#MyMadeUpBF Chapter 4 - The Start of Something New

Chapter 4 The Start of Something New

Disclaimer: This is my first fiction story as a writer. Any events, names, scenarios or similarities to any written works are purely coincidental. This story is for mature audience and this story may contain gay sex. If you find this offensive please do not proceed on reading. Please leave a comment, negative or positive feedbacks are well appreciated. Do not copy this story without my permission.

Authors Note: Salamat po sa mga nagbabasa and taking time to leave a comment. Nakakatuwa din po sa feedback. Dahil late ako nag update yesterday, babawi ako ngayon. ENJOY CHAPTER 4!

Habag kumakain kami ay nagkukwentuhan naman kami sa mesa. Ang daming kwento ni daddy at ninong sa pagkakaibigan nila nung bata pa sila. Nakakatuwa dahil up until now they manage to stay as bestfriends.

“Alam niyo bang lagi kayong magkalaro ni Daryll nung bata pa kayo James?”

“Talaga po?” nagtataka kong tanong.

“Oo nung mga 5 years old palang kayo lagi kasi kami bumubisita dito kaya lang ng lumaki yung lupain namin eh madalang na kami nakakabisita sa inyo.”

“So, childhood friends na pala kami noon palang? Does that explains yung gaan ng loob ko sa kanya despite yung asar ko sa kanya? GULO ko, HAHA!”

“Hindi ko na din maalala yun papa…” tila pilit inaalala ni KJ yung mga detalye ng childhood namin.

“Ako din po…” 

“Kasi bata pa kayo noon and ang tagal na din. Tanong mo pa si kuya mo, Daryll, siya lagi nagbabantay sa inyo noon eh.”

“Oo Daryll, magkalaro kayo dati. Ang kulit kulit niyo nga at ako ang napapagod kakahabol sa inyo!”

Nagkatinginan naman kami ni KJ at nagngitian dahil childhood friends pala kami na hindi namin alam. After kumain ay nagkwentuhan naman si daddy at ninong while kuya went to his room kasi daw inaantok na siya. Niyaya ko naman si KJ sa likod ng bahay namin. Nawala na talaga yung inis ko sa kaniya, I wanna know him more.

“So, we were friends huh?” tanong nito sa akin. 

“Oo nga eh, nakakatuwa lang kasi wala talaga ako maalala pero one thing is for sure, magaan ang loob ko sa iyo. Kung hindi mo lang ako binalahura nung unang meeting natin hindi kita susungitan.” Biro ko sa kanya na ikinangiti niya ng husto.

“Talaga? Honestly, I feel the same way. Magaan loob ko sa iyo nagkataon lang na talagang hindi maganda yung umaga ko. Pasensya na dun ha?” 

“Let’s just forget about that.”

“Sure!” ngiti niya sa akin. Ang gwapo niya pero hindi, I need to erase that from my mind. His dad is my dad’s bestfriend and straight siya, I think? 

“Hoy! Okay ka lang?” tapik nito sa akin.

“Ah-Oo! Okay lang ako. Nasabi mo kanina na may gusto kang balikan sa inyo? GF mo?”

“Parang ganon na nga. Nakipagbreak kasi siya sa akin kaya naging maloko ako sa Zambales. Gusto ko siyang balikan kaya lang pinatapon ako ni papa dito. BADTRIP nga eh…”

“Bakit naman kayo nagbreak? If you don’t mind me asking?”

“May mahal na daw siyang iba…” malungkot na sambit nito.

“Eh kung may mahal na palang iba ano babalikan mo?”

“Alam ko mahal pa din niya ako, ramdam ko yun.”

“Ano ba iyan, baka maiyak ka pa dito. Change topic!” natatawa kong sambit. Napaisip naman ako sa sinabi niya, yun din kaya ang nararamdaman ni Joshua why he still pursue his feeling for me despite me pushing him away? 

“Eh ikaw? May GF ka na ba? Si Chelsea no?” biglang tanong nito habang nakatingin ako sa kawalan.

“Hindi, bestfriend ko lang yung si Chelsea.”

“Ows? Ang close niyo kaya tapos ang ganda ni Chelsea…”

“Maganda nga asal bakla naman. HAHA!”

“Napansin ko nga din yun, buti hindi nagseselos yung BF nun sa iyo?”

“NBSB yung si Chelsea kaya walang mag seselos.” 

“Kaya pala close kayo kasi walang magagalit anyways igala mo naman ako dito sa Manila.”

“Yun naman talaga ang gagawin ko dapat eh. Inutusan ako ni daddy, hindi naman ako makatanggi.”

“I know what you’re trying to say. Ganyan din si papa, salita niya ang batas sa bahay.” Nag apir naman kami dahil magkasing ugali ang mga tatay namin.

“Saan pala kayo nakatira? Hindi ba doon ka din sumasakay sa kanto?”

“Just 2 blocks away from here yung bahay namin. Dapat nga dito ako sa inyo pero nahiya ako kaya kinuhanan ako ng apartment ni papa dito.”

“Ahhh, kaya pala. May kasama ka naman doon?”

“Wala, ako lang, sabi ni papa dapat matuto naman daw ako mamuhay mag isa.”

“Sus, eh di dito ka nalang lagi para may gagawin ka.” Ngiti ko sa kanya. 

“Gusto ko yan, wala din kasi ako masyadong kakilala dito"

“Wala daw, eh pinagkakaguluhan ka nga sa school.”

“Pogi kasi ako eh, ganoon talaga!” mahangin niyang sambit.

“Yabang!” mahinang suntok ko sa braso niya.

“James? Halika na uwi na tayo. Maaga pa pasok mo bukas at maaga pa ako babyahe pabalik ng Zambales.” Pagtawag ni ninong sa kanya.

“Sige po pa!” sigaw nito kay ninong. 

“Sige Daryll, bukas ha? Gala tayo!”

“Sige KJ, punta ka na, hanap ka na ni papa mo.”

“KJ?” takang tanong nito sa akin.

“Kristoff James!”

“Ang panget, Kit nalang ang itawag mo sa akin since friends na tayo.”

“Hehe, wala na ako kasi maisip kanina. Haba kasi ng pangalan mo, sige Kit it is.”  

Hinatid namin sila ni daddy sa gate pabalik sa kotse nila. Nagpaalam naman ako kay daddy na aakyat na ako dahil may mga gagawin pa ako. Pagpasok ko naman sa kwarto ko ay sakto naman ang pag ring ng cellphone ko.

“Hello?” pagsagot ko, hindi ko naman tinignan kung sino yung tumatawag dahil lutang pa din ako sa pag uusap namin ni Kit. 

“Hello, Daryll? Okay ka na ba?” boses ng lalaki. Tinignan ko naman ang screen ng phone ko ay si Joshua nga.

“I am okay, anything else?” malamig kong sambit sa kanya.

“Kinamusta lang kita. Good night!” pinatay niya agad ang phone niya. Nagtaka naman ako dahil hindi naman ganun si Joshua, usually nangungulit na siya sa akin. Hinayaan ko nalang ito at nag ready na ako na matulog. Hindi na gaano kumikirot yung katawan ko, ewan ko ba, talking to Kit made me feel better. Landi ko lang! HAHA

“Daryll…” rinig kong tumatawag sa akin. Pilit ko naman hinahanap kung saan ito nanggagaling. 

“Daryll…” rinig ko muli at nakita ko ang isang lalake na nakatayo sa hindi kalayuan. Tumakbo ako para lapitan ito.

“Daryll…” muling tawag niya sa akin, habang papalapit ay lalong lumilinaw ang mukha ng taong tumatawag sa akin. Nang makalapit ako ay…

“IKAW?!” sambit ko sa lalakeng lagi ko napapanaghinipan. Hindi ako pwede magkamali, all this time siya lang yun. DESTINY na ba ito?

“Oo ako nga, sabi ko sa iyo makikilala mo na ako eh…” ngiti niya sa akin.

“Pero bakit ikaw Kit? Imposible!” pakikipagusap ko sa kanya.

“HOY!!!!!” gising sa akin ng isang tao sa loob ng kwarto ko. 

“What?!” biglang bangon ko dahil sa pagkagulat. Ramdam ko naman yung kirot at hapdi ng mga pasa ko dahil sa biglaang pagbangon ko. Paglingon ko ay si Kit ang gumising sa akin. Nanlaki ang mga mata ko dahil ang tao sa panaghinip ko ay nandito sa harap ko, sa kwarto ko. Sinapo ko naman ang ulo ko sa mga nangyayari.

“A-aray… Anong ginagawa mo dito?” gulat kong tanong sa kanya. 

“Sabay na tayo pumasok, pinaakyat na ako ng daddy mo. Gisingin na daw kita kasi tulog mantika ka daw! Okay ka lang ba?” Natatawa nitong tanong sa akin dahil halata sa mukha ko yung sakit ng katawan ko.

“Nak nang, bakit kailangan manggulat?!”

“Ikaw kaya yung nagsasalita ng tulog. Sabi mo pa nga Pero bakit ikaw Kit? Imposible!” Panggagaya niya sa boses ko. 

“Pinagsasabi mo?” maang ko sa kanya. Nakakahiya!

“Ano ka?! Rinig na rinig ko yun!” nangaasar niya na tugon sa akin.

“Ewan ko sa iyo. Maliligo na ako!” tumakbo naman ako sa banyo at rinig ko yung tawa niya sa loob ng kwarto ko. Bakit kasi hindi ko nilock yung pinto ko? Stupid Daryll STUPID!

Napasandal ako sa likod ng pinto ng CR ko, siya talaga yung lalake sa dream ko? Siya yung made up bf ko at childhood friend ko! This is too much to absorb. Hindi, mayroon siyang babalikan, ayaw ko umasa and he is straight! No No No!!!!

“Hoy!!! Dalian mo diyan!” Katok niya sa kwarto ko na natatawa na ikinagulat ko.

“Oo na!” Narinig ko naman na lumabas na siya kaya nagmadali na ako maligo at magbihis. 

Humarap ako sa salamin at kita ko ang black eye sa mata ko at ang pumutok kong labi sa kanang bahagi. Bakit ba naman kasi sa mukha pa ako sinapak nung isa, ayan pumasa na. Inayos ko naman yung buhok ko at sinukbit ang bagpack ko at bumaba na para mag almusal. Rinig ko naman yung tawanan nila daddy sa baba. 

“Ganyan talaga si Daryll, late lagi nagigising.” Tawa ni daddy habang nakikipagkwentuhan kay Kit. 

“Tulo laway pa, hindi ba dy?” Lalo naman lumakas ang tawanan nilang tatlo. Nagpasya naman ako magpakita sa kania.

“Wow! At talagang ako ang ginawa niyo katatawanan?” napalingon naman sila sa akin. 

“Andito na pala si Daryll eh!” lumapit naman si Kit sa akin at umakbay, may kakaiba akong naramdaman kaya lumayo ako dito at umupo para kumain.

“Buti naman at okay na kayo, kahapon lang halos magsapakan kayo eh!” Tawa ni kuya. Ngumiti lang ako bilang sagot sa sinabi niya.

“Oo nga, maganda yan utoy, maging mag bestfriend din kayo ni Kit. Teka, ayos ka na ba? Halata na yung mga pasa mo, sigurado kang kaya mo ng pumasok?”

“Opo dy, hindi naman ganoon kasakit eh.”

“Ako na po bahala sa kaniya ninong.” Sambit ni Kit at tinapik ako sa balikat ko. Buti hindi masyado maliwanag sa dining area ng bahay namin dahil kundi, halatang halata ang pamumula ng pisngi ko.

“Aasahan ko yan Kit. Pasama ka nalang sa kanya mamaya na maglibot.”

“Opo ninong, yun po talaga usapan namin.” Kindat niya sa akin. Lintek tong lalakeng ito, kinikilig ako!

Umalis na kami ni Kit sa bahay matapos namin mag almusal.Pansin ko naman na lagi lang itong nakangiti na lumilingon sa akin kaya minabuti kong kausapin siya to break the awkwardness. Hindi siguro awkward sa kaniya pero SUPER awkward para sa akin.

“So, pumunta ka lang ba sa bahay para maki almusal sa amin no?” biro ko sa kanya. 

“Oo para na din may makasabay papasok. Huwag ka mag alala, hindi kita uunahan sa jeep ngayon.”

“Dapat lang, kita mo tong mga pasa ko? Injured ako!” 

Nakadating kami sa may sakayan at nakakuha naman kami agad ng mauupuan sa jeep. Iba talaga ang feeling kapag malapit ka sa kanya. Alam mo yung parang nag iinit yung katawan ko kapag nagdidikit ang mga braso namin. Yung pabango niyang amoy na amoy ko mula sa aking kina uupuan. Ganitong ganito ako nung mahal na mahal ko si Joshua. Teka, si Joshua? Oo nga ano kayang drama nun kagabi? Tinignan ko naman ang cellphone ko at wala siyang good morning message gaya ng lagi niyang ginagawa.

“Oh, sino hinihintay mo mag text?” silip nito sa cellphone ko. Natutuwa ako kasi parang ang tagal na naming magkaibigan. Siguro nga totoong magkalaro kami noong 5 years old palang kami kasi at ease na kami sa isa’t isa.

“Wa-wala…”

“Sabi mo eh…” kindat niya na ikinamula ng pisngi ko ng husto. Ano ba yan!

Nang makadating kami sa school ay pinagtitinginan kami ng mga estudyante. Hindi ko alam kung ako ba ang tinitignan dahil sa mga pasa ko sa mukha o yung kasama ko dahil sa gwapo niyang mukha. 

“CR lang ako Daryll, una ka na sa room.” Ngiti sa akin ni Kit. 

“Sige…” Dumiretso na ako sa room at nilapitan naman ako ng mga classmate ko at kinamusta ako. Sinagot ko naman yung mga tanong nila at nagpasalamat sa mga pag aalala nila.

Nang makadating ako sa upuan ko ay agad naman akong nilapitan ni Chelsea.

“Kamusta ka na Daryll?”

“Okay na, medyo masakit pero okay na ako.” Ngiti ko sa kanya. 

“Ano balak mo sa mga bumugbog sa iyo.”

“Hayaan ko na lang sila, ayaw ko lumaki ang gulo. Sino kaya yung nagligtas sa akin no?”

“Oo nga, hindi na nagpakita.”

“Alam mo Chelsea nung binubugbog ako si Joshua ang tinawag ko.” Pag amin ko sa kanya. 

“Talaga? Baka si Joshua yung tumulong sa iyo?”

“I don’t think so, kasi kung si Joshua yun, hindi ako nun iiwan sa clinic.”

“Wow naman Daryll!”

“No seriously, knowing Joshua, hindi niya ako iwan…”

“Sinong Joshua?” biglang sulpot ni Kit sa amin. Nagtitigan naman kami ni Chelsea at agad na sumagot si Chelsea.

“Ah, dating BESTfriend ni Daryll.” Buti nalang, mabilis mag isip tong si Chelsea eh.

“Talaga? Aong nangyari?”

“Nag away kasi sila, kaya ayan, wala ng guy bestfriend si Daryll.”

“Ganun ba? Eh di ako na lang bestfriend mo!” ngiti sa akin ni Kit at umakbay. Nagkatitigan naman kami, ewan ko ba hindi ko maalis yung tingin ko sa kanya. Nilabanan naman ni Kit ang titigan na yun.

“EHEM!” pag ubo ni Chelsea kaya agad ako nagbawi ng tingin. 

“Anong nangyari? Kahapon lang eh inis na inis kayo sa isa’t isa?” takang tanong ni Chelsea kay Kit at bigla naman niya akong tinitigan na naniningkit.

“Long story!” Sabay naming sambit ni Kit and nagtawanan naman kaming dalawa. 

“Ayyy, ano ito?” nang iintriga na pasaring ni Chelsea sa amin ni Kit.

“Ganito kasi yun Chelsea, our dad are bestfriends. Nagkaayos na kami kagabi.”

“Yep, he’s telling the truth, and childhood friends pala kami though hindi namin naalala pero nararamdamn namin.” Ngiti ni Kit sa akin na nagpabilis ng tibok ng puso ko. Tinignan ko naman si Chelsea at tinignan niya ako ng I-Know-What-Your-Feeling look. 

“May ganoon ha? Anyways, I am Chelsea, we were not properly introduced yesterday. Nice meeting you.” Pakikipagkamay nit okay Kit. 

“Same, nice meeting you.” Tila naman kinilig itong si Chelsea kaya natawa ako sa itsura niya.

Pumunta na kami ng quadrangle at pumila para sa flag ceremony. Halata pa din yung mga kinikilig na schoolmate namin kapag dumadaan si Kit sa harapan nila. Lumilingon lingon naman ako para hanapin si Joshua. Ewan ko ba pero parang may iba eh. Usually nakikita ko na siyang tumatambay pero ngayong wala.

“Sino hinahanap mo?” takang tanong sa akin ni Chelsea. Nakita ko naman si Kit na pinalubtan nanaman ng mga babae kaya hinayaan ko na lang muna ito. 

“Si Joshua…” pilit ko pa ding inililibot yung ulo ko para hanapin siya.

“Bakit? Bago yan ah, ready to give a second chance?”

“Hindi, nainibago lang ako. Hindi ba usually, nakikita natin si Joshua pag papasok tayo. Tapos hindi siya nag text ng good morning sa akin eh lagi niya ginagawa yun. Tapos kagabi nung tumawag siya parang may mali.”

“Namimiss mo?”

“Hi-hindi ah!”

“Umamin ka na friend, halata kaya?”

“I think the proper term is nag-aalala…”

“Sabi mo eh…” Once in my life minahal ko si Joshua at naging magkaibigan kami. Kahit may bitter past kaming dalawa, siyempre mag aalala pa din ako sa kanya.

Natapos ang flag ceremony at dumiretso na kami sa room. Sumabay naman si Kit sa amin ni Chelsea na ikinatuwa ni Chelsea sa huli. Kasi naman daw kasama namin yung hottest guy in campus, malamang kakainggitan siya ng mga haliparot na babae sa school. 

“Daryll, okay ka na ba? You should’ve took a rest nalang.” Tanong ng homeroom adviser namin.

“Okay naman po ako Miss, sayang din po kasi yung lessons na mamimiss ko.”

“Nako, ikaw pa eh in born yung pagkatalino mo…” 

“Ma’am talaga” nagkakamot kong tugon sa kanya.

 

“Huy!” kalabit sa akin ni Kit matapos akong kausapin ng teacher namin. 

“Ow?” 

“Matalino ka pala?”

“Bakit hindi ba halata?” biro ko sa kanya pero umiling lang ito sa akin. Walang hiya tong lalakeng ito. 

“Scholar po ako and running for valedictorian ako!” mayabang kong sambit. 

“Yabang mo naman!” gulo niya sa buhok ko na ikinainis ko sa huli.

Dumaan ang unang dalawang subject namin at sumapit ang recess. Sumabay ulit si Kit sa amin na ikinatuwa ko at ni Chelsea kasi may bago na kaming kasama. Minsan kasi ay nagsasawa na kami ni Chelsea sa isa’t isa. HAHA! Pero lagi pa din ako lumilingon para makita si Joshua pero bigo ako makita siya. Napadaan din kami sa room nila pero wala talaga. Totoo kayang namimiss ko siya? Pero bakit? Eh di ba gusto ko na si Kit? Oo in denial pa din ako na may gusto ako kay Kit pero I know what is the feeling of attraction! Bakit ganoon? SANA DALAWA ANG PUSO KO ANG PEG KO? Ganun?

“Aminin mo na kasi, you miss him!” bulong sa akin ni Chelsea ng nakapila na kami para magbayad ng pagkain.

 

“Ha-ha? Ano sinasabi mo?”

“Come on Daryll. Ako pa ba paglilihiman mo?”

“Ewan naguguluhan ako!” frustrated kong sambit at dumiretso sa lamesa namin. Nakita naman ako ni Kit at nilapitan ako nito. 

“Oh, kanina ka pa nakasimangot ah? Anong meron?”

“Wala, adik lang? Bakit hindi ka pa bumili ng pagkain?”

“Ngayon lang ako nakawala sa mga babae eh…”

“Papogi ka kasi!” batok ko sa kanya.

“Pogi ako, period.” Papogi sign niya.

“Sige na, bili ka na don, isave nalang kita ng upuan dito.”umalis naman siya at saktong nakabalik si Chelsea sa upuan namin. 

“Umamin ka nga!” sambit nito sa akin ng makaupo siya sa upuan.

“Ha?”

“You like Kit no?”

“Kaya nga naguguluhan ako Chelsea. Alam ko I like Kit pero natatakot ako tapos yung pagkawala ni Joshua sa paligid ko, namimiss ko naman siya.”

“Baka naman kasi mahal mo pa si Joshua at attracted kalang kay kit kasi gwapo siya.”

“Hindi eh, wala na yung pagmamahal ko kay Joshua noon pero ito ako, hinahanap ko siya.”

“Baka nakatago lang tapos nung hindi na siya nagpaparamdam eh lumabas ulit yung feelings mo sa kanya?

“Ewan ko…”

Natapos ang classes namin ng hindi ko nakita si Joshua pero kapag kasama at tinititigan ko naman si Kit ay nawawala yung pagkamiss ko sa taong hinahanap ko. Hindi ko ma explain yung nararamdaman ko, bakit ganon?

“Daryll, tara na? Mall muna tayo tapos ikaw na bahala kung saan mo ako igagala.”

“Sige, tanong ko lang si Chelsea baka gusto niya sumama.”

“Oki doki!” 

Hindi naman na sumama si Chelsea sa amin, may pupuntahan daw kasi sila ng mama niya kaya nagdesisyon kaming mag mall nalang muna ni Kit. Ang kulit niya, kung anong maisipan niyang gawin ay ginagawa niya. Andiyan yung hihilahin niya ako sa isang store at magsusukat ng damit. Pupunta kami sa isang perfume stall at iispray yung mga pabango. Natutuwa naman ako sa mga sales lady dahil isang ngiti lang ni Kit sa kanila ay tila nawawala yung inis nila sa kakulitan niyo. Nagdesisyon kaming kumain muna sa isang restaurant dahil halos isang oras na kaming naglalakad lakad. 

Sa foodcourt kami kumain para madaming choices, kita ko naman yung mga ibang students from other school na tumitingin sa table namin. May lumapit naman sa amin, ang buong akala ko ay si Kit ang lalapitan pero nagulat ako ng ako ang kausapin. 

“Hi!” ngiti ng isang babae sa akin. Ngumiti naman ako bilang sagot sa kaniyang matamis na ngiti.

“Hi, what’s up?” 

“Gusto niyo ba sumama sa table namin?”

“Bakit?”

“Wala, hang out lang…” tinignan ko naman si Kit at nakakunot ang noo nito. Hindi siguro niya matanggap na ako ang nilapitan at hindi siya. Pero iba yung sinabi niya na ikinagulat ko. 

“Pasensya na miss, nag dadate kasi kami ng BOYFRIEND ko…” ipinatong niya yung kamay niya sa palad ko na ikinalaki ng mata ko.

“Ganoon ba? Ah okay sige…” sambit nung babae at bumalik sa upuan nila. Hinugot ko naman yung kamay ko sa pagkakapatong ng kamay niya. 

“Saan galing yun?” Gulat kong tanong.

“Wala lang, ako kasama mo tapos gusto mo kasama sila. Wag ganon!” 

“Baliw! Boyfriend ka diyan!” tinawanan naman niya ako dahil sa itsura ko sa sinabi niya. Umayos naman ako dahil baka isipin niya na affected ako.  

“Saan tayo after kumain babe?” tanong niya, agad ko naman siyang binatukan dahil sa paandar niya.

“Baliw ka, napatingin yung pamilya sa kabilang table. UMAYOS ka nga!” kunwaring inis kong sambit pero sa loob loob ko ay mamatay na ako sa kilig.

“OO na! Saan na tayo?” 

“Alam ko na, Dalian mo diyan, dadahlin kita sa tambayan namin ni…” naputol naman yung dapat na sasabihin ko at napatulala.

“Tambayan niyo ni?” tanong niya. 

“Wala, a person from the past…” ngiti ko sa kanya. 

“Ex?” 

“Parang ganun na nga.” Pilit na ngiti ko sa kanya.

Natapos kami kumain at dinala ko siya sa isang park na tinatambayan namin ni Joshua noon. Alam ko matagal na ako di nakakabalik dito since me and Joshua broke up pero tingin ko naman walang masama kung dadalhin ko dun si Kit.

“Ang ganda naman dito!” ngiti niya sa akin habang inililibot yung tingin sa park. 

“Dito ako lagi tumatambay noon kapag gusto ko mag isa at kapag gusto ko makapag isip.”

“This is the perfect place for a person to think.”

“Totoo, mabuti naman at natuwa ka.”

“Oo naman, salamat Daryll” sambit nito habang nakatingin sa mga mata ko. Oh that eyes that makes me melt kapag nakatingin sa akin. Iniiwas ko ang tingin ko, feeling ko napaka obvious ko na attracted ako sa kanya. Sana lang ay hindi niya iyon mahalata.

“A-ah, Kit! CR lang ako!” bigla kong sabi, I need to get away saglit baka mahalikan ko siya at masapak niya ako. Hindi pa magaling mga pasa ko para diyan.

“Ah-ah, sige!” sambit nito at agad na ako naglakad papuntang CR kahit hindi naman ako na CCR.

Naglalakad na ako papuntang CR ng may makasalubong ako, yung taong kanina ko pa hinahanap sa school. Nakita ko naman na palapit na siya sa akin. Si JOSHUA!

“Daryll?” sambit nito ng makalapit sa akin. Okay fine, alam ko I miss him. Bakit ganoon? Hayyyy!

“Joshua? H-hi! Bakit wala ka sa school kanina?” tanong ko dito. Kita ko naman ang pagkabigla sa mata niya marahil hindi niya inaasahan na kakausapin ko siya.

“Ah, may ginawa lang. Musta ka na?” lumapit ito para titigan ang mga pasa ko. Ewan ko ba pero hindi ako umiwas.

“O-okay na siya.”

“Joshua?” rinig kong sambit ng isang babae mula sa likuran namin. Lumingon naman ako at kita ko na kasama niya ang babaeng sanhi ng break up namin. Biglang nag shift yung nararamdaman ko kay Joshua sa pagkainis.

“A-andrea!” tila natarantang sambit ni Joshua sa babae. Lumapit naman si Andrea sa amin at tila kinikilala kung sino ako. 

“Hi! Ikaw yung bestfriend ni Joshua hindi ba?” pagkukumpirma niya. So talagang bestfriend ang pakilala ni Joshua sa akin. Nginitian ko naman si Andrea at inilipat ang ngiti ko kay Joshua na ikinayuko nito. 

“Hanggang ngayon, hindi mo pa din ako mapanindigan.” Sambit ko sa isip ko. 

“Hi, yes, I am Daryll.”

“Nice meeting you Daryll, btw, I am Andrea. Joshua’s special someone.” Ngiti nito sa akin. NASASAKTAN BA AKO? Nasasaktan ba ako dahil nakahanap agad si Joshua or dahil si Andrea ang anakatuluyan niya? Ang babaeng naging dahilan ng lahat ng sakit na naramdaman ko noon? Namiss ko pa man din siya, pak shit siya. Hindi na talaga siya magbabago.

“Nice, ikaw naman JOSHUA! Hindi mo naman ako pinakilala sa special someone mo!” sambit ko sa kaniya pero hindi naman ito umimik. 

“Daryll!” sigaw ni Kit sa akin. Nilingon ko naman ito at lumapit ito sa kinatatayuan namin. 

“Bakit kit?” tanong ko dito ng makalapit ito sa amin. 

“Ang tagal mo kasi eh” ngiti nito sa akin at lumingon sa dalawang kausap ko.

“Ah, Kit, si Joshua at Andrea. We go to the same school.”

“Hi, I’m Kristoff James Arguelles. Transferee ako sa school niyo.” Kita ko naman ang pagngiti ni Andrea at ang pag iiba ng mukha ni Joshua.

“Yes, I know you. Who would’nt! Ikaw ang new eye candy ng school.” Malanding turan ni Andrea. Nakakainis talaga. HALIPAROT.

“May ganun? Nice meeting you tol!” pagabot ng kamay ni Kit kay Joshua pero sinamaan lang niya ito ng tingin kaya hindi na nito tinuloy ang pakikipagkamay. Nagtaka naman ako hanggang sa maalala ko. SHIT! Nasabi ko nga pala kay Joshua na Kristoff James Arguelles ang pangalan ng bagong boyfriend ko. Feeling ko ay binuhusan ako ng tubig sa pamamawis ng noo ko.

“Huy, hindi naman mainit ah? Nagpapawis ka oh.” Hinugot naman ni Kit ang panyo niya at binigay sa akin kaya tinignan ko agad si Joshua. Para siyang papatay ng tao sa tingin niya. Aba teka, siya nga itong may SPEACIAL SOMEONE!

“May problema ka ba tol?” May angas na tanong ni Kit kay Joshua.

“Wala, ikaw meron ba?!” pangtapat na angas ni Joshua dito. Ramdam ko ang pagtense ng katawan ni Kit na parang susugod na ito. Hinawakan ko naman ang braso ni Kit. Tila naramdaman din ni Andrea ang tension dahil niyaya na ito Andrea paalis. 

“Let’s go Joshua!” hila nit okay Joshua at ng mapadaan ito sa amin ay binangga nito si Kit.

“Chill lang Kit, hayaan mo na siya.”

“Ano ba problema non?” tanong nito sa akin. Hindi ko naman masabi sa kanya ang dahilan.

“A-ano, ano ka-kasi…” nauutal kong sambit. Hindi ko pa natatapos ang sasabihin ko ng may tumulak kay Kit. Nang lingunin namin ito ay si Joshua pala. Bumalik siya. 

Hindi na makapagpigil si Kit kaya gumanti na ito ng sapak kay Joshua. Pinipilit kong hilahin si Kit pero hindi ito nagpapaawat. 

“Tama na Kit, Joshua!” awat ko sa kanila.

“Ano ba problema mo ha?” sambit ni Kit ng maitulak niya si Joshua palayo. 

“Ikaw! Ikaw ang problema ko!” 

“Bakit? Ano ginawa ko sa iyo? Gago ka pala eh!”

“Dahil inagaw mo ang tanong mahal ko!” kinabahan naman ako sa sinabi ni Joshua. 

“Anong pinagsasabi mo? Sinong mahal mo na inagaw ko?” takang tanong ni Kit dito. 

“Inagaw mo si Daryll!” Sigaw nito. Parang nasabugan naman ako ng dinamita. Paano ko ieexplain kay Kit na hindi ako straight at gumawa gawa ako ng kunwaring boyfriend na nagkataong kapangalan niya. Im so DEAD! 

Itutuloy…