nasabi niya na inagaw daw kita?” 

“Even if me and Joshua broke up, persistent pa din siya na balikan ko siya kaya I made the stupidest decision to make an imaginary boyfriend. Me and Chelsea came up with an idea na papalabasin namin na may bago na ako para iwasan na ako ni Joshua and nagkataon na kapangalan mo yung imaginary BF ko. Kaya gulat na gulat ako ng makilala kita dahil Kristoff James Arguelles ang made up BF ko.” Nabigla naman ako, kaya siguro noon tinanong niya kung talagang Kristoff James ang pangalan ko. Ito pala ang dahilan. Destiny or Coincidence. Gusto kong isipin na coincidence lang.

“Sana huwag mo nalang ipagsabi ito kahit kanino. Kayo lang ni Chelsea ang nakakaalam ng tunay na ako. Natatakot kasi ako kay daddy. Hindi ko alam ang magiging reaction niya at ng kuya ko.” 

“Ano ka ba, if you’re thinking na iiwasan kita dahil sa sexual preference mo, hindi no! And don’t worry, your secret is safe.”  May naisip naman ako, kung gusto ko matulungan ako nito sa grades ko ay tutulungan ko naman siya kay Joshua. 

“Salamat Kit.” 

“So babes, saan na tayo?” ngiti ko sa kanya.

“Babes ka diyan?!” sambit nito. Sasabihin ko na plano ko sa kanya.

“Eh hindi ba ako ang made up BF mo? Dapat may endearment, gusto ko babes.”

“Ha-ha?” naguguluhan niyang sambit sa akin. 

“Payag ako na maging kunwaring boyfriend mo hanggang layuan ka ni Joshua, sa isang kundisyon.” 

“A-ano naman iyon?”

“Tutulungan mo ako hanggang makabalik ako sa amin.”

“Paano naman kita tutulungan?” 

“Sabi ng dad ko kahit first grading lang kung lahat ng grades ko ay nasa 95 pataas ibabalik na niya ako sa amin.” Hindi naman ito sumagot kaya tinanong ko siya ulit. Sana pumayag siya.

 “Hoy, ano na?” pag alog niya sa akin.

“Okay sige, payag ako!” YES! Pumayag siya.

“Deal!” sambit ko at nakipagkamay ako. Hindi ko naman agad nabitawan ang kamay niya, ang lambot. Teka, ano ba nangyayari sa akin? 

“You can let go of my hand now.” Sambit nito na nakatingin sa akin. 

“HHWW?” tanong ko sa kanya. Umandar nanaman tong kalokohan ko, kalokohan ng ba? Hayyy.

“Ano? Ano yun?”

“Holding Hands While Walking tayo?” Ngiti ko sa kanya.

“BALIW! Magiging sweet lang tayo kapag nandito si Joshua.”

“Itext mo pala si Joshua.” 

“Ha? Bakit ko naman gagawin yun?” nagtataka nitong sambit.

“Para sweet tayo kasi andito siya.” Taas babang kilay kong sambit. I really wanna se him blush!

“Gago, umayos ka uupakan kita.” 

“Sige hahalikan kita.” Biro ko sa kanya.

“Kung ako okay lang na mahalikan mo, eh ikaw?!” biro nito akin. Sumeryoso naman ako ng tingin at unti unting nilapit ang mukha ko. Nang malapit na ay narealize ko naman kung ano ang ginagawa ko kaya nagbawi ako ng sarili ko.

“Hoy, papikit pikit ka pa diyan, tara ice cream tayo!!!” hinila ko siya para mag ice cream.

“Ano gusto mo?”  hindi naman ito sumagot kaya tinawag ko siya ulit.

“Hoy Daryll!” 

“Kahit ano, ano ba masarap diyan?” 

“Chocolate!” nakangiti kong sambit.

Nauna siyang umupo at nag order naman ako. Favorite ko ang ice cream, ito lagi namin kinakain noon ni Nathalie pag nagdadate kami. Nalungkot naman ako bigla pero pinilit kong ngumiti ng malapit na ako sa table na kinuha ni Daryll.

“Oh!” abot ko sa kanya.

“Salamat”

“You’re welcome babes!”

“Tumigil ka nga.”

“Pakipot ka naman babes”

“Whatever.” Nagngitian naman kami at nagpatuloy sa pagkain ng ice cream.

Habang kumakain kami ng ice cream ay nagkwentuhan naman kami, kung ano ano lang at ginamit ko yung chance na yun to know Daryll more. Natutuwa talaga ako na kasama siya, iba eh! Hanggang sa napunta ang usapan namin kay Joshua. Grabe pala ang relationship nila at pinagdaanan ni Daryll sa lalaking yun. Kung ako si Joshua, hindi ko lolokohin tong si Daryll eh. Teka? Kung ako si Joshua? Malala na ito. Umiiling kong sambit.

