For What It's Worth 6

Chapter 6

Authors Note: This story is based from my own experience. Names were changed for the privacy of people involved. Some scenarios are also changed to make the story more appealing to readers. Any events or situations that resemble are pure coincidence. I am new in writing stories so bear with my lapses. Please leave your comments, bad or good comments are appreciated. Thank you.

P.S. Nakakatuwa po na may mga nagbabasa sa stories ko. Pero sana po mag comment naman kayo diyan :) Enjoy chapter 6...

“JD, may naghahanap sayo. Lalake, andun sa may gate. Pinapasok ko na. Ano na ba pangalan nun, basta andun, puntahan mo na.”

“Ayy sige po aling becky, una na po ako” Pagpaalam ko sa landlady ko. Nagulat naman ako kung sino ang nasa gate…

“Mike?”

“Ahhh, hi JD?” Nahihiya niyang pagkausap sa akin.

“Hi? Oh sh*t putok labi mo. Bakit di mo muna nilinisan yan?” Pagaalala ko sa kanya, ako naman kasi dahilan niyan, yung inis ko sa kanya natunaw nung nakita ko siyang nakipagsapakan para lang iligtas ako sa manyak na yun. Umiling lang siya at akmang tatayo na.

“Alis na ako JD. Chineck ko lang kung safe ka na nakauwi.” Pagpaalam niya.

“Ako pa talaga inaalala mo? No, halika pasok ka muna sa apartment ko. Ako maglilinis niyang sugat sa labi mo.

Kahit nahihilo ako at medyo masakit pa sikmura ko ay di ko yun pinahalata kay Mike. Kumuha ako ng first aid kit sa landlady ko para magamot ko ang sugat ni Mike. Kahit yun man lang ang magawa ko para sa kanya.

“Ahhh, Mike? Salamat kanina ah? Siguro kung di ko dumating baka may nangyari na sa akin.” Pagpapaslaamat ko kay Mike.

“Wala yun JD. Napansin ko kasi kayo nung nasa dance floor na kayo eh pumipiglas ka pero iniipit ka niya. Nung sinuntok ka niya dun na ako lumapit.

“Salamat talaga ah?” Paguulit ko.

“Wala yun, sino ba kasi yun? Grabe naman kasi kayo magdikit sa dance floor. Akala ko nun una kaibigan mo.” Pagtatanong niya. Nagdalawang isip ako kung sasabihin ko ba pero naunahan ako ng takot.

“Hindi ko alam. Huwag na nating pagusapan Mike. Gusto mo ba ng coffee? Teka paano mo nalaman kung taga saan ako?”  paguusisa ko sa kanya habang nililigpit ko yung first aid kit.

“Hindi na JD.  Eh, kinausap ko kasi yung kaibigan ko na SA sa registrars. Pinahanap ko record mo. Actually medyo matagal ko na na alam kung san ka nakatira.” Pag amin niya. “Salamat sa paggamot mo sa sugat ko ah?”

“It’s the least I can do Mike. Pero bakit mo inalam kung san ako nakatira?”

“Wala lang, dapat kasi kakaibiganin na kita after nung nangyari sa atin pero mailap ka na sa akin eh”

“Ah? Ewan ko kasi sayo. Bipolar ka ba?” Pagtawa ko sa kanya.

“Hindi ah! Ahhh JD, can we be friends now?” Pagtatanong niya.

“Oo naman Mike, after you saved my ass kanina? Friends.” Pakikipagkamay ko sa kanya

“Yes! Friends! Oh sige tol, una na ako ah?” Pagpapaalam niya

“Oh siya, ingat ka” Akmang lalabas na siya ng biglang bumuhos ang napakalakas na ulan. Seriously? What is the meaning of this? Napabuntong hininga naman ako.

“Mike, just stay here for the night. Uwi ka nalang bukas ng umaga” Pagaalok ko sa kanya.

“Okay lang ba? Nakakahiya naman”

“Huwag ka na maarte. I have extra foam naman. Sa lapag ka nalang humiga”

“Salamat”

Sinimulan ko ng ayusin ang higaan ni Mike. Pinahiram ko muna siya ng shorts at shirt para kumportable siya sa pagtulog. Nauna pa nakatulog sa akin si Mike. Naririnig ko yung hilik niya kaya napatingin naman ako kung sa siya nakahiga. Ang guwapo niya talaga, yung makinis niyang mukha at yung labi niyang mapula na ang sarap halikan. Whaat? ERASE JD, ERASE! NO!!!

“Ano ba yan, makapag gatas nga.” Dumiretso ako sa ref ko at kumuha ng fresh milk. Halos buong gabi ako di nakatulog dahil kay Mike. Kapag pumipikit ako may rated SPG na pumapasok sa isip ko towards Mike. Hayy. Bakit nung niligtas niya ako, nawala lahat ng inis ko kanya at napalitan ng paghanga? P-a-g-h-a-n-g-a? Crush? Crush ko sa Mike? Napabuntong hininga ako sa realization ko. Nasa ganun akong pag iisip ng tumunog ang alarm ng phone ni Mike. Bumangon siya at nagkuskos ng Mata. Grabe ang gwapo niya, kahit tayo-tayo yung buhok niya at may bakas pa ng laway sa pisngi niya eh ang gwapo pa din niya. Hindi ko namalayang natulala pala ako sa kanya.

“Ui, JD!” panggulat sa akin ni Mike

“Cute” wala sa sarili kong nasabi.

“Huh?” Nagtatakang tanong ni Mike.

“Ah, Ano, Kwan, Good Morning! Nako, ahh, kape? Ay hindi tinapay? Huh?” Kahit ako naguluhan din ako sa pinagsasabi ko.

“Hahaha ang kwela mo! Sabi ko mauuna na ako kasi may dadaanan pa ako. Natulog ka ba? Ang lalim ng eyebags mo oh!” Paglapit niya at paghawak sa mata ko. Para naman akong mahihimatay sa kilig. Pulang pula na ang mukha ko. Ang bango ng hininga niya, bakit ganun? Di ba siya nababad breath?

“Huh? Hindi no! kagigising ko din. Oh sige, yung damit mo sinabit ko sa may veranda kunin mo na lang. Gusto mo ba mag almusal muna?” Taranta kong tanong.

“Okay ka lang ba talaga? Ang weird mo hehe! Hindi na. Sige bihis lang ako”

Nakahinga naman ako maluwag ng tumayo na siya. Napabuntong hininga na lang ako. Attracted talaga ako sa kanya. Akala ko ay hindi na dadagundong ang puso ko but wait, mali ako. Lumabas si Mike ng naka boxers lang at inabot niya yung pinahiram kong damit. Kung kanina hindi ako makahinga ngayin feeling ko ma stroke na ako.

“JD oh, salamat dito ah?” Nakangiti niyang sagot. Natulala ako sa kanyang katawan. Di naman siya maskulado pero slim at kahinaan ko yung flat na tiyan. Lalong namula ang mukha ko nung makita ko yung harapan niya, napalunok ako at umiwas ng tingin.

“Magbihis ka na nga. Dun ka sa CR!” Sabi ko sa kanya nmg di makatingin.

“Arte mo naman, same lang naman tayo na lalake JD. Dito nalang ako magbibihis.”

“Bahala ka, bibili lang ako ng kanin” Taranta kong sagot.

“Huh?” Naguguluhan niyang tanong?

“Kakanin, oo kakanin! Okay Bye.” Pagpapalusot ko sa kanya.

Paglabas ko ng pinto ay dun lang ako nakahinga ng maluwag.

“Diyos ko ano ba to” Pakikipagusap ko sa sarili ko. Pumunta muna ako sa tindahan at bumili. Pagbalik ko ay nakabihis na siya. Nagpaalam naman siya na aalis na siya.

“Alis na ako JD. Masaya ako na naging friends na tayo tol”

Makikipagkamay sana ako pero nagulat ako ng niyakap niya ako. Yung yakap ng mga brusko? Shet, ang bango niya. Hayyy. Bumalik nalang ako sa katinuan at nag paalam sa kanya.

“See you on Monday JD, sana di mo na ako iwasan huh?”

“Sige, bye Mike” ngit ko sa kanya habang papalayo siya sa akin.

Kinikilig talaga ako kay Mike! Bakit ganun? Wala sa sarili kong kinuha yung t shirt na sinuot niya. Nakakadiri man sa iba pero inamoy ko ito. Ang bango ng pawis. Oh aminin niyo may iba sa inyo gagawin din ang ginawa ko kung talagang crush/type niyo ang isang tao. Nasa ganun akong eksena ng may nagtext sa akin. Dalawang magkasunod.

2 message received.  1 message from PJ and 1 message from secret.

Message from PJ deleted. Wala ako gana basahin ang mga kasinungalingan ni PJ.

Massage from secret open. Si secret yung nag tetext sa akin. Hanggang ngayon di ko din siya kilala pero nakikipagpalitan naman ako ng message sa kanya once in a while.

“Good Morning JD. Musta ka na?”

“Okay naman ako. Sasabihin mo na ba kung sino ka?”

“Nope, mukhang masaya ka ah?”

“Ah oo. J”

“Bakit naman?”

“Secret!”

“Haha gaya gaya ka!”

Di na ako nag reply, lagi ganyan usapan naming, minsan nagtatanong siya ng mga bagay bagay sa akin at sinasagot ko naman pag trip ko. Nagpasyang matutulog nalang ulit ako. Since wala na si Mike ay mahimbing na akong makakapagpahinga. Hindi ko namalayan ay nakatulog na ako.

_________________________________________________________________________

Flashback/Dream

“Masaya ka ba?” Tanong ni PJ habang naglalakad kami sa Ayala Triangle Gardens. Kakatapos lang naming mag lunch. Monthsary kasi naming and I’ve never been so happy.

“Oo naman PJ. Thank you” Pagpapasalamat ko sa kanya. Kahit gusto ko na siyang mayakap at mahalikan ay di ko magawa, baka kasi may makakita sa akin na kakilala ni papa.

“Im Glad! Gusto mo bang mag sine muna?” Malambing na tanong niya.

“Sige, tignan na lang natin kung anong magandang showing.”

Habang nakapila ako sa bilihan ng pop corn sa glorietta cinema ay nakita ko si PJ na nakikipagharutan sa isang babae habang nakapila sa bilihan ng ticket. Mahal ko si PJ pero madalas ay napapansin ko ang pagiging flirt niya. Parehas kaming bago sa same sex relationship pero ako pinilit kong maging faithful sa kanya. Madami ako naririnig pero nagbibingibingihan lang ako palagi. Mahal ko si PJ, kaya kong magtanga tangahan kasi nga mahal ko siya. Sinasabihan na ako ng mga kaibigan ko pero di ko sila pinapakinggan.

“Sino yun?” Tanong ko nang makalapit ako sa kanya.

“Wala yun, tara na?” Ngiti niyang anyaya sa akin. Hinayaan ko na lang siya at pumasok na kami sa loob ng sinehan. Lumipas pa ang ilang mga buwan at masaya naman kami. Kahit may hinala akong niloloko niya ako eh hinahayaan ko lang. Hanggat di nanggagaling sa kanya eh hindi ko siya bibitawan.

Hanggang sa dumating yung araw na narinig ko lahat ng mga kasinungalingan at panloloko niya sa akin. Masakit makarinig ng mga haka haka sa ibang tao pero mas masakit marinig yun sa taong mahal mo. Siguro nga may hangganan din ang pagiging tanga…

_____________________________________________________________________________

Nagising ako ng umiiyak. Bakit? Hanggang naalala ko yung panaghinip ko. Bakit? Bakit di ko pa din makalimutan yung sakit? Bakit umiiyak pa din ako? I thought I moved on? Pero bakit bumabalik balik pa din yung sakit na to? Bumangon na ako at naligo. I need to divert this feeling.

Lumipas ang mga linggo na naging okay naman relationship naming ni Mike as friends. Parang habang tumatagal eh lalo ako nagkakagusto sa kanya. Naging maalaga at maalalahanin na kasi si Mike simula nung naging magkaibigan kami. Si Chris naman, inis pa din kay Mike, naikwento ko naman sa kanya kung paano kami naging magkaibigan ni Mike. Wala namang magawa si Chris dahil di naman DAW niya hawak ang magiging kaibigan ko pero tuwing kasama ko si Mike ay umiiwas si Chris, naiinis pa din daw siya dito. Hinayaan ko nalang siya. Naging busy na din kasi ako sa school and syempre sa org ko na RPG. Nagkakaroon na kasi kami ng shows since naiinvite kami sa ilang school fairs and activities. Gusto ko naman yun kasi nadidivert di lang yung feelings ko para kay Mike kundi nadidivert din yung heartache na binigay ni PJ sa akin.

“Guys, we need to get 10 dancers for dance group na mag peperform para sa anniversary ng isang org. We will have to pick 5 girls and 5 boys. Para maging fair, we need to conduct an audition. Okay ba yun?” Pagpapaliwanag ng choreographer ng dance group.

“Yes!”Sigaw naming nasa dance group. Napaisip naman ako kung anong dance piece ang gagawin ko. Dapat makapasok ako, first napakalaking event nun and baka mapansin ako ng campus dance troupe.

“Oi, tol ano ginagawa mo?” Pagtatanong ni Jeffrey sa akin. Nakakapagusap naman kaming madalas pag break ng workshop ng RPG.

“Nagiisip ako ng dance piece. Nagpapaaudition kasi ang dance group na mag peperform for an event.”

“Narinig ko nga. You really like dancing no?”

Tumango naman ako sa kanya. Bumalik ako sa aking ipod at nag check ng up beat songs na pwede kong gamitin sa audition ko. Habang abala ako sa pagchechek ay nagsalita ulit si Jeff.

“Try mo magpatuolong kay Mike, dancer kaya yun!”

“Weh? Di nga? Bakit di siya sumali  sa mga dance groups?” Mangha kong tanong sa kanya.

“Dati siyang member ng dance troupe nung High School kami. Ewan ko ba dun, tumigil na sumayaw eh.”

“Makausap nga yun.” Pagtawa ko kay Jeff.

“Alam mo buti nalang close na kayo, dati kasi ang aloof mo sa kanya, Lagi kaya nagkukwento yun sa amin.”

Si Mike? Nagkukwento ng mga ganung bagay sa mga kaibigan niya? Bakit naman? Affected siya? Ayyy ayan nanaman ako sa pagiging assuming ko. Palabas na ako ng campus nung tawagin ako ni Mike na tumambay sa may giant steps. Ginamit ko naman yung chance na yun para magpatulong sa kaniya. Di kasi ako magaling mag choreograph kaya I badly need help.

“Mike, sabi ni Jeff magaling ka daw sumayaw? Ah eh….” Panimula ko kay Mike.

“Ih Oh Uh? Geek ka talaga JD. Ano na?” Pangungulit ni Mike sa akin

“Can you help me out on my steps para sa audition ko? Gusto ko makasali sa 10 dancers na mag peperform sa isang event next month eh…” Pagpapacute ko sa kanya.

“Pa cute! Naniwala ka naman kay Jeff na sumasayaw ako?”

“Oo, mukha ka naman dancer eh. Sige na please?” Pangungulit ko kay Mike.

“Ayaw” Pagsagot niya na parang bata.

“Sige na Miiikkkkeee! I will do everything you ask me to do promise!”

“Promise?” Pagcoconfirm niya.

“Yesss!” Pagsagot ko

“Well” Paglapit na siya sa akin. Napaatras naman ako, wromg move! Nasa dulo na ako at muntikang mahulog, buti nalang at nasalo ako ni Mike.

“ahhh” Pulang pula ang mukha ko, first kasi halos nakayakap na ako kay Mike and second nagkatinginan kami.

“JD malagkit na tingin niya sa akin, this is it, hahalikan na ba niya ako? Nagpapaubaya na ako.

Pumikit na ako bahala ka na sa akin Mike…

“Ui JD, para kang timang!” Pagtawa niya sa akin.

Shit! Nakakahiya. Itinulak ko siya and inayos ko ang sarili ko. Hindi ko alam gagawin ko, feeling ko ang obvious ko na. What If iwasan ako ni Mike? I can’t afford to feel the same rejection I got when I was in HS.

“Ahhh, ano. Ang dami mo kasi alam! Anon na kasi yung ipapagawa mo ng maturuan mo na ako sa audition ko?” Pagmamaktol na sambit ko, tumalikod muna ako at kunwaring may kukunin sa bag para maitago ang pamumula ko.

“Tulungan mo ako kay Giselle, I want to try courting her again”

Nagulat ako sa request niya. Napalingon ako sa kanya pero di ko namalayang magkalapit na pala kami. Halos mahalikan ko na siya. Lalo ako namula at napatulala sa labi niya. Nasa ganun akong pagiisip ng bigla siyang nagsalit.

“Ano na JD? Type ko pa din yung best friend mo eh”

I dunno what to say, I dunno what to do. Masakit Oo pero mukhang dun magiging masaya si Mike. Kaya ko bang magpakamartyr? …

Itutulouy…