#MyMadeUpBF Chapter 14 - This is it, FINALLY!

Chapter 14

Disclaimer: This is my first fiction story as a writer. Any events, names, scenarios or similarities to any written works are purely coincidental. This story is for mature audience and this story may contain gay sex. If you find this offensive please do not proceed on reading. Please leave a comment, negative or positive feedbacks are well appreciated. Do not copy this story without my permission.

Authors Note: Super late posting. Sorry guys, busy na ako. I was not expecting it na ganito kaaga ay magiging busy na ako. Anyways, kung hindi man matapos to within the month, pipilitin kong magpost every weekends ng back to back. Don’t worry hindi ko kayo bibitinin. Thank you sa laging nagbabasa and nagiiwan ng comments. Kayo ang isa sa dahilan why I can’t leave the story hanging. Anyways, here is Chapter 14! Enjoy :D

Back To Daryll Villaflor's POV

 

“Tara, uwi na tayo Kit.”

“Sa apartment muna tayo!” ngisi niya sa akin.

“Ha? Baka hanapin na ako ni daddy.”

“Text mo nalang siya, ako naman kasama mo.”

“Sa bahay na tayo, wala ka naman pagkain sa apartment mo, doon ka na kumain sa bahay.”

“Ako ang kakainin mo at ikaw ang kakainin ko!”

“Bastos mo Kit!” batok ko sa kanya pero hinila niya kamay ko. 

“Basta, sa apartment tayo.” Halla, may mangyayari na ba? VIRGIN pa akoooo!

“Hoy Kit, umayos ka! Late na nga oh. Hindi ako nagpaalam kay daddy, babatukan nanaman ako nun!”

“Ish!” pagmamaktol niya na ikinangiti ko. 

“Parang bata! Halika na, uwi na muna tayo sa amin!” Hindi ako magpapaisa, ano? Bibigay agad? 

“Oo na! Kiss ko pala?” pag nguso niya!

“May mga tao baka may makakita!”

“Andami naman bawal!” simangot niya.

“Kapag tayong dalawa nalang, you can do anything you want!” ngiti ko sa kanya.

“Talaga?”

“Oo nga! Halika na baka sa labas na ako patulugin ni daddy!”

“Let’s go!” hila niya sa akin para mag abang ng taxi.

“Wait lang!” sambit ko.

“Oh bakit?”

“Gusto ko lang mag picture tayo!” ngiti ko sa kaniya. Since this is official, I want us to have our first picture as a lover. 

“Yun lang pala eh.” Sambit nito at umakbay sa akin.

“Ito ang unang picture natin na tayo na!”

“Oo nga! Gusto mo ikiss kita sa cheeks?” malokong suggestion niya. 

“Sira, gusto mong ma scandal tayo? Ipopost ko kaya to sa IG.”

“HAHA! Syempre joke lang yun!” 

Nilabas ko ang phone ko at nag selfie kami ni Kit habang nakaakbay siya sa akin. Kita sa picture ang kakaibang saya naming dalawa kaya nag post ako agad sa IG ko. 

“Oh ano naman ginagawa mo?” tanong niya after namin makakuha ng ilang shots.

“Magpopost nga sa instagram hindi ba? wait, stay put kalang muna.”

“Andaming alam!” biro nito sa akin. 

“Okay na!” pinakita ko naman sa kanya yung picture namin. 

“Gwapo ko diyan oh!”

“Mas gwapo ako!” ngiti ko sa kanya at naglakad na kami para kumuha ng taxi.

Habang nagaabang ng taxi ay panay naman ang kulitan namin ni Kit. Ewan ko ba kanina lang eh parang parehas kaming may pag aalinlangan pero ngayon parang nawala lahat ng iyon. Ganoon pala kapag mahal niyo ang isa’t isa. Mas masaya ako sa relationship ko ngayon kay Kit kesa nung kami ni Joshua. Don’t get me wrong, minahal ko si Joshua pero iba yung kay Kit. Ewan, hirap iexplain pero alam ko masaya ako. Nagagawa kasi namin mag kulitan na parang magkaibigan lang. Noong kami kasi ni Joshua ang stiff naming dalawa in public.

“Andaming likes oh!” tuwang sambit ko kay Kit habang naghihintay kami ng taxi. 

“Kasi andyan ako kaya madaming likes!” mayabang na turan niya. 

“ASA ka naman! Gwapo din kaya ako!”

“Oo na! I love you!” out of the blue niyang sambit.

“Para kang sira!” tila kinikilig kong sambit.

“Oh bakit? Wala man lang bang response?”

“I” simula ko. Kita ko ang paghihintay niya. 

“Love” pagpapatuloy ko. 

“You?” ngiti ko sa kanya. Ano ba yan para akong dalagang kinikilig!

“Can’t wait na masolo kita!” bulong nito sa akin na ikinakaba ko. 

Nang may pumarang taxi ay sumakay na kami. Tinignan ko naman ang phone ko kung nagtext si kuya o daddy pero wala. Sana hindi ako pagalitan, kasama ko naman si Kit.

“Manong sa Herrera St. tayo.” Sambit ni Kit ng makasakay kami ng taxi. Panay ang hawak nito sa kamay ko pero hinihila ko ito at baka makita kami ni manong. 

“Umayos ka nga Kit!” bulong ko dito.

“Maayos naman ako?”

“I mean don’t be showy masyado. Nakakahiya kay manong!”

“Ikinahihiya mo ba ako?” malungkot sambit nito.

“Ako? Ikakahiya ka? Hindi no!” ngiti ko dito.

“Ganoon naman pala? What’s wrong?” Nak nang, mas makulit pala to kay Joshua!

“Bahala ka nga!” sambit ko pero agad naman nitong iginap ang kamay niya sa kamay ko. Tinignan ko naman si manong at nakita ko siyang nakangiti sa amin na ikinahiya ko.

“Ah, mga hijo. Kayo ba?” nakangiti niyang sambit. Namula naman ako sa tanong ni kuya pero si Kit ay nakangiti at tumugon ito sa taxi driver.

“Opo manong…” ngiti niya at tinignan ko naman ito ng masama.

 

“What?!” tanong nito sa akin.

“Huwag kang mag alala hijo, hindi ko kayo huhusgahan. Dapat maging masaya ka diyan sa boyfriend mo kasi proud siyang sabihin na mahal ka niya.” Ngiti sa akin ni manong na ikinangiti ko na din. Tinignan ko naman si Kit at lalo nitong hinigpitan ang hawak niya sa kamay ko.

“Hindi po ba kayo naweiweirduhan sa amin manong?” tanong ko.

“Nung una oo, hindi kasi kayo halatang dalawa. Nagulat na lang ako ng hawakan ng kasama mo yang kamay mo. Nang makita ko yun, alam ko na mayroon kayong relasyon.”

“Salamat manong at hindi kayo katulad ng iba ng mapanghusga.” Sambit ni Kit sa taxi driver.

“Oo naman, hindi naman batayan ang pagkasino ng tao para lang magmahal hindi ba?” 

“Tama ka diyan manong!” sambit ni Kit.

“Pero advice lang, mga bata pa kayo. Huwag masyado seryoso diyan at enjoyin niyo lang ang kabataan niyo. Kung kayo talaga, magiging kayo. Dapat happy lang.”

Bilib din ako kay manong, iilan lang siya sa mga tao na may malawak ang pagiisip at bukas sa ganitong uri ng relasyon. Noong una, akala ko walang tao ang makakaintindi ng sa amin ni Joshua or ni Kit kaya takot akong magladlad. 

“Manong, sa tabi nalang po. Ito po bayad.” Abot ni Kit sa taxi driver.

“Salamat, kuha kayo ng card diyan sa likod. Kung kailangan niyo ng taxi na susundo tawag lang kayo.”

“Salamat manong.” Ngiti ko sa kanya at kumuha ng card.

“Salamat din mga hijo. Yung advice ko sa inyo ha?”

“Opo manong! Sige po…” 

Bumaba na kami at pumasok na kami sa loob ng bahay, hinawakan niyang muli ang kamay ko pero agad ko naman itong hinugot. Hinarap ko siya at kinausap muna bago kami tuluyang nakapasok. 

“Kit, you know I love you right? Pero sana let’s keep this a secret from my dad and my kuya. Natatakot kasi ako.”

“I understand…” sambit nito at umayos na siya.

“Salamat Kit.”

“Alam ko naman ang hesitations mo eh. Ganyan din ako kay papa at mama. Baka hindi nila tayo maintindihan.”

Nang makapasok kami ay nakita ko si kuya kasama ang mga kasamahan niya sa trabaho na nag iinuman sa terrace. Agad naman nito kaming nakita ni Kit at kinausap.

“Oh, Daryll,Kit. Bakit ngayon lang kayo? Kumain na ba kayo?” tanong ni kuya sa amin. 

“Hindi pa kuya, si daddy?” tanong ko dito. 

“Ewan ko, umalis kanina. Bihis na bihis, may date ata.” Nakangiting sambit ni kuya na ikinakunot ng noo ko. 

“Si ninong may date? Ayos ah!” masayang sambit ni Kit na nakipag appear pa kay kuya. Piningot ko naman ang tenga ni Kit na ikinatawa ni kuya. 

“Anong masaya? Kuya? Si daddy may date?!” tila naeskandalo kong sambit.

“Oh, bakit? Ano masama doon? It’s about time for daddy to find someone new.” 

“Tama naman si kuya Daryll. Okay nga yun eh.” 

“Hindi yun okay!” sambit ko at nakita ko na nagtinginan si kuya at Kit. Ewan ko ba, ayaw ko lang na magkaroon ng bagong mama. Kahit na may galit ako sa mama ko, umaasa pa din ako na babalikan niya kami.

“Oh siya, tama nay an. Daryll, huwag mo na isipin yung sinabi ko. JOKE lang naman yun. Pumasok na kayo ni Kit at kumaen. Manang, andito na sila Daryll, pakihanda yung pagkain nila.” Sambit ni kuya kaya pumasok na kami. 

Nadaanan ko naman yung mg aka work ni kuya at nginitian sila, madalas din kasi sila dito mag inuman. Hindi naman tutol si daddy kasi matanda na daw si kuya. Ipinakilala naman ni Kuya si Kit sa mga kasama ni kuya. 

“Oy Daryll! Musta na?” tanong ni ate michelle na kaibigan ni kuya. 

“Okay lang po ate. Hello po mga kuya at ate!” ngiti ko sa kanila. 

“Cute mo talaga, itong kuya mo panget!” biro nila kay kuya. 

“Loko talaga kayo! Siya nga pala si Kit, kababata ni Daryll. Kit mga kasama ko sa trabaho.”

“Good evening po!” bati ni Kit sa kanila. 

“Gwapo mo naman!” ngiti ni ate Michelle na ikinangiti ko dahil nag blush si Kit. 

“Halla! Nagblush!” tawa ko sa kanya at nakitawa na din ang mga kasamahan ni kuya. 

“Ang cute niyong dalawa Kit at Daryll siguro andami niyo na pinaiyak na mga babae!”

“Ehem!” naubo kong smabit.

“Nako, si Daryll po yun!” biro ni Kit. 

“Hindi po!” defensive kong sambit.

“Oh siya, tama na yan. Kumain na kayo sa loob!” sambit ni kuya.

Pumasok na kami sa dining area at kumain ni Kit. Ang sarap ng ulam, favorite ko! Naalala ko naman si mama dahil lagi niya itong niluluto nung bata pa ako. Habang kumakain kami ay kinausap naman ako ni Kit.

“Bakit ayaw mo na magkaroon ng bago ang daddy mo?” tanong ni Kit ng makaupo kami sa dining table.

“Kit, may mama ako!” naibulalas ko.

“Akala ko ba iniwan na kayo ng mama mo? Isn’t it best for your dad to find the one for him?”

“Ayaw ko ng bagong mama!”

“Alam ko nararamdaman mo, pero hindi mo ba naisip na kapag nagkaroon na ng pamilya ang kuya mo at pag nagsama na tayo eh maiiwan ng mag isa ang papa mo?” hindi ko alam kong matatawa ako o ano sa sinabi niya. 

“Teka? Tayo magsasama? Grabe ka naman ang advance mo mag isip!” natatawa kong sambit.

“Bakit ayaw mo ba akong makasama habang buhay?” kindat niya sa akin.

“Shhh!” sambit ko sa kanya at lumingon lingon at baka narinig kami ni manang. 

“Paranoid lang?”

“Kasi naman ikaw, nambibigla ka sa mga ganyan mo!”

“Pero seriously Daryll, hindi mo ba naisip yun?”

“Ang alin?” biro ko sa kanya. 

“Ang gulo mo naman kausap!” tila nayayamot niyang sambit sa akin.

“Joke lang, naisip ko naman yun Kit. Ang akin lang, kahit na iniwan kami ni mama para dun sa lalake niya, hindi pa din ako nawawalan ng pag asa na babalikan niya kami.” Nakita ko naman na parang nalungkot ito sa sinabi ko.

“Daryll…” pinatong naman nito ang kamay niya sa kamay ko. Hinayaan ko nalang ito dahil nakita ko na lumabas si manang. 

“Ano ba yan, huwag na nga natin pag usapan. Okay lang ako. Dapat happy lang hindi ba?”

“Ikaw kaya yung malungkot!” 

“Ikaw kasi, andami mong tanong!”

“Mga tol! Okay ba kayo?” biglang sulpot ni kuya dahilan para hugutin ko yung kamay ko mula sa pagkakapatong ng kamay ni Kit sa kamay ko. Sa bilis ng pangyayari ay nasagi ko ang baso ng juice at nabuhos ito sa pantalon ni Kit. 

“Ano ba yan Daryll!” biglang sambit ni kuya ng mabuhos ang juice.

“Sorry Kit!” sambit ko at tumayo para punasan yung pantalon niya. 

“O-okay lang.” sabi ni Kit.

“Mabuti pa umakyat ka na sa kwarto ni Daryll. Magpalit ka na ng damit. Humiram ka nalang muna sa kanya.” Utos dito ni kuya.

“Sige po kuya. Halika na Daryll?” yaya sa akin ni Kit. Aalis na sana kami ni Kit ng tawagin ako ni Kuya.

“Mauna ka na Kit. Kausapin ko lang yung kapatid ko.” Kinabahan naman ako sa sinabi ni kuya. Nakita niya kaya kami? Nagkatinginan kami ni Kit at bakas sa mukha ko ang kaba. Nginitian naman ako nito bago siya tuluyang umakyat sa kwarto ko.

“Sige kuya, una na ako sa taas.”

“Sige Kit…”

Nang makaalis si Kit ay hinarap ko naman si kuya. Kinakabahan ako pero hindi ko ito pinahalata, I kept it cool. 

“Bakit kuya?” simpleng tanong ko dito.

“Mag usap tayo tungkol sa pakikipagrelasyon ni daddy sa iba.” Nakahinga naman ako ng maluwag. Akala ko kung ano na. Pero ano daw? Pakikipagrelasyon?!

“Akala ko naman kung ano na. Oh bakit si daddy kuya?”

“Paano kung may nililigawan na si daddy?”

“Kuya, alam mo naman na ayaw ko ng bagong mommy. Kung hindi man tayo balikan ni mama okay na tayo lang. Kinaya naman nating tatlo na tayo lang ng matagal na panahon ah?”

“Daryll, sana buksan mo ang isip mo. Intindihin din natin si daddy.” Mahinahong pagpapaliwanag ni kuya sa akin

“Kuya, napapasaya naman natin si daddy hindi ba?”

“Pero hindi mo ba naisip na kailangan niya ng makakasama sa buhay kapag wala na tayo at may sarili ng pamilya at buhay?” napabuntong hininga naman ako at hindi ako nakapagsalita sa sinabi ni kuya. Napansin naman niya na napaisip ako sa sinabi niya.

“Oh siya, alam ko mahirap pa sayong maintindihan ito. Umakyat ka na at magpahinga.”

“Wala pa ba si daddy?”

“Wala pa eh.” Nagbuntong hininga naman ako, paano nga kung may bago na si daddy?

“Sige kuya. Akyat na ako.” Umakyat na ako at iniisip ko pa din yung sinabi ni kuya. Bigla naman nag ring yung phone ko. Si Chelsea pala ito kaya agad ko namang sinagot.

“Hoy friend, ano na?!” excited niyang sambit.

“Anong ano na?” 

“Ito parang others, I share mo na! Alam ko naging maganda ang kinalabasan ng pag uusap niyo dahil kung hindi ay kanina mo pa sana ako tinawagan.” Natawa naman ako sa sinabi niya, kilalang kilala na talaga ako ni Chelsea. Lumingon naman ako at baka malapit lang si kuya at ng wala siya ay kinausap ko ulit si Chelsea.

“Eh alam mo naman pala nagtatanong ka pa?”

“OMG, so you mean? KAYO NA?!”

“OO! Nakapag usap na kami kanina and sinunod ko advice mo. Sisikapin kong ako nalang ang nasa puso niya at mawala si Nathalie.”

“I am so happy for you Daryll. After lahat ng nangyari, ito ka, masaya ka na!”

“Thank you Chelsea, sobrang saya ko din. Ang sarap pala sa pakiramdam yung nagsasabihan kayo ng I Love You!”

“Ito parang bago sa iyo yan. Eh ganyan ka din naman kay Joshua dati.”

“I know, pero nung kami ni Joshua eh sweet lang kami kapag dalawa lang kami.”

“Eh hindi ba yun naman ang gusto mo?”

“Oo, pero iba talaga si Kit eh. I mean nagagawa niyang maging sweet na parang nagmumukha lang kaming magkabarkada na ewan ko! Basta iba ang feeling!”

“Ikaw na, ako kaya? Kelan ko ma experience yan?” tila naiinggit niyang sambit.

“Choosy ka kasi! Babaan mo kaya standards mo?”

“Siyempre gusto ko kagaya ng mga naging BF mo. Ano, basta basta nalang? Ang swerte mo nga eh!”

“Halla? Ako? Bakit naman?”

“Ang gwapo ng mga nakakarelasyon mo. Biruin mo noon si Joshua na pantasya ng lahat tapos ngayon ang super hot na si Kit naman ang nabingwit mo? Yung totoo saan ka kumuha ng mga pinangayuma mo?”

“Sira! Gayuma ka diyan?”

“Joke lang, hayyyy!”

“Hintayin mo lang dadating din siya sa buhay mo.”

“Sana nga friend, SANA!”

“Oh siya, bukas na tayo mag kwentuhan ha?”

“Excited? Ano gagawin niyo ha?”

“Ito, greenminded much?”

“Pa V lang?”

“Hoy virgin pa ako!”

“Saan sa ilong?” biro niya.

“Sira ka talaga! Bye na!”

“Alright, bye friend. Have a GOOD night.”

Nang matapos na ang tawag namin ni Chelsea ay dumaan muna ako sa kusina para uminom ng tubig. Nakita ko naman na may mga bote ng san mig light sa kusina. Hindi pa ako nakakainom ng alak at gusto ko itry. Ipupuslit ko sana yung dalawang bote ng biglang pumasok si kuya sa kusina.

“Saan mo dadalhin yan?” naniningkit niyang tanong.

“Sa-sa inyo ku-kuya! Tama, sa inyo! Baka wala na kayong iniinum?”

“Palusot ka pa eh! Hall sige, dalhin mo nay an. Tig isa na kayo ni Kit. Wala naman si papa, huwag mo nalang banggitin sa kanya okay?”

“Talaga kuya? Hindi ka galit?”

“Oo, paminsan minsan lang naman. Sige na, baka maabutan ka pa ni papa.”

Dali dali naman akong umakyat. Natuwa naman ako kay kuya dahil pumayag siyang uminom ako. Excited akong umakyat para ipakita kay Kit ang dala ko pero nang makapasok ako sa loob ng kwarto ko ay ako ang nagulat! Nakita ko na nakahiga si Kit sa kama ko na tanging boxer briefs lang ang suot!

“Ki-kit, bakit ganyan itsura mo?” This is it na ba? Waaaa! 

Itutuloy…