Nang matapos kami mag ice cream at magkwentuhan ay niyaya ko na si Daryll umuwi. Baka kasi magalit si ninong na late na kami makakauwi. Pinadaan naman ako ni Daryll sa bahay nila ta sakto dahil nakahanda na ang Dinner. Hindi pa kasi kami kumain ni Daryll kaya sumalo na ako. Madami naman naitanong si ninong sa akin tungkol kay Daryll na sinagot ko naman ng buong katotohanan at minsan ay biro.

“Gabi na Kit, dito ka na matulog. Wala naman kayo pasok bukas. Doon ka nalang matulog sa kwarto ni Daryll.” Bigla naman akong nakaisip ng kalokohan. Umayaw si Daryll na matulog ako sa kanila pero pumayag ako sa alok ni ninong. 

Umakyat na kami sa kwarto ni Daryll, nang makapasok ako ay nilock ko ito at nakita ko ang pag tense ng katawan ni Daryll. Alam ko na, lolokohin ko siya, I know he can’t resist me. HAHA! Nang makita ko na nag aayos siya ng kama sa baba ay humiga ako sa kama niya.

“Hoy, dito ka sa baba.” Hila ko sa kanya. 

“Dito nalang ako, queen bed kaya tong kama mo. Kasya na tayo dito.”

“Ayaw ko, dito ka na. Hindi ako sanay na matulog ng may katabi!” 

“Siguro kaya ayaw mo kasi you can’t stand being near me kasi naano ka ano?”

“Anong naano?”

“Nalilibugan ka ba sa akin?” pinilit kong maging seryoso kahit tawang tawa na ako.

“Bastos mo Kit! Huwag ka mafeeling ha?” tumayo naman ako mula sa pagkakapatong ko sa kanya.

“Talaga lang ha, kung ganoon naman pala eh di tabi tayo.” Gusto ko siyang biruin hanggang mamula siya ng husto. CUTE kaya niya pag ganun? Halla, ito nanaman ako at nacucutan sa kanya. 

“Fine!” sukong sambit nito sa akin. 

“Good Boy! Pahiram ng damit ah!” pumunta naman ako sa cabinet niya.

“Gamit mo? Makialam ka naman diyan!” 

“Oo” nakakita naman ako ng puting sando at  boxers, this is perfect for my plan.

Pumasok na ako sa CR, naligo naman ako dahil nanlalagkit talaga ako. Nakalimutan ko naman manghiram ng tuwalya kay Daryll pero sakto naman na may nakita ako sa likod ng pinto. Ginamit ko nalang ito. Sinuot ko yung damit na kinuha ko at binalabal ang twalya para kunwaru wala akong suot.

“Daryll! Saan suklay mo?”  tanong ko sa kanya at ng lumingon siya ay nagulat ito sa hitsura ko. 

 BINGO! Bigla naman nag iba yung itsura niya na ikinataka ko.

“Hoy, tuwalya ko yan, bakit mo ginamit?” 

“Arte mo naman, wala naman ako sakit!”

“Yang ginamit mo po kasi ginagamit ko sa mukha ko!” 

“Sorry na. Oh ito!” hinugot ko yung tuwalya at kita ko na tumalikod ito. NATAWA nalang ako sa ginawa niya.

“Ano ba yan Kit! Umayos ka, sa sala kita papatulugin!”

“Humarap ka kasi!” natatawa sambit sa kanya.

“Oh, natulala ka?” nang aasar niyang tanong. 

“Wa-wala mag CCR na ako.” Pumasok naman ito sa CR bigla. ALAM NA!

Pagkalabas niya ng CR ay humiga na ako. Inaantok na ako, ang tagal nito lumabas. Ano kaya ginawa nun doon? Nang makalabas siya ay niyaya ko na ito matulog.

“Tulog na tayo Daryll…” 

“Mauna ka na Kit, mag check muna ako ng twitter at instagram ko.”

“Eh di higa ka na din dito.” Humiga naman ito sa tabi ko na ikinangiti ko. Nakatingin lang ako sa kanya ng bigla itong lumingon sa akin. 

 “Oh, problema mo?”

“Wala lang…” ngiti ko sa kanya.

“Anong gusto mo maging?” bigla kong natanong sa kanya. Wala lang, para may pag usapan at ng makatulog na ako.

“Hmmm, gusto ko maging doctor! Matagal ko ng dream yun eh, gusto ko kasi makatulong sa may mga sakit, ikaw ano dream mo?” Hindi ko na pinatapos ang sinasabi niya at nakatulog na ako. Pero bago ako tuluyang nakatulog ay narinig ko naman itong nagsalita.

 “Good night Kit!” Nangiti naman ako sa ginawa niya. Ang sarap sa pakiramdam na kahit kalian hindi ko naramdaman kay Nathalie noon.

Itutuloy